Электрондық баланс әдісі. Химия, 9 сынып, дидактикалық материал 2 сабақ.

Әдістемелік нұсқаулық

 «9.2А Тотығу-тотықсыздану реакциялары» бөліміндегі «Электрондық баланс әдісі» тақырыбына 2 сағат беріледі. Бірінші сабақта «Тотығу дәрежесі. Тотығу және тотықсыздану» және «Тотығу-тотықсыздану реакциялары» тақырыбы бойынша оқу мақсаттарын қайталап, бекітіп, жаңа тақырыпты қарастыру қажет, екінші сабағында «9.2.2.7 электрондық баланс әдісімен тотығу-тотықсыздану реакцияларының коэффициенттерін қою» оқу мақсаты бойынша өздік жұмыстар, деңгейлік тапсырмалар әзірлеуге болады.

 Оқушылардың білімдерін кейбір белсенді оқыту әдістерін қолданып тексеруге болады: сәйкестікті орнатуға бағытталған «домино»; «сөйлемдерді анықтау» – қалып қойған сөздерді қою; «шын/жалған»; «ыстық орындық».

 Ең көп дұрыс жазған реакциялар бойынша эстафета өткізуге болады.

 Соңында, оқушылар өте пайдалы ұғым тотығу дәрежесімен таныс болады, олар тотығу дәрежесін есептеудің кең қолданылатын әдісін пайдалана отырып, реакцияларды теңдестіруге үйренеді.