Дінтанушы: Қыздың күйеуінің тегіне өтуі исламға қайшы

Дінтанушы: Қыздың күйеуінің тегіне өтуі исламға қайшы

Жастар отбасын құрғанда қыз бала өзінің тегінде қалу керек. Өйткені Құранда әр адам баласы өз тегімен аталсын деген аят бар. Бұл туралы дінтанушы Қабылбек Әліпбайұлы айтып берді деп хабарлайды baq.kz.

«Пайғамбарымыздың заманында құл иеленушілер болған. Яғни, бас бостандығы жоқ адамдар да өмір сүрді. Хадиша анамыз Пайғамбарымызға уақытысында өзі сатып алған өте көрікті, аманатшыл Зәйд ибн Сабит деген жігітті сыйлыққа берген екен. Бірақ оны Пайғамбарымыз құлым деген жоқ. «Бүгіннен бастап, мен саған әке болам, сен менің балам боласың» деді.

Сөйтіп халыққа «бауырлар, бүгіннен бастап Зәйд менің балам болады» деп жариялайды. Кейін оны жұрт Зәйд ибн Мұхаммед деп кетті. "Мұхаммедтің баласы Зәйд қой" деп айтатын адамдар. Бірақ Пайғамбарымызға «әр адам баласы өз ата-тегімен аталсын» деген аят түскеннен кейін, қайтадан халықтың алдына шығып, «бауырлар, Зәйд менің балам емес, Сабиттің баласы, ол менің бауырым болып қалады», - дейді. Әр адам өзінің ата-тегімен аталсын, деп халыққа ескертеді.

Осы жерде өте маңызды нәрсені айта кету керек. Кеңес Одағы кезінде дінімізге жат нәрселер кіріп кетті. Соның бірі некеге қатысты. Заң алдында некелескенде, қыз бала жігіттің тегіне өтіп кетті. Ол дұрыс емес, олай істеуге болмайды. Соны қаракөздерімізге айта жүріңіздер. Қыз өз тегінде қалу керек. Былайша айтқанда, қыз жігітке, жігіт қызға өтіп кетпеу керек. Әркім өзінің ата тегінде қалсын. Құранда әр адам баласы өз тегімен аталсын деген аят бар», - дейді Қабылбек Әліпбайұлы.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады