Функцияның шексіздіктегі шегі. Алгебра, 10 сынып, сабақ жоспары.

Ұзақ мерзімді жоспар бөлімі:

10.3В Функцияның шегі мен үздіксіздігі.

Мектеп: Орал қаласындағы физика-математика бағытындағы Назарбаев зияткерлік мектебі.

Күні:

Мұғалімнің аты-жөні: Темербаева Б.Д.

Сынып: 10

Қатысқандар саны:

Қатыспағандар саны:

Сабақ тақырыбы

Функцияның шексіздіктегі шегі

Осы сабақта қол жеткізілетін оқу мақсаттары (оқу бағдарламасына сілтеме)

10.4.1.9 функцияның шексіздіктегі шегінің анықтамасын біледі. Оны есептей алады

Сабақ мақсаттары

Оқушылар:

• функцияның шексіздіктегі шегі туралы түсінікпен танысады;
• функцияның шексіздіктегі шегінің қасиеттерін меңгереді;
• функцияның шексіздіктегі шегін қарапайым жағдайда есептеуді үйренеді;

Бағалау критерийлері

Білу: функцияның шексіздіктегі шегінің анықтамасын біледі;

Түсіну: функцияның плюс шексіздікке және минус шексіздікке ұмтылғандағы шеек ұғымын түсінеді; Қолдану: есеп шығару барысында функцияның шексіздікке ұмтылғандағы шегінің қасиеттерін қолдана алады;

Құндылықты дарыту

Жұппен және топпен жұмыс кезінде:

-коммуникативті қабілетін, бір-бірі үшін жауапкершілік сезімін дамытуға ықпал етеді;

-тапсырманы талдау барысында әртүрлі көзқарастарды тыңдай білу;

-талдай, бәсекелес білу дағдыларын дамыту.

Тілдік мақсаттар

Оқушылар:

-функцияның шексіздіктегі шегін анықтайды;

-айнымалының қандайда бір нүктеге жақындағандағы функцияның мәнінің өзгерісін сипаттай алады.

Пәнге тән лексика мен терминология

• функция
• нүкте
• шек
• өсімшесі
• асимптота

үзіліс нүктесі… .

-шексіздік

Диалог пен жазу үшін пайдалы сөздер мен тіркестер:

-функцияның шексіздіктегі шегі;

- функцияның нүктедегі шегі;

- шексіздікке ұмтылу;

-плюс шексіздікке ұмтылғандағы функцияның шегі;

-минус шексіздікке ұмтылғандағы функцияның шегі;

-Функцияның мәні ұмтылады … .

-Функцияның шексіздіктегі шегі … тең.

- Шексіздіктегі шекті анықтау … туралы айтылады.

- Шектерді көбейтіндісі …. тең.

-Шектердің қосындысы … тең.

-Тұрақты көбейткішті шеек таңдасының … шығаруға болады.

Пән аралық байланыс

Физика, математикалық анализ

Бастапқы білім

-Берілген сабақ функцияның нүктедегі шегін анықтау сабағының жалғасы болып табылады. Бұл фукцияның нүктедегі шегі туралы білімдеріне негізделеді.

Сабақтың барысы

Сабақтағы жоспарланған іс-әрекет

1.Ұйымдастыру сәті.

Амандасу, оқушылардың сабаққа дайындығын қадағалау.

Сабақтың мақсатын хабарлау.

2. Білімді өзектендіру.

Мақсаты: жаңа материалды меңгеруге дайындық мақсатында оқушылардың бұған дейінгі білімдерін тексеру

Сипаты:

Мұғалімнің іс-әрекеті: Фукцияның нүктедегі шегінің анықтамасы мен қасиеттерінің үзіндісі жазылған топшамаларды үлестіреді. Анықтама мен қасиеттерді толықтыру сұралады, соңында интерактивтік тақтада толық жауап көрсетіледі.

Оқушының іс-әрекеті: топшамадағы түсіп қалған сөзді толықтырады, тексереді, қатесі болса дұрыстайды.

Оқушылар анықтама мен қасиетті ауызша айтып шығады.

Бағалау: өзара бағалау, мадақтау, ынталандыру

3. Сабақтың мақсатын хабарлау

Мақсаты: оқушыларды сабақтың мақсатын тұжырымдауға бағыттау.

Сипаты:

Мұғалімнің іс-әрекеті: «Шексіздік деген не?» деген тақырыпта әңгімелеседі.

