Балаға_үйрету_ата_анаға_жиналысы_сабақ


«Балаға үйрету: ақылыңды мейірімге орап бер

Өз балаңыздың кілтін қалай табуға болады

 Сабақтың мақсаты: ата-аналардың жас дағдарысы кезінде жасөспіріммен үйлесімді қарым-қатынас орнату қабілетін дамыту.

 

 Міндеттері:

  - ата-аналардың жас дағдарысы кезеңінде баламен өзара түсіністікке қол жеткізуге деген ұмтылысын дамыту;

  - ата-аналардың адам дамуындағы жас кезеңдерінің мәдени бастаулары туралы, жасөспірімдер дағдарысы кезеңінің экологиялық өмір сүру ерекшеліктері туралы түсініктерін кеңейту және тереңдету;

 - ата-аналардың сындарлы келіссөздер жүргізу, жанжалдарды шешу, реніштерді кешіру дағдыларын қалыптастыру.

 

 Жоспар

 

 I. Ұйымдастыру бөлімі

  •  Сәлемдесу
  •  Мақсаты мен міндеттері

 II. Негізгі бөлімі

 1. "Танысу" сергіту-жаттығуы

 2. Ата-аналарды жас дағдарыстарымен таныстыру. Зира Наурызбайдың "Умай" авторлық

 бағдарламасынан "Мүшел жас" бейне үзіндісі

 3. Жас ерекшеліктеріне сәйкес баланың мінез-құлқына қойылатын міндеттер мен күтілетін нәтижелерді анықтау (1- кейс)

 4."Келіссөздер" жаттығуы

 5."Баламен ортақ мүдделерді қалай табуға болады? " тақырыбын бірлесе талқылау

 6.Маңызды оқиғалар күнтізбесі (іс-шаралардың чек-парағы)

 III. Қорытынды бөлім

 

 Күтілетін нәтижелер

 Сабақ аяқталғаннан кейін ата-аналар:

 - жас дағдарысы кезінде жасөспіріммен эмоционалды байланыс пен сенімді қарым-қатынасты сақтауға талпынады;

 - адам өмірінің жас кезеңіндегі мәдени дәстүрлердің маңыздылығын, ересектер мен балалардың ортақ мүдделері мен іс-әрекеттерін түсінеді;

 - жасөспіріммен оң қарым-қатынас орнату бойынша практикалық дағдылары мен ұсыныстары қалыптасады.

 

 Қажетті ресурстар: презентация, бейнетаспалар, бағандар, маркерлер, А3 және А4 парақтары, қаламдар.

 

 Жұмыс форматы: тренинг элементтері бар сабақ.

 

 Әдістері: пікірталас, «миға» шабуыл, тренинг жаттығулары

 

 Сабақтың ұзақтығы-60 мин.

Уақыты

Мазмұны

Ресурстар

3 минут

Сәлемдесу

Сәлеметсіздер ме, құрметті ата-аналар! Мен сіздерді сабағымызда көргеніме қуаныштымын. Бүгін мен сіздермен өсіп келе жатқан баланың өміріндегі дағдарыс жасы және осы кезеңдегі мәселелерді шешудің кілтін қалай табуға болатындығы туралы сөйлескім келеді.

проектор

4 минут

Ақпараттық блок

Ата-аналарды жасөспірімдер дағдарысының көріністерімен таныстыру

Жасөспірімдер дағдарысы – психикалық даму кезеңі, бастауыш мектеп жасынан жасөспірімге көшу кезеңі. Ол өзін-өзі көрсетуге, өзін-өзі тануға деген ұмтылыстарында көрініс табады.

Бұл кезде әдеттен тыс мінез-құлықтың әртүрлі формаларымен қатар, тәуелсіздігін көрсету, оқу іс-әрекетіне деген мотивацияның төмендеуі, ата-анасы және мұғалімдермен қақтығыстар туындайды. Жасөспірімдер дағдарысы өзін-өзі танудың жаңа деңгейінің қалыптасуымен, рефлексия арқылы жеке тұлғасын танып білу қабілетінің пайда болуымен аяқталады.

Слайд

5 минут

5 минут

5 минут

8 минут

8 минут

10 минут

7 минут

Негізгі бөлім

1."Танысу" сергіту-жаттығуы

Мақсаты: танысу және сенімді атмосфераны құру.

Қатысушылар жұптарға бөлінеді. Әр қатысушыға тапсырма беріледі: "Өзіңіз туралы екі қызықты фактіні бір-біріңізге айтыңыз. Басқалармен бөлісіңіз және сұхбаттасушыңызды таныстырыңыз".

