Материалдар мен құрал-жабдықтар дайындау. Көркем еңбек (қыздар), 8 сынып, дидактикалық материал.

Операция түрі

Құралдар- жабдықтар

Тігін машинасында былғары мен теріні қалай тігуге болады

Былғарымен жұмыс жасау өте күрделі жұмыс, өйткені сіз көптеген технологиялық ерекшеліктерді білуіңіз керек. Түрлі құрал-жабдықтарды қолдана білу керек. Мысалы, жұпталған бөліктерді қию кезінде тері бойлық бағытқа қарағанда, көлденең бағытта көбірек созылатынын ескеру қажет, сондықтан бұйым бөлшектерін бір бағытта қию қажет.

Теріні түйреуіштермен түйреуге, жіппен көктеуге болмайды. Иненің тесіктерінің орны қалып қояды. Жұмсақ жұқа теріні тігін машинасында қарапайым инелермен (матаға арналған) № 80 немесе № 90 тігуге болады. Қалың және қатты былғарыны тігу үшін ұшының жүзі екі жақты немесе төрт жақты арнайы тігін инелері қолданылады. Ине ұшының мұндай пішіні қатты теріні оңай тесуге мүмкіндік береді, көрінбейтін із қалдырады және жіптің үзілуі немесе бос тігістің пайда болуын болдырмайды.

Тігін машинасында тігіс ұзындығы сирек тігіске қою керек, себебі иненің жиі тесуінен былғары жыртылуы мүмкін.

Берік және серпімді жіптерді қолдану керек.

Тігін машинасымен былғары тігуге етікшілердің аяқ киімді жөндеуге қолданатын капрон жіптері жарамайды. Олар өте «ширатылған» және былғары қолмен тігу үшін ғана қолданылады.

Былғары мен теріні тігу технологиясында арнайы табандар қарастырылған

Былғары тігуге арналған арнайы табанды қолдану өте ыңғайлы. Мұндай табанда жазық табан орнына ролик немесе білікше пайдаланылады. Бұл күрделі материалды тігу үшін ыңғайлы құрал. Осындай құрылғыны пайдаланып, табан астына газетті қоюдың немесе материалды өзіңізге тартудың қажеті жоқ.

Түйме былғары мен теріге астыңғы түймемен бірге тігіледі

Былғарыдан және теріден жасалған кез-келген бұйымды әртүрлі фурнитуралармен толықтыруға болады. Кез-келген пішіндегі түймелер, үлкен және кішкентай металл тойтармалар мен ілгектер, бекітпелер табиғи былғарымен тамаша үйлеседі. Кейде олар тіпті былғары бұйымдарының негізгі сәндік элементі болады. Егер сіз былғарыға шыртылдаққа арналған тесік жасағыңыз келсе, онда ол жерге былғары бөлігін немесе желім матаны жапсыру керек. Шыртылдақты орнату арнайы құралды қажет етеді. Былғары киімге түймені теріс бетіндегі түймемен бірге тігу қажет. Түйме тігілетін жерді қатырмалау, былғарыны жыртылудан сақтайды.

Қосарлы тігіс (француз тігісі деп те аталады) өңі жағынан сырып тігу тәрізді, ал теріс жағынан бастырып тігілген қатпарға ұқсас көрінеді.

Қосарлы тігісті тігу үшін екі машина тігімі жүргізіледі. Бірінші тігім өң бетінен тігіледі. Мата қабаттарының теріс жағын бір-біріне, өңін сыртқа қаратып саламыз, тігіс енін 5-7 мм-ге сырып тігеміз.

Тігіс енін 3мм қалдырып қиямыз.

Бөлшектерді өңі жағын бір-біріне, теріс жағын сыртына қаратып бүктейміз және бүктемеден 5-6 мм аралықта екінші тігімді жүргіземіз. Екінші тігім теріс бетінен жүргізіледі.

Сонымен мата қиықтары тігіс ішінде болуы керек. Егер қиық көрінетін болса, онда қосымшаның дұрыс қиылмағаны. Көлемі енді қосымшаны қию операциясын қайталау керек.