Мұхиттар табиғатының ерекшеліктері. Жаратылыстану, 6 сынып, сабақ жоспары.

Ұзақ мерзімді жоспардағы бөлім:

2. Ғалам. Жер. Адам

Мектеп:

Мерзімі:

Мұғалімнің аты-жөні:

Сынып: 6

Қатысқандар саны:

Қатыспағандар саны:

Сабақ тақырыбы

Мұхиттар табиғатының ерекшеліктері

Осы сабақта қол жеткізілетін оқу мақсаттары (оқу бағдарламасына сілтеме)

6.2.6.2 жоспар бойынша мұхиттар табиғатының ерекшеліктерін анықтау;

 Сабақ мақсаттары

Оқушы:

• Жоспар бойынша мұхиттар табиғатының ерекшеліктерін анықтайды;

 Бағалау критерийлері:

1.Жоспар бойынша мұхиттар табиғатының ерекшеліктерін анықтай алады;

2. Мұхиттардың ауданын, шайып жатқан материктерін, жер бедерін, суының қасиеттерін, климатын, құрамдас бөліктерін, ағыстарын карта бойынша анықтай алады.

 Тілдік мақсаттар

Оқушылар жоспар бойынша мұхиттардың табиғат ерекшеліктерін анықтап, ауызша түсіндіреді.

Пәндік лексика және терминология:

Мұхит, географиялық орны, флора, фауна, жылы ағыс, суық ағыс, бұғаз, шығанақ, теңіз, суасты жотасы, жанартау, жер бедері.

Айтылымға қажетті сөз тіркестері:

... мұхитының табиғат ерекшеліктері ...

... мұхитының географиялық орны ...

… мұхит түбінің жер бедері …

 Құндылықтарды дарыту

Сабақ сыйластықты, ынтымақтастықты дарытуға бағытталған.

Құндылықтарды дарыту топтық жұмыстарды ұйымдастыру барысында жүзеге асады.

 Пәнаралық байланыстар

Мұхиттардағы жануарларды анықтау барысында биология пәнімен байланыс орнатылады.

Бастапқы білім

Оқушылар 5 – ші сыныпта мұхиттардың зерттеу тарихын сипаттады.

Бастапқы білімді жаңғырту топтық жұмыс барысында мұхиттардың зерттелу тарихын сипаттау арқылы жүзеге асады.

Сабақ барысы

Сабақтағы жоспарланған іс – әрекет

Ресурстар

1. Өткенді қайталау арқылы бастапқы білімді жаңғырту. Оқушылар топтарға бөлінеді. Топтар «5.2.6.2 мұхиттарды зерттеу тарихын сипаттау» атты оқу мақсаты бойынша білімдерін көрсетеді. Оқушыларға мұхиттарды зерттеген ғалымдардың суреттері таратылып беріледі. Оқушылар топтарда жұмыс жасай отырып, бұл ғалымдардың кім екенін анықтайды және қандай мұхитты зерттеуге үлес қосқанын анықтайды.

1 сурет – Чарльз Уайвилл Томсон. 1872 – 1876 жж. Ағылшын ғылым академиясының ұйымдастыруымен жүзеге асқан дүниежүзілік мұхиттанушылық экспедицияның ғылыми жетекшісі. Экспедиция «Челленджер» кемесімен жүргізілді. Еңбектерінің нәтижесі 50 томдық кітап болып жарыққа шықты.

2 сурет – Жак Ив Кусто. Француздық мұхиттанушы. Дүниежүзілік мұхитты зерттеуші. Аквалангты алғаш ойлап шығарған ғалым.

3 сурет – Васко да Гама. Португалдық теңізші. Үндістанға теңіз жолын ашты. Атлант және Үнді мұхиттарын жүзіп өтті.

4 сурет – Фернан Магеллан. Дүниежүзін айналып жүзіп шықты. Жер шарының шар тәрізді екенін дәлелдеді. Тынық мұхитына атау берді.

