Биологиялық әртүрлілікті сақтау. Биология, 8 сынып, сабақ жоспары.

Ұзақ мерзімді жоспар бөлімі: 8.4E Адам қызметінің қоршаған ортаға әсері

Мектеп:

Күні: ___

Мұғалімнің аты-жөні:

Сынып:

Қатысушылар саны:

Сабақтың тақырыбы

Биологиялық әртүрлілікті сақтау (жаңа тақырыпты меңгерту)

Осы сабақ арқылы жүзеге асырылатын оқу мақсаттары

8.3.2.1 биологиялық әртүрлілікті сақтаудың және қолдауды қажеттіктің себептерін атау

8.3.2.2 Дүниежүзілік Тұқым қорының маңызын бағалау

 Сабақтың мақсаттары

• Биологиялық алуантүрліліктің маңызын түсіндіру
• Дүниежүзілік тұқым қорының маңызын бағалау

 Бағалау критерийлері

• Биологиялық алуантүрліліктің маңызын сипаттау
• Дүниежүзілік тұқым қорының маңызын бағалау

 Тілдік мақсаттар

Оқушылар:

• биологиялық алуантүрлілік пен Дүниежүзілік тұқым қорының маңызын тиісті терминологияларды пайдалана отырып ауызша жазбаша сипаттай алады.

Пәнге қатысты лексика мен терминология:

Дүние жүзілік тұқым қоры, биологиялық алуантүрлілік

Диалог құруға /жазылымға қажетті сөздер топтамасы:

Биологиялық алуантүрлілікті сақтау арқылы...болады.

Биологиялық алуантүрлілік экожүйенің ...сақтауда маңызды

Дүниежүзілік тұқым қоры...мақсатында құрылған.

 Құндылықтарды дарыту

Оқу тапсырмасын орындау кезде қоғамдық өмірге дайын болу, өзін бақылауда ұстай білу, бәсекеге қабілетті бола білу құндылықтары дамытылады.

Жазбаша жұмыстар арқылы академиялық шыншылдық, нақтылық, өзін өзі реттей білу құндылықтары дамытылады.

Ауызша жұмыстар арқылы ойды реттей білу, сенімділік, дәлелдерді қолдана білу құндылықтары дамытылады.

Таныстырылым кезінде өзіне деген сенімділік, талдау жасау, ойды жинақтау, идеяларды үйлестіру тыңдаушылармен байланыс орнату құндылықтары дамытылады.

Жеке жұмыс кезінде өзіне деген сенімділік, өзін-өзі көрсету құндылықтары дамытылады.

Топтық немесе жұптық жұмыс кезінде ортақ іс атқаруда ынтымақтастықта бола білу, жаһандық азаматтық, өз оқуына жауапкершілікпен қарау, сынға алу, ортақ пайдалану құндылықтары дамытылады.

 Пәнаралық байланыс

Тірі ағзалардың жер бетіндегі таралуы туралы қарастырған кезде оқушылар география пәнінен алған білімдерін қолданады.

Алдыңғы білім

Оқушылар 7-сыныптан экожүйенің құрылымы мен оның тұрақтылығы туралы, 8- сыныптан гомеостаз туралы біледі.

Сабақ барысы

Сабақ қезеңдері

Жоспарланған іс-әрекеттер

Сабақтың басы

0-4 мин

Сабақтың тақырыбын ашу мақсатында мұғалім оқушыларға биологиялық алуантүрлілікке анықтама беріп, биологиялық тұрғыдан алуантүрлілігі экожүйе мен алуантүрлілігі төмен экожүйенің қайсысы тұрақты деп талқылау жүргізеді.

Жер бетінде неліктен бірдей түрлер кездеспейді? Жер бетінде ағзалардың тек бір түрі ғана болса не болар еді деген сұрақтар қойылады.

Мұғалім оқушылардан жер бетінде ауқымды апат болса өсімдіктерді қалай қалпына келтіруге болады деп сұрай отырып сабақтың мақсаты мен бағалау критерийлері таныстырылады.

Сабақтың ортасы

Мұғалім таныстырылымның көмегімен биологиялық алуантүрлілік және оны сақтаудың маңыздылығы туралы шағын түсіндірме береді.

Оқушыларға биологиялық алуантүрлілігі жағынан екі түрлі экожүйенің сызбасын ұсынып осы екі экожүйенің қайсысы тұрақты әрі сыртқы орта факторларының өзгеруіне төзімді деп талқылау жүргізеді. Биологиялық алуантүрлілігі жоғары экожүйенің тұрақтылығы жоғары ол сыртқы орта факторларының өзгеруіне төзімдірек болып келеді, себебі, онда:

• Тірі ағзалар түрлері әртүрлі болғандықтан қоректік заттардың мөлшері жеткілікті
• Энергия ағыны жеткілікті болғандықтан тірі ағзалардың энергиямен қамтамасыз етілу деңгейі жоғары
• Қоректік тізбек толық, әрі ұзын

Мұғалім оқушыларға биологиялық алуантүрлілікті сақтаудың маңызы туралы 2 сөйлемнен жазу тапсырмасын ұсынады. Оқушылардың жазған сөйлемдері оқылып талқыланып, биологиялық алуантүрлілікті сақтаудың маңыздылығына назар аударылады.

Мұғалім оқушылардан биологиялық алуантүрлілікті сақтаудың қандай жолдары бар деп сұрақ қойып жауаптарын тыңдайды.

Оқушыларға жер бетінде ірі апаттар болса биологиялық алуантүрлілікті қалпына келтіру мүмкін бе сұрағы қойылып, Тұқым қорының маңызы талқыланады.

Мұғалім оқушыларға Тұқым қоры туралы ақпаратты ұсынады.

Мұғалім оқушыларға биологиялық алуантүрлілікті сақтау, тұқым қорын құрудың маңыздылығына дәлелдер келтіріп жазуды тапсырады. Оқушылар тұқым қорының маңызы мен кемшіліктерін, биологиялық алуантүрлілікті сақтаудың маңыздылығы мен себептерін түсіндіреді.

Сабақтың соңы

Кері байланыс

Мен ...түсіндім

Мен...туралы көбірек білгім келеді

Мен...сыныптастарыма түсіндіре аламын

Қосымша ақпарат

Дифференциалды оқыту – Көбірек қолдау көрсету үшін не істейсіз? Қабілеті жоғары оқушыларға қандай міндеттер қоюды жоспарлайсыз?

Оқушыларға әртүрлі деңгейдегі сұрақтар қою арқылы

Кейбір оқушыларға қосымша ақпарат көзін ұсыну арқылы

Оқушыларға өз білімін тереңдетуге мүмкіндік беру арқылы

Қосымша тапсырмаларды ұсыну арқылы

Оқушылардың пікір алмасулар кезіндегі талқылаулары арқылы

Бағалау – оқушылардың берілген материалды меңгеру деңгейін қалай тексересіз?

Ауызша жауаптар арқылы

Оқушылардың биологиялық алуантүрліліктің экожүйедегі маңызын түсіндірулері арқылы

Қалыптастырушы бағалау тапсырмасы арқылы

Денсаулықты сақтау және қауіпсіздік ережелері

Сабақ барысында биология кабинетіндегі қауіпсіздік ережелерін сақтау.

Сабақ барысында белсенді қозғалыс жасайды