👈 қаріп өлшемі 👉

Қазақ тілі және әдебиеті 2-бөлім Менің мектебімЖол жүру маршрутын жазу «Бб» дыбысы мен әрпі САБАҚ ЖОСПАРЫ


Сабақ жоспары

Пән: қазақ тілі және әдебиеті

Ұзақ мерзімді жоспар бөлімі: 2-бөлім: Менің мектебім

Мектеп: Талдықорған қаласындағы физика-математика бағытындағы Назарбаев Зияткерлік мектебі

Күні: 8.10.2015ж.

Мұғалімнің аты-жөні: Сарыева А.Т.

Сынып:

Қатысқандар саны:20

Қатыспағандар саны: 0

Сабақтың тақырыбы

Мектеп туралы әңгімелер оқу. «С» дыбысы мен әрпі

Осы сабақта қол жеткізілетін оқу мақсаттары (оқу бағдарламасына сілтеме)

1.2.1.1 Әңгіменің мазмұнын түсінеді, басты кейіпкерлерін анықтайды және қарапайым мәтіндерден нақты ақпаратты табады.

1.2.4.1 Күрделі емес мәтіндер мен суретті кітаптар бойынша қарапайым сұрақ қоя біледі.

1.2.6.1 Қарапайым сөздер мен сөйлемдерді буындап, тұтас, дауыстап оқиды

 Сабақтың мақсаттары

«Мақтаншақ бақа» әңгімесін оқу арқылы әңгіменің кейіпкерін,оқиғасын және мазмұнын талқылау,суретке қарап сұрақ қоюды үйрену.

«С» дыбысы мен әрпін айтып жазып үйрену,сөзде қолдану.

 Жетістік критерийлері

Әңгіменің басты кейіпкерлерін атай алады; мәтіннің мазмұнына

сүйене отырып, нақты ақпараттарды таба алады; мәтіннің мазмұны немесе сурет бойынша сұрақтар құрастыра алады; мәтіннің мазмұны бойынша қарапайым сұрақтарға жауап бере алады.

 Сөздік қор

 

Оқушылар сана, саба, сағат, сабақ, самал, маса, бас, дос, сайман, су, аспан, аспап, саусақ, Асқар, Асқат сөздерін қолдана алады

 Құндылықтарды дарыту

Оқитын әңгіме негізінде мақтаншақ болудын салдарын қарастыра отырып, қарапайымдылыққа, адалдыққа тәрбиелеу. Жауапкершілік, сыйластық, өзара түсіністік құндылықтарды қалыптастыру

 Пәнаралық байланыстар

Жануарлар мектебі жайлы «Мақтаншақ бақа» мәтінін оқу барысында жануарлар, өсімдіктер атауын айтып «Ғылымға кіріспе» пәнімен байланыстыру

Алдыңғы меңгерілген білім

Сабақ оқушылардың игерілген білімі мен дағдыларына негізделеді. Оқушылар жай сөздерді қолданып сұрақтарға жауап бере алады. Сөздерді оқу үшін алдыңғы сабақтағы дыбыстық білімдерді пайдаланады.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

1.Оқушылардың зейінін шоғырландыру.

2.Оқушылармен бірге ОМ анықтап алу

Сабақтың ортасы

(Ұ, Ө, МК, Қ, ЖЖ ) «Бағытталған оқыту» әдісін қолданып, жануарлар мектебі туралы әңгіме оқу:

  • Әңгімеге кіріспе. Кітаптың мұқабасын көрсету.
  • Бұл кітап не туралы деп ойлайтындарын оқушылардан сұрау.
  • Әңгімені оқып беру.

Мақтаншақ бақа 

Мақтаншақ бақа 1-сыныпта оқиды. Достарының барлығы оның ерекше мақтаншақ екенін бұрыннан білетін. Бірақ бүгінгі қылығы есте қаларлық болды. Әдебиеттік оқу сабағынан кейін мұғалім оқу қарқынын тексеретінін айтты. Жапалақ мұғалім біз 30-35 сөз оқи алуымыз керек екенін айтты. Барлық оқушылар кітаптарын ақтарып дайындала бастады. Тек қана мақтаншақ бақа осы кезге дейін, көптеген кітаптар оқығанын, ол үшін 30 сөз оқу қиынға соқпайтынын айтты. Мақтаншақ бақаның ойынша,білімді болу үшін, теледидар қарасаң да жеткілікті, кітап оқып уақыт өткізгеннен не пайда. Жапалақ мұғалім барлық оқушылардың оқу қарқынын тексеріп, жақсы жетістік көрсеткендерін атап өтті. Минутына 65 сөз оқыған аққу, 50 сөз оқитын қарлығаш және 45 сөз оқитын құмырсқа алғашқы орындарды иеленді. Барлық оқушылар оларға қызыға қарады. Бақа көлге күмп етіп құлап түседі. Осының барлығын бақылап отырған кесіртке, асықпай шөптің басынан жерге түсіп:

-Тым көп мақтанып кетіп ең – дейді де, қуысына кіріп кетеді.

