Қорытынды және талқылау. Жаратылыстану, 6 сынып, қосымша материал.

 Сабақтың басында «Миға шабуыл» тәсілі - оқушылардың сабаққа белсенділігін арттыруға, жаңа тақырыпқа қызығушылығын оятуға бағытталған. Оқушылар қойылған сұрақтарға жеке ойланады, одан кейін жұпта ойларын жинақтап, жауап береді. Миға шабуыл сұрақтарын жалғастыру арқылы оқушылардың өткен сабақтағы үйренген білімдерін еске түсіру және жаңа сабақтың тақырыбы мен мақсатын айқындауға мүмкіндік беріңіз.

 Жаңа тақырыпты түсіну үшін оқушылар топтармен және жұптармен шағын зерттеу жұмыстарын орындайды. Оқушыларды топқа бөлу үшін онлайн ресурстарды қолдануға болады. Егер мүмкіндік болмаса оқушыларды қабілетіне қарай немесе басқа критерийлермен топтастырыңыз. Топқа бөлудің онлайн құралдары төменде келтірілген.

 Оқушылар топтық тапсырманы орындамас бұрын ноктбукте немесе компьютерде жұмыс жасау барысындағы қауіпсіздік техникасының ережелерін ескертіңіз.

 Жұптық жұмысты орындау үшін оқушылардың қабілеттерін ескеріп жұмыс жасауына назар аударыңыз. Егер оқушыларда Microsoft Excel бағдарламасымен жұмыс дағдылары төмен болса, жұмыстың кейбір ерекшеліктерін түсіндіріңіз. Қабілеті жоғары оқушыларды көмекшілер ретінде қолдануға тырысыңыз.

 Сабақты бекіту барысында оқушылар топтық презентация жасайды. Жұмыстарды бағалау барысында оқушыларға өздерінің қаншалықты дұрыс орындағанын немесе қандай қателіктер жібергенін түсіндіруге мүмкіндік беріңіз. Қабілетті оқушыларды аралас топтарға бөліп жұмыс жасатуға тырысыңыз.

 Сабақ барысында орындалған барлық іс-әрекеттерден кейін мұғалім кері байланыс ұсынуы қажет. Барлық тапсырмаларды орындау барысында оқушыларға тапсырмаға сәйкес дескрипторлар көрсетуді ұмытпаңыз.

 Сабақ соңында міндетті түрде сабақ мақсаттарына және бағалау критерийлеріне оралып, оларға жету деңгейі оқушылармен талқылануы қажет. Сабақ бойынша оқушылардан міндетті түрде кері байланыс алу керек. Жұмыс соңында оқушылар «Бағдаршам» тәсілі арқылы кері байланыс жасайды. Бірнеше оқушыға сыныпқа өздерінің жетістіктерін түсіндіреді немесе қиындық туғызған сәттерді атап, оның шешу жолдарын қарастырады.

 Пайдалы сілтемелер:

http://www.classtools.net/

http://www.classtools.net/education-games-php/fishbone

https://baribar.kz/student/4056/zertteudinh-qorytyndylaryn-oenhdeu/

http://www.karlib.kz/index.php/kz/distemelik-k-mek/synystar/210-excel-kestelik-protsessorynda-zh-mys-isteu