Теомодинамикалық параметрлер. Температура және оны өлшеу тәсілдері. Идеал газ. Молекула-кинетикалық теорияның негізгі теңдеуі. Физика, 10 сынып, дидактикалық материал.

Есептер шығару

Дескрипторы:

• Берілгенін жазады;
• МКТ негізгі теңдеуін қолданады;
• Формуланы түрлендіреді;
• Жауабын дұрыс көрсетеді.
• Азоттың қысымы неге тең, егер оның молекулаларының орташа квадраттық жылдамдығы 500 м/с, ал тығыздығы 1,35 кг/м³ болса?
• Стакандағы массасы 200 г су 20 тәулік ішінде толық буланды. 1с ішінде судың бетінен шамамен қанша молекула ұшып шықты?
• Оттегі молекулаларының концентрациясын анықтаңдар, егер оның қысымы 0,2 МПа, ал молекулалардың орташа квадраттық жылдамдығы 700 м/с болса.
• Газдың қысымы қалай өзгереді, егер оның молекулаларының концентрациясын 3 есе арттырып, орташа квадраттық жылдамдығын 3 есе кемітсе?
• Жаз күндерінің бірінде барометр730 мм сын. бағ., ал термометр 30⁰С температураны көрсетті. Қыстың күні бұл құралдардың көрсетуі келесі болды: 780 мм сын. бағ. және -30⁰ С. Осы күндердегі ауаның тығыздықтарын салыстырыңдар.
• Газ молекулалары қозғалысының орташа квадраттық жылдамдығын анықтаңдар, егер оның массасы 6 кг, көлемі 4,9 м³, ал ыдыс қабырғасына түсіретін қысымы 200 кПа болса.