» » » Өлең: Астанадағы өрт

Өлең: Астанадағы өрт

Өлең: Астанадағы өрт казакша Өлең: Астанадағы өрт на казахском языке
Қарыны тоқ, көйлегі көк болмаса да асқақ арманмен өсіп келе жатқан бес тағдыр қиылды. Альбина, Алина, Элина, Сабина және Бақыт. 2006, 2008, 2013, 2015, 2018 жылғы туған балалар еді.
Еске сала кетсек, Астанада өрт салдарынан бір үйдің 5 баласы көз жұмды. Бір отбасы бес бірдей қызынан айырылды. Ата - анасының қарауынсыз қалған бүлдіршіндер тілсіз жаудың құрбаны болды.

Қайда жүр деп ата - анамды сөкпеңіз,
Қар үстінде тамақ іздеп кеткен із.
Жер бетінен жайлы орын таба алмай,
Түн ортасы ұшып кеттік көкке біз!

Енді біздер мектеп, бақша бармаймыз,
Енді дәптер, сөмке сатып алмаймыз,
Енді бізге берсеңдер де хан сарай,
Ішін шашып, ойнап, асыр салмаймыз!

Уақыт боп, айырылдық жас жаннан,
Өміріміз тар бөлмеде басталған.
Барлық бала бақытты өмір сүрсінші,
Біз оларды бақылаймыз, аспаннан!

Қастарыңда болсын дайым анаңыз,
Әкетайың болсын дайым панаңыз,
Бұл өмірден пәтер көрмей кетсек те,
Ұжымақта зәулім сарай саламыз!

Енді аяздан ешбір сәби тоңбасын,
Жауқазын гүл ашпай жатып солмасын,
Ұрпағыңның жарық болып маңдайы,
Отанымда еш жамандық болмасын!!!

Авторы: Кеңшілік Тышқанұлы

Автор: ZHARAR | 989 | 1.03.2019


Загрузка...

KZ / Қазақша Өлеңдер жинағы, Астанадағы өрт, бес тағдыр, бір үйдің 5 баласы көз жұмды, 5 қызға арналған өлең, Астанадағы өрт бес тағдыр бір үйдің 5 баласы көз жұмды 5 қызға арналған өлең, Өлең: Астанадағы өрт қазақша өлеңдер жинағы скачать бесплатно олен казакша махаббат туралы стихи на казахском языке стихи на казахском языке стихи с днем рождения на казахском языке