Топтар жауаптарын сыныпқа ұсынады. Мұғалім оқушылардың жауаптарына толықтырулар енгізеді. Оқушыларға кері байланыс береді.

2. Ой шақыру. Мұғалім оқушыларға келесі сұрақтарды қоя отырып, оқушылардың жаңа тақырып бойынша білімдерін бағалайды.

-Дүниежүзілік мұхит табиғатының ерекшеліктері туралы не білесіздер?

Әр топ кезекпен мысалдар, фактілер келтіреді.

3. Мақсатты тұжырымдау. Оқушылармен бірлесе отырып, сабақтың мақсаттары анықталады.

• Жоспар бойынша мұхиттар табиғатының ерекшеліктерін анықтайды;

Қосымша 1

4. Бейнеролик «Дүниежүзілік мұхит».

Бейнеролик қарамастан бұрын, оқушыларды бейнеролик бойынша сұрақтарға жауап беретіндері бойынша ескерту қажет.

-Ең үлкен мұхит қандай мұхит?

-Ең кішкентай мұхит қандай мұхит?

-Мұхиттарды зерттеген қандай басқа да саяхатшылар, зерттеушілер бар?

5. Мұғалімнің түсіндірме жұмысы. Мұғалім оқушыларға мұхит жер бедерін, қасиеттерін, құрамдас бөліктерін түсіндіреді.

6. Жоспар бойынша сипаттау. Оқушылар мәтінді және атласты пайдалана отырып, өздеріне берілген мұхиттарды жоспар бойынша сипаттайды. Нәтижесін постер түрінде көрсетіп, сыныпқа ұсынады.

Мұхитты сипаттау жоспары:

1. Мұхиттың қандай материктер арасында орналасқанын және басқа да мұхиттармен байланысын анықтаңыз.

2. Экваторға және бастапқы меридианға қатысты орнын анықтаңыз.

3. Мұхиттың ауданын анықтаңыз.

4. Осы мұхиттың теңіздерін, шығанақтарын, бұғаздарын анықтаңыздар.

5. Мұхит түбі жер бедерін сипаттаңыз: ең терең және орташа тереңдігін анықтаңыздар.

6. Климатын сипаттаңыз: климаттық белдеулерін жазыңыздар.

7. Осы мұхиттың негізгі мұхит ағыстарын анықтаңыз.

1 топ: Тынық мұхиты

2 топ: Атлант мұхиты

3 топ: Үнді мұхиты

4 топ: Солтүстік Мұзды мұхит

Оқушылар өзара бағалау жүргізеді. Мұғалім кері байланыс береді.

7. Сабақты бекіту мақсатында оқушылар тақырыпқа байланысты қалыптастырушы бағалау жұмысын орындайды. Оқушылар дайын жауаптардың көмегімен өзара бағалау жүргізеді. Мұғалім оқушыларға кері байланыс береді.

Бейнеролик

«Дүниежүзілік

мұхит»

Қосымша 2

8. Рефлексия

Мұғалім сабақ мақсатарына қайта оралып, сабақ мақсаттарына жету деңгейін талқылайды.

Оқушылар келесі сөйлемдерді аяқтау арқылы рефлексия жасайды.

-Сабақта мен білдім ...

-Сабақта мен түсіндім ...

-Сабақта қиын болды үйрендім ...

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Сабақ барысында оқу материалы ақпаратты қабылдаудың түрлі типтерін ескере отырып қолданылады (мәтін, бейнеролик, сурет). Сабақты бекіту кезеңінде қабілеті төмен оқушыларға мұғалім тарапынан көмек беріледі. Қабілеті жоғары оқушыларға күрделендірілген тапсырмалар ұсынылады.

5.2.6.2 мұхиттарды зерттеу тарихын сипаттау оқу мақсаты бойынша бастапқы білімді формативті бағалау. Жақын арадағы даму аймағын анықтауға арналған диагностикалық бағалау. Топтық жұмыс арқылы оқушылардың картамен жұмыс жасау дағдыларын бағалау.

Сыныпта қозғалыс барысында қауіпсіздік ережелерін сақтау.