2."Баланың негізгі жас дағдарыстары" слайды

Бала есейген сайын, бірнеше дағдарысты басынан өткереді. Оның негізгілері:

1. 1 жастағы дағдарыс (бала жүре бастайды, сөйлей бастайды және анасынан алыстайды)

2. 3 жастағы дағдарыс - өзін ата-анасынан бөлек адам ретінде тануы, тәуелсіздікке ұмтылуы.

3. 7 жастағы дағдарыс – балалар әлемінен ересектер әлеміне көшуі, жетекші қызмет түрінің ойыннан оқуға ауысуы. Өзінің құқықтық шекарасын кеңейтуі.

4. 12 жастағы дағдарыс – өтпелі жас – ағзадағы гормондық өзгерістер, жедел өсуі мен физикалық дамуы, өзінің қай жынысқа жататының сезінуі, өзін іздеуі.

Талқылау, сұрақтар:

1. Балаларыңызда дағдарыстың қандай белгілерін байқайсыз?

2. Балаңыздағы бұрынғы дағдарыстар көріністері есіңізде ме?

3. Сіз дағдарыс көріністерімен қалай күресесіз?

3. Дәстүр бойынша, қазақтар мәдениетіндегі адамның өмір сүру уақыты жылдармен емес, мүшелдермен (12 жылдық цикл) өлшенеді.

Қазақтардың мүшел жасы мен ғылыми түсініктегі жасөспірімдер дағдарысының ортақ тұстары көп.

Мүшел бір күйден екінші күйге өтпелі кезең болып саналады. Осы уақытта абай болу керек, балаға көбірек көңіл бөліп, оны қорғау керек. Бұрын мүшел жасқа келген жасөспірімді жағымсыз әсерлерден қорғау үшін құрбандық шалған.

Неліктен қазақтар мүшелді адам өміріндегі маңызды кезең деп санайды?

Зира Наурызбаеваның "Абай" ТВ-дағы "Умай" авторлық бағдарламалар циклынан үзінді

https://youtube.com/clip/UgkxARL0zwnmjrJtdpCAuEAbd5FfucsQNnLa

https://youtube.com/clip/Ugkx5Sekhf19xnp7f8Lh6kKixRUIq6Wd7Cv3

4. Дағдарыстың барлық кезеңдерінде жасөспіріммен байланыста болудың маңыздылығы туралы (слайд)

Дағдарыстың барлық кезеңдерінде жасөспіріммен байланыста болудың маңыздылығы туралы сөйлесейік.

Кейс. Жасөспірімнің оқиғасы

12 жастағы жасөспірім отбасының барлық мүшелерімен қақтығысады.Баламен қарым-қатынас жасаудың жалғыз кілті де, жасөспірімге қолдау көрсететін де оның әжесі болып қалады.

Оның проблемалық мінез-құлқына қарамастан, онымен сөйлесуді жалғастырған жалғыз отбасы мүшесі.

Туыстарымен қақтығыс шарықтау шегіне жеткенде, әжесі жасөспірім мен бүкіл әлем арасын байланыстырушы елші болды. Жасөспірімдер дағдарысы 2 бөлімнен тұрады. Бірінші жартысында жасөспірім өзінің бұрынғы бейнесін өзгертіп, бүкіл әлеммен қақтығысқа түседі. Екінші кезеңде жасөспірім өзінің жаңа жағдайын, физиологиясын, гормоналды өзгерістерін сезініп, әлеммен байланысын қайта қалпына келтіреді.

Екінші кезеңде, бала туыстарымен байланыс орнатуға дайын болған кезде, оның қарым-қатынасын қалпына келтіруге әжесі көмектеседі. Елші ретінде әжесі жасөспірімге жақын адамдарын кешірудің, қолдау және бағалай білудің маңыздылығын түсіндірді.

Қорытындылар:

Жасөспірімнің қауіпсіздігін және дағдарыстан ыңғайлы шығуын қамтамасыз ету үшін жас өзгерістерінің барлық кезеңдерінде онымен байланыста болу өте маңызды. Әженің мінез-құлық үлгісі – жанжалды жағдайдың шешімі іспетті.

Талқылауға арналған сұрақтар:

- Сіз балалардың осындай мінез-құлқына тап болдыңыз ба?

- Сіздің отбасыңызда "әже", яғни бітімгер рөлін кім ойнайды?

- Егер ата-анасымен арада жанжал туындаса, сіздің балаңыз кімге жүгінеді?

5. Мүшел түсінігіне дәстүрлі және заманауи көзқарас туралы бейнетаспа

https://youtube.com/clip/UgkxARL0zwnmjrJtdpCAuEAbd5FfucsQNnLa

Мүшел жас қауіпті ме?

