Протон-М зымыран тасығышы құлаған аумақта гептил деңгейі айтарлықтай төмендеген. Оның салдарын жою бойынша үкіметтік комиссияның төрағасы, қоршаған ортаны қорғау министрі Нұрлан Қаппаров Қызылорда өңіріне жұмыс сапарымен жетті.

Фото: inform.kz

Жақында өткен апаттың орны толмай жатып, Роскосмос Байқоңырдан тағы бір протон ұшырмаққа бекініпті деген ақпарат тараған болатын. Алайда министр жуырдағы апатқа қатысты мәселелерді шешіп алмайынша, бұған жол бермейміз деп отыр.

Қызылорда өңіріне тараған гептил мөлшерінің әлдеқайда азайғаны не керек. "Роскосмос" өткен апаттың табы басылмай жатып Байқоңырдан тағы бір протонын ұшырады деген ақпарат желдей есті.

Қызылорда өлкесін гептилден залалсыздандыру мәліметтері жарияланған комиссия отырысында осы талқыланды. Ресей тарабы қыркүйектің 15-інде зымыран тасығышын ұшырмаққа дайын екендігін тамыздың жетісінде жариялаған болатын. 

"Роскосмос" төрағасымен кездескен қоршаған ортаны қорғау министрі Нұрлан Қаппаров "жағдайды реттемесеңдер тіпті зымыран ұшыруға рұхсат бермейміз", - деп  ескерту жасады.

Қазақтың "қазыналы" кәсіпкерінің шексіз мүмкіндігіне түрік журналистері "тәнті" болды. Жергілікті баспасөздің дерегі бойынша, қазақ бизнесмені- әлемдегі ең қымбат кемені ойланбастан жалға алған.

Фото: boatingblog.ru

Су көлігін жалдағаны үшін, қалталы азамат- аптасына 550 мың еуро төлеген. Отандасымыз бұл қайықты үш аптаға жалдапты. Ал, жағажайға кәсіпкер- тікұшақпен ұшып келген.

Бахуатты кәсіпкер Жерорта теңізінде екі баласымен және зайыбымен демалған. Түркиялық баспасөз, туристер отбасын бір топ оққағардың күзеткені туралы да жарыса жазуда.

Бодрумдағы Яликавак жағалауында бой көрсеткен бұл катердің ұзындығы - 85, ені 23 метр. Қайықтың 6 люкс, 10 мастер каютасы және 36 жатын бөлмесі бар

. Сондай- ақ бұл кеме ашық хауызызымен, фитнес орталығымен, кинотеатр және кішігірім сүңгуір қайығымен де танымал. Ең қымбат қайықты жалдаған қалталы қазақ азаматының аты-жөні аталмай отыр.

Мысырдағы жағдай күннен-күнге ушығып барады. Осы орайда еліміздің Сыртқы істер министрлігі Қазақстан азаматтарын аталмыш елге сапарға шығуға асықпауға үндеді.

Мекеменің ресми өкілі Жанболат Үсеновтың айтуынша, кеше Каирде болған қақтығыстан зардап шеккен отандастарымыздың бар-жоғы туралы мәлімет әзірге түспеген.

Естеріңізге салайық, осыдан бірер күн бұрын Мұхаммед Мүрси жақтастары мен Мысыр әскери күштері арасында болған қақтығыста 287 адам қаза тапқан. 2 мыңнан астам адам түрлі жарақат алған. Қаза тапқандардың 43-і полиция қызметкерлері екендігі анықталды.

Ақпараттық агенттіктердің мәлімдеуінше, оқиға барысында әскерилер Мүрсидің қолдаушылары орналасқан 2 шатырды бұзып, көтеріліске қатысушыларды таратуға кіріскен.

Ал, оппозицияның айтуынша, тәртіп сақшылары ереуілшілерді жаппай қырып жойған. Енді елдің 11 провинциясында коменданттық тәртіп енгізілді.

АҚШ 100 долларлық купюраның жаңа нұсқасын шығармақ. Қазір купюраны бейнелеу мен басып шығаруда бірқатар қиындықтар туындады.

Кеше елордадағы "Астана арена" стадионында футболдан Қазақстан ұлттық құрамасы Грузия елінің теңбілдопшыларымен кездесіп, 1:0 есебімен жеңіске жетті.

Фото: vesti.kz

Мачтың беташары қос елдің мемлекеттік гимндерін орындаумен ашылды. Алаңға бет алған екі команда да арқаланып шыққанымен, қонақтардың бәсі басымдау болып көрінді.

Алайда, Қазақстан құрамасы бірден шапшаңдық таныта білді. Кездесудің орта шегіне келгенде Сергей Хижниченко грузиндердің қақпасына гол соқты. Ал, екінші таймда қонақтар шабуылды өз қолдарына алды.

