Сыртқы және ішкі сызықтар арқылы қисық пішінді бұйымды қыларамен көркемдеп аралау. Көркем еңбек (ұлдар), 5 сынып, сабақ жоспары, 4 сабақ.

Ұзақ мерзімді жоспар

3 А-бөлім: Дизайн және технология

Мектеп: Назарбаев зияткерлік мектебі

Күні: ____________________

Мұғалімнің аты-жөні: ___________________

Сынып: 5 ________

Қатысқандар саны:

Қатыспағандар саны:

4. Сабақ тақырыбы

Сыртқы және ішкі сызықтар арқылы қисық пішінді бұйымды қыларамен көркемдеп аралау.

Осы сабақта қол жеткізілетін оқу мақсаттары (оқу бағдарламасына сілтеме)

5.2.3.1

Алынған өлшем мен белгілеу негізінде бұйым дайындауға арналған материалдарды қол еңбегі құралдарымен өңдеу.

5.2.3.2

Түрлі конструкциялық, табиғи және жасанды материалдардан қарапайым бұйым дайындау.

5.2.6.1

Материалдар мен құралдарды қауіпсіздік техникасын сақтап, қолданудың маңыздылығын сезіне отырып демонстрациялау.

 Сабақ мақсаттары

• Алынған өлшем мен белгілеу негізінде бұйым дайындауға арналған материалдарды қол еңбегі құралдарымен өңдеу;
• Түрлі конструкциялық, табиғи және жасанды материалдардан қарапайым бұйым дайындау;
• Материалдар мен құралдарды қауіпсіздік техникасын сақтап, қолданудың маңыздылығын сезіне отырып демонстрациялау.

 Бағалау

 критерийлері

• Алынған өлшем негізінде бұйым дайындауға арналған материалдарды қыларамен өңдейді;
• Түрлі конструкциялық, табиғи және жасанды материалдардан қарапайым бұйым дайындайды;
• Материалдар мен құралдарды қауіпсіздік техникасын сақтап, қолданудың маңыздылығын сезіне отырып көрсетеді.

 Тілдік мақсаттар

Оқушылар:

• зерттеу жұмыстарын жасай отырып музыкалық аспаптардың сыртқы келбетін талдайды және оларды орындалу материалдарын айқындайды. Талқылау сұрақтары:

•Бұл аспап қандай материалдардан және қалай жасалынған?

•Жасалған аспаптың дыбысының сапасына материалдың қандай әсері болады?

•Басқа аспаптардан ерекшелігі мен маңызылығы қандай?

Диалог:

•Мен ..... аспабын зерттеу барысында ....... айқындадым.

•Мен қалдық материалдардың ішінен ..... таңдадым, себебі ...... аспабын орындауға ыңғайлы деп ойлаймын.

•Менің дәстүрлі аспабымды дайындауға ...... шеберлердің .....туындылары әсер етті

Терминология:

Қазақ халқының дәстүрлі музыка аспаптары:

соқпалы, ішекті, ыспалы, шулы аспаптар және т.б.

 Құндылықтарды

 дарыту

Оқушылар ұлттық құндылықтар өнерді, тарихты, мәдениетті, соның ішінде сәндік қолданбалы өнер және музыка нысандарын, сипаттамаларын зерттей отырып, дәстүрлі мәдениет саласындағы құндылықтарды бойына сіңіреді

 Пәнаралық

 байланыстар

Информатикада алған білімдерін қолданады, тарих, экономика математика.

 АКТ қолдану

 дағдылары

Компьютерді колдана отырып тақырыпқа байланысты түрлі ақпарат жинау және дұрыс қолдану арқылы білім дағдыларын көтереді.

Бастапқы білім

Алдыңғы білімдерден оқушылар қолөнер бұйымдарының негізгі технологияларымен материалдардың қасиеттерін біледі. Оқушылар алдыңғы сыныптарды дәстүрлі сәндік қолданбалы өнерге байланысты білімдерін және көркемөнер жұмыстарында шығармашылық идеяларын қолдана біледі.

Сабақ барысы

Сабақтағы жоспарланған іс-әрекет

Ұйымдастыру кезеңі

1. Сыныппен амандасу. Сыныптағы оқушыларды түгендеу.

2. Сыныпта психологиялық ахуал қалыптастыру, яғни сабаққа оқушыларды бейімдеп бағдар беріледі. Сыныпты сабаққа дайындау.

3. Cабақ тақырыбымен, мақсатымен және

критерийлермен танысады.

4. Бағалау;

5. Талдау;

6. Рефлесия.

Сабақ барысы.

(Ө) Оқушылар шеберлердің тәжірбиесіне сүйене отырып, өткен сабақта жасалатын бұйымға байланысты нобайларының негізінде жұмыс кезеңдерін жоспарлаған болатын.

Жасалатын бұйымның технологиялық картасын пайдалана отырып материал таңдайды.

Олардың қасиеттерін ескереді. (ағаш, коматекс, фанера, крагиус т.б.).

Оқушылар дайындама жасағанда өлшем, пропорция және масштабын ескереді.

(Ө) Оқушылар қауіпсіздік ережелерін сақтай отырып, бұйымды орындайды.

Сармандық жұмыс

Жұмыс барысында (ТҚЕ) техника қауіпсіздік ережелерін мұқият сақтауды оқушыларға үнемі ескертіп отыру қажет. Оқушылар ресурстарды біріге қолдана отырып және қолдау көрсетіп, жұпта жұмыс жасайды. Оқушыларға өз жасаған нобайларынан басқа таратпа материал ретінде дайын суреттерді ұсынуға болады.

Қыларамен жасалған бұйымдар үлгісі

Деңгейлік тапсырма. (дифференцация)

А деңгейі – өз ойынан құрастырған композициясын ішкі және сыртқы контур сызықтары бойынша қылараман кесіп орындайды (материалы ағаш, фанера)

В деңгейі - өз ойынан құрастырған композициясын сыртқы контурымен ғана кесіп орындайды (материалы крагиус)

С деңгейі – дайын суретті материалға көшіу арқылы сыртқы контурымен кеседі (жеңіл кесілетін материал, коматекс)

(ҚБ) Жұмыс аяғына қарай оқушылар өз жұмыстарын сынып алдына көрсетіп, талдауды ұсыныңыз.

Оқушылардан бұйымды жақсартуға арналған идеялары мен бағалау критерийлерімен бөлісуді сұраңыз.

Оқушылар өз жұмыстарын таныстыруда бір- бірлеріне пікірлер мен жақсарту ұсыныстарын айта отырып, бағалайды.

Содан кейін талқылау мен рефлексия жүргізіледі.

Екі жұлдыз, бір тілектерін білдіреді.

Электронды журналда бағаланады.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушылардың жеке қабілеттерін есепке ала отырып іріктеу (Гарднердің жиындық зият теориясы) түрінде болуы мүмкін.

Саралау уақытты ұтымды пайдалануды есепке ала отырып, сабақтың кез-келген кезеңінде қолданыла алады

Бұл бөлімде оқушылардың сабақ барысында үйренгенін бағалау үшін қолданатын әдіс-тәсілдеріңізді жазасыз

Денсаулық сақтау технологиялары.

Сергіту сәттері мен белсенді іс-әрекет түрлері.

Осы сабақта қолданылатын Қауіпсіздік техникасы ережелерінің тармақтары

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?