"Менің атым Арман" фильмінің 1-сериясы

Талқылау

Сұрақтар:

Сіздің отбасыңызда мүшел жасты қалай тойлайды?

Мүшелге байланысты қандай дәстүрлерді білесіз?

Сіз мүшелдің адам өміріндегі маңызды кезең екендігіне келісесіз бе?

6. Келіссөздер" жаттығуы (слайд)

Мақсаты: топ мүшелеріне өздерінің ата-аналық үміттері мен баланың мүмкіндіктерін түсінуге және тұжырымдауға көмектесу. Келіссөздер мен дәйектемелер арқылы әңгімелесушімен келісімге келу дағдысын қалыптастыру. Өзін баланың орнында сезініп, оның себептерін түсіну.

Орындау

1.Қатысушыларды жұпқа бөліңіз.

2."Ата-ана" және "бала" жұбын таңдаңыз.

3. Тиісті тақырып бойынша келіссөздер жүргізу.

"Бала" "фаст-фудтың денсаулыққа пайдасы бар" екенін, "Достарымен далада кешкі уақытта серуендеу қауіпсіз" екенін, "Компьютер ойнау көңілді және пайдалы" екенін дәлелдеуі қажет.

"Ата-ана" "дұрыс тамақтану денсаулық үшін маңызды", "Оқу – баланың ең маңызды міндеті", "Бөлмедегі тәртіп – адам өмірінің міндетті шарты" екенін дәлелдеуі керек.

4. 10 минуттан кейін қатысушылар рөлдерін ауыстырып, жаттығуды қайталайды.

Талқылау:

- Жаттығуды орындау кезінде сіз өзіңізді қалай сезіндіңіз?

- Нені дәлелдеу оңай болды?

- Сізге қандай дәлелдер ұнады және керісінше қандай дәлелдер ұнамады?

- Бұл жаттығу баланың кілтін табуға қалай көмектеседі?

7. Интерактивті жұмыс: "Жасөспіріммен ортақ мүдделерді қалай табуға болады" (нұсқаларды талқылаймыз ба?) (слайд)

-Бірге уақыт өткізуге және біртіндеп жүзеге асырылуға арналған 10 қызықты идея құрастыру.

- Сізге сеніп тапсырылған құпияларды сақтаңыз және бала отырған жерде оны өзгелермен талқыламаңыз.

- Интернетте жарияламас бұрын немесе суреттерін біреуге көрсетпес бұрын одан рұқсат сұраңыз.

- Сыртқы келбетін, киімін, жаңа шаш үлгісін сынамаңыз (сіз басқа пікірде екеніңізді талқылап, айта аласыз, бірақ ренжітпейтін сөздерді ғана таңдай аласыз).

- Өзіңіз жасай алатын нәрсені үйретіңіз. Балаңыздан сіз білмейтін нәрсені үйретуін сұраңыз. Жолға шығар алдында қалтаңызға шоколад, кәмпит, кептірілген жемістер, жаңғақтар немесе аздап тамақ алыңыз.

- Өзіңіздің сүйікті әндеріңіздің тізімін жасаңыз және балаңыздың да солай жасауын сұраңыз (содан кейін сіз бұл музыканы бірлескен сабақтар кезінде тыңдай аласыздар).

- Сүйікті тағамды бірге дайындауды ұсыныңыз.

- Басқаларға жақсылық жасау: иттің үйшігін жасауға көмектесу, құстарға үй жасау, әжеңізге азық-түлік сатып алу – бұл сіздерді байланыстыратын кез келген іс болуы мүмкін.

- "Бірге жақсылық жасау" бейнетаспасын көруге кеңес береміз https://www.youtube.com/watch?v=_hwMcYCy0B8

«Баланың негізгі жас дағдарыстары» слайды

5 минут

Қорытынды бөлім

"Келесі айдың үздік сәттері" практикалық тапсырмасы

- Ұсынылған слайд негізінде алдағы айдағы оқиғалардың күнтізбесін жасаңыз.

- Балалармен бірлескен істердің жеке нұсқаларын ұсыныңыз.

- Үйде әр баламен ұқсас күнтізбе жасаңыз.



Толық нұсқасын 30 секундтан кейін жүктей аласыз!!!


Әлеуметтік желілерде бөлісіңіз:
Facebook | VK | WhatsApp | Telegram | Twitter




Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру

Соңғы жаңалықтар:
» Жоғары оқу орындарына құжат қабылдау қашан басталады?
» Қазақстандағы білім беру деңгейі 10 жыл ішінде қалай өзгерді?
» 85 жастағы қызылордалық ақсақал 2 млн түп ағаш еккен
Пікір жазу