Оқушының іс-әрекеті: Әңгімеге белседі қатысады, шексіздікке өмірден әртүрлі мысалдар келтіреді, сабақтың мақсатын анықтайды, мұғалімнің жетелеуімен бағалау критериін құрады

Бағалау: ынталандыру, мадақтау.

Әңгімелесудің қысқаша нұсқасының мысалын (Қосымша1-ден қараңыз)

4. Жаңа материалды меңгеру.

Мақсаты: Оқушылардың функцияның шексіздіктегі шегімен және оның қасиеттерімен таныстыру.

Сипаты:

4.1. Видео-сабақ қарау: «Функцияның шексіздіктегі шегі»

Мұғалімнің іс-әрекеті: оқушылардың видео-материалды зейін қойып қарауын қадағалау, қажет болса тоқтатып, оларға негізгі мәліметтерді дәптерлеріне жазып алуға мүмкіндік беру.

Оқушының іс-әрекеті: плюс шексіздікке, минус шексіздікке ұмтылғандағы функцияның анықтамасын зейін қойып тыңдап, мысалдарды дәптерлеріне жазып отырады.

4.2. Жұпқа және топқа бөлу.

Мақсаты: Сабақ барысында жұптық және топтық жұмысты ұйымдастыру үшін оқушыларды жұпқа және екі топқа бөлу.

Мұғалімнің іс-әрекеті:

Мұғалім өз столына топшаларды қояды.

Оқушының іс-әрекеті:

Оқушылар мұғалімнің үстел үстінен бір топшаманы таңдайды. Топшамалардың бірінде функцияның шексіздіктегі шегінің қасиеттерінің бір бөлігі, ал келесінде қасиеттің екінші бөлігі жазылған. Олар бір-бірімен сәйкестендіріп, жұптарға бөлінеді.

Әр жұп қасиеттерді тұжырымдап, тақтаға жазады.

Қасиеттердің сол жақ бөлігі бір топ, ал екінші бөлігі екінші топқа бөлінеді.

4.3. Топтық жұмыс.

Сипаты: Оқушылар екі топқа бөлінген.

Мұғалімнің іс-әрекеті: оқушыларға тапсырмалар беріледі:

1 групп : 1-мысалды талдайды;

2 групп : 2-мысалды талдайды;

Оқушының іс-әрекеті : топтың ішінде мысалдарды талдап, екінші топқа шығару жолын түсіндіреді. Бағалау: Топтың жұмысын бағалайды.

Бағалау критериін оқушылар өздері құрастырады.

Топ жұмысын бағалау критериі:

1.Ауызбіршілік

2. Жинақтылық

3.Сенімділік

4.Нәтижелілік

5. Жаңа материалды бекіту. Есептер шығару.

Сипаты: оқушылар жұбымен бірге тапсырмаларды орындайды.

Мұғалімнің іс-әрекеті: оқушылардың жұмысын баққылау, қажетті жағдайда бағыт-бағдар беру.

Оқушының іс-әрекеті: тапсырманы жазбаса дәптеріне орындайды және жұп ішінде талқылайды.

Бағалау: өзара бағалау

6. Сабаққа қорытынды жасау. Рефлексия «Синквейн»

Мақсаты: оқушылардың сабақ барысындағы әрекеттеріне талдау жасауға көмек беру.

Рефлексия «Синквейн»

Синквейн сөзі француз тілінен алынған бес деген мағынаны білдіреді, яғни синквейн – бес жолдан тұратын тақпақ.

1-жол – синквейн тақырыбы – басты ойды білдіретін бір сөз, әдетте ол зат есім; 2-жол – негізгі ойды анықтайтын екі сын есім; 3-жол – тақырып шеңберінде әрекетті анықтайтын үш етістік; 4-жол – синквейн тақырыбына бір фраза; 5-жол – тақырыптың мазмұнын анықтайтын бірінші жолмен байланысты зат есім.

Үйге тапсырма: №280,»282,№283

Қосымша ақпарат

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Формативті бағалауда және үй жұмысында тапсырмаларды беруде дифференциялдау қолданылады.

Формативті бағалау сабақтың әркезеңінде жүргізіледі: сабақтың басында, топтық жұмыста, жұптық жұмыста сабақ соңында өз-өзін бағалау.

Ақпаратпен жұмыс жасай білу дағдыларын дамыту.