Тіпті, грузиндер Қазақстан қақпасына гол соғуға мықтап әрекет жасап көрді. Бірақ, ойға алған тәсілдерін іс-жүзіне асыра алмады.

Кездесудің екінші кезеңінде ешбір команда гол соғу мүмкіндігіне ие бола алмады. Сонымен, есеп: 1:0 Қазақстан құрамасының пайдасына шешілді.

Осы жылдың 1 тамыздан бастап мектепке өтініштерді ғаламтор арқылы беруге болады. Өтініштер "E-learning" электрондық білім беру жүйесі бағдарламасы енгізілген мектептер үшін қабылданады.

Бұл туралы "Ұлттық ақпараттық технологиялар" АҚ баспасөз қызметі хабарлады. Ол үшін www.egov.kz электрондық порталында тіркелу қажет. Ата-аналар мектепті жалпы білім беретін мектеп, мектеп-гимназия немесе мектеп-лицей бейіндері бойынша таңдай алады.

ҚР Экономикалық қылмысқа және сыбайлас жемқорлыққа қарсы күрес агенттігі "Қазақстан Ғарыш Сапары" Ұлттық компаниясы" АҚ-ның президенті Ғ.Т. Мырзақұловқа қатысты қылмыстық іс қозғауына байланысты ол ҚР Ұлттық ғарыш агенттігінің 2013 жылғы 6 тамызындағы бұйрығымен қызметінен шеттетілді.

Бұл туралы Қазғарыштың баспасөз қызметінен хабарлады. "Қазғарыштың 2013 жылғы 6 тамыздағы бұйрығы бойынша "Қазақстан Ғарыш Сапары" Ұлттық компаниясы" АҚ президентінің міндетін атқару компанияның бірінші вице-президенті М.Р. Нұрғожинге жүктелді.

Компанияның іске асырудағы жобалары бойынша орындауға тиіс шарттық міндеттері мен жұмыс жоспарларының сақталуына бағытталған шаралар қабылданды", делінген таратылған мәліметте.

Еске салайық, 2013 жылғы 1 тамызда Қаржы полициясы агенттігінің қызметкерлері аса ірі көлемде пара алды деген күдікпен "Қазақстан Ғарыш Сапары" ұлттық компаниясы" АҚ президенті Ғ.Мырзақұловты ұстаған болатын.

Елімізде бұдан былай түн мезгілінде болатын жол апаттарының саны күрт азаюы мүмкін. Себебі, астаналық студент ерекше белдік ойлап тапты.

Фото: artem-kiselev.info

Көз байланған қараңғыда ол айналаға жарық беріп, жүргізушінің қауіпсіздік белдігін таққан-тақпағандығын оңай аңғартады. Түнде жарыққа шағылысатын белбеу қарсы бағыттағы көліктерге де жарық белгі береді.

Бұл біріншіден, көлік тізгініндегілердің қауіпсіздігін арттырса, екінші жағынан жол полициясы қызметкерлерінің жұмысын да біраз жеңілдетпек.

Өнертапқыштың ойлап тапқан жобасын ішкі істер министрлігі де қызу қолдап, қазір оны барша азаматқа міндеттеудің жолдарын қарастырып жатқан көрінеді. Белдік жуырда патенттелген. Ал жобаны толық жетілдіру үшін....

Үндістанда мұсылман дінбасылар қыздарға өз суреттерін Facebook және басқа да әлеуметтік желілерге жарнамалауға тыйым салды. Бұл туралы The Indian Express хабарлайды....

"Балқаш-Қарағанды" тас жолындағы жол-көлік оқиғасы салдарынан бір адам қаза тауып, төрт адам жарақаттанды.

Бұл туралы BNews.kz тілшісіне Қарағанды облыстық ІІД баспасөз хатшысы Жанатай Сембеков мәлімдеді.

"13 тамыз күні таңертең "Балқаш-Қарағанды" автожолының шетіндегі "Вираж" мейрамханасы маңында, Құрма ауылынан 2 шақырым жерде, Балқаш қаласына бара жатқан "Фольксваген Пассат" автокөлігінің 62 жастағы жүргізушісі көлікті басқара алмай, қарсы жолға шығып, "Ауди-80" автокөлігімен соқтығысып қалды. Ауди көлігін Шет ауданының 27 жастағы тұрғыны басқарған", - деп хабарлады Жанатай Сембеков.

ЖКО салдарынан "Фольксваген Пассат" жүргізушісі алған жарақаттарынан оқиға орнында көз жұмды, ал оның жолаушылары 24 жастағы қыз ауруханаға жеткізілді.

Ал 32 жастағы әйел мен 14 жастағы қызға оқиға орнында көмек көрсетілді. "Ауди" автокөлігінің жүргізушісіне де сол жерде медициналық көмек көрсетілді, ал 23 жастағы жолаушы қыз ауруханаға жатқызылды.

Аталмыш факт бойынша қылмыстық іс қозғалды, тергеу амалдары жүргізілуде.