  • Тексеру стратегиясы .
  • Оқушыларға басты кейіпкерді анықтауды сұрау.
  • Жұпта талқылау. Олар нені түсінді?
  • Сұрақтарға жауап беруді ұсыну.

Оқиғаның қай жерде болғанын, нелер қатысқанын және не болғанын анықтату. Балаларға «кейіпкер», «мазмұн», «оқиға» сөздерін таныстыру. Оқушыларды мәтіндегі суреттері мен атаулары арқылы кейіпкерлерді табуға жұмылдыру және олардың іс-әрекетін талқылау.

  • (Ұ) Оқушыларға оқиғаның детальдарын көбірек табу үшін иллюстрацияларды қолдануды, сипаттау сөздерді еске түсіруді, ал оқи алатын оқушыларға, сөз тіркестерін тауып, оқуды тапсыру. Оқиғада қандай сөздің бейтаныс екендігі туралы сөз қозғау. Мысалы, «күмп» сөзінің мағынасын қалай түсінуге болады? Басқаша қалай айтуға болады?

Оқи алатын оқушыларға әңгімені өздігінен оқуды тапсыру.

(МК) Сынып бөлмесінің бір бұрышында оқу бұрышын ұйымдастыру. Мұнда көптеген суретті кітап пен әдеби емес кітаптар жинақтайтынымыз туралы хабарлау. Оқушыларға үзіліс кезінде сол жерден кітап алып оқуына рұқсат етілетінін айту.

Енді оқып үйреніп келе жатқан оқушылар үшін таныс әріптері бар шағын мәтінді ұсыну. Алдыңғы сабақтарда пайдаланған сұрақтар мен көмекші сөздерді пайдалану. Жекелеген оқушыны тыңдап жатқан кезде өзге оқушыларға мәтінге немесе суреттеріне қарап, таныс сөздерді іздестіруге тапсырма беру.

Көзге арналған жаттығу орындау.

) Оқушыларға Сс дыбысы мен әрпін таныту. С дыбысынан басталатын сөздерді таптыру. (Суреттер беріп қолдау көрсету)

- Сс дыбысының артикуляциясын дұрыс қолданып, С дыбысын дұрыс айтуға үйрету.

- С дыбысы дауыссыз дыбыс екенін аңғарту. С дыбысының сөз басында, ортасында және соңында келетінін аңғарту.Бағандағы сөздерді оқыту (сана, саба, сағат, сабақ, самал, маса, бас, дос, сайман, су, аспан, аспап, саусақ, Асқар, Асқат)

Оқыған әңгімеде «Тым көп мақтанып кетіп ең – деп» қай кейіпкер айтқанын сұрау. КЕСІРТКЕ сөзін буынға бөлу, екінші буын қандай дыбыстан басталып тұрғанын анықтату.

(Ұ) Дәптермен жұмыс.Қолды еркін жазуға жаттықтыру жұмыстары үлгі бойынша орындалады. Сс әрпінің жазба түрін жазып үйрету. С әрпі, со, су буындары мен дос сөзін көркем етіп жазу.

«Мақтаншақ бақа » бақа әңгімесі. Иллюстрациялар.

Сабақтың соңы

  • Бүгін сабақта не үйренгендеріңді айтып көріңдер? Сөйлемді аяқтаңдар: «Мен бүгін …

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Әріп, буын, сөздерді жазуға, оқуға қиналатын оқушыларға дербес қолдау көрсету. Қабілеті жоғары оқушыларға әңгімені өздігінен оқуды тапсыру. Енді оқып үйреніп келе жатқан оқушылар үшін таныс әріптері бар шағын мәтінді пайдалану.

Сабақты жүргізе отырып жекелеген оқушылардың оқи алу деңгейін тыңдау арқылы бағалау.Оқушылардың сұрақтарға жауап беру үдерісін бақылау арқылы бағалау.

Көзге арналған жаттығу, сергіту сәттерін өткізу.


Құрметті оқырман! Файлдарды күтпестен жүктеу үшін біздің сайтта тіркелуге кеңес береміз! Тіркелгеннен кейін сіз біздің сайттан файлдарды жүктеп қана қоймай, сайтқа ақпарат қоса аласыз! Сайтқа қосылыңыз, өкінбейсіз! Тіркелу
Толық нұсқасын 30 секундтан кейін жүктей аласыз!!!


Кейінірек оқу үшін сақтап қойыңыз:


Қарап көріңіз 👇



Жаңалықтар:
» NIS-тің мың домбырашысы Гиннесс рекордтар кітабын бағындырды 26.05.2022
» Президенттің баспасөз қызметі Тоқаевтың 30 жыл бұрынғы суреттерін көрсетті (фото) 22.05.2022
» Қазақстандағы жеңілдетілген автокөлік несиелері: Автосалондар қосымша қызмет алуға мәжбүрлейді 20.05.2022

Пікір жазу



Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы