Қазақша өлең: Тұрмағамбет Ізтілеуов ("Кейінгіге нені тастап кетемін" деп) » ZHARAR © 2017 | тұрмағамбет ізтілеуов Кейінгіге нені тастап кетемін өлең стихи на казахском турмагамбет изтлеуов казакша олен, тұрмағамбет ізтілеуов өлеңдері, стихи на казахском языке турмагамбет изтлеуов, турмагамбет изтлеуов олендери, Кейінгіге нені тастап кетемін




  • »

Қазақша өлең: Тұрмағамбет Ізтілеуов ("Кейінгіге нені тастап кетемін" деп)

Қазақша өлең: Тұрмағамбет Ізтілеуов (

Дүниеге келгендерге мирас өлмек,
Өлген соң, екі бастан, жоқ қой келмек.
Соны ойлап өз-өзімнен қайнап, тасып,
Қиялым көкірегімді кетті кернеп!
«Кейінге нені тастап кетемін?» деп
Ішкенім у сияқты болды кермек.
Жиырманың отыз бенен ортасында,
Сұлулап сияқты адам салған өрнек.
Ешнәрсе ол уақытта ойлатпайды,
Теңіздің толқынындай тасқан өрлеп.
Елу жас ердің мінсе еңсесіне -
Күннен-күн кемиді екен күй мен өрнек.
Өз жасым онан-дағы озыңқырап,
Алпысты алдымдағы қалдым серлеп.
«Қалай да қапы етіп кетем бе деп?» деп,
Кітабын «Шахнаманың» еттім ермек.
Өлеңмен он бір буын он ай жазып,
Бітірдім басым сипап, шаршап, терлеп.
Доғардым: «Тартуым, - деп, - партияға!»
Аттай-ақ аң құтқармас қойған ерлеп.
Ұнатып комиссия қолын қойды,
Сынауға бергенімде: «Оқып көр» деп.
Тексеріп, тәртіппенен төрт том етіп,
«Казиздат» баспақ еді оқа, зерлеп.
Үкімет ескеріп ол еңбегімді,
Пенсия бұйырып ед: «Бұған бер» деп.
«Айына бес жүз сомнан аласың» деп,
Қолыма қаулы жазып, берді мөрлеп.
Оларым ойнындай боп балалардың,
Отырмын осылайша босқа шерлеп.


Санат: KZ портал » Қазақша Өлеңдер жинағы | | 117
Рейтинг:
(голосов: 0)

.

MixAdvert

MarketGid

Соңғы пікірлер:
. .