Шашу оңай, жинау қиын. Қазақ тілі, 4 сынып, дидактикалық материал. 1 сабақ

1-мәтін

Лалагүлдер әдетте Солтүстік жарты шардың қоңыржай белдеулерінде өседі. Оларды Еуропада, АҚШ-та, Канаданың оңтүстігінде кездестіруге болады, олар сондай-ақ Жапония және Үндістанның оңтүстігіне дейін, бүкіл Азияда тарап, Азияның Филиппинмен қатар, барлық оңтүстік аймақтарында жиі кездеседі. Қазақстанда 21 туысы мен 196 түрі кездеседі.

Қазақстанның Қызыл кітабына енгізілген. Лалагүл тұқымдасы мал азықтық, тағамдық, дәрілік өсімдіктер ретінде де бағаланады. Ерте заманнан бері ерекше сәнді әсемдік өсімдіктер (лалагүл, қызғалдақ, қынжыгүл, т.б.) есебінде мәдени түрде өсіріліп келеді.

2-мәтін

Кенет Лалагүл дауыстады:

....Әй, тынышталыңдар! Көрмейсіңдер ме, адамдар келе жатыр...

Гүлдер әп-сәтте үркіп, дабыраған у-шу сап тыйылды.

Шынымен-ақ, жап-жасыл қыраттың үстінде бір бозбала мен бойжеткен келе жатыр екен.

− Ой, мына гүлдерді қара! Қандай әдемі! − Бойжеткен жайқалған гүлдерге сұқтана қарап тұрып қалды.

Гүлдердің бәрі демдерін ішіне тартып: «Өлген жеріміз осы болды,» − десті қорқып.

Бозбала:

− Әдемілікті көргің келсе, сені мұнда наурыз айының соңы мен сәуір айының басында ертіп келейін. Сондағы бұл беткейді көрсең!.. Ой-ой-ой! Сап-сары сарғалдақтар, шоқтай қызғалдақтар қыр біткенді құлпыртып жібергенде, тәйірі, мына гүлдер жолда қалады.

Қыз жанарын лезде мұң кіреукеледі.

Жігіт қызды мұңайтқысы келмей:

− Шын айтам. Мына гүлдер әдемі болғанмен, қызғалдақтар мен сарғалдақтар тәрізді көз қарықтыра алмайды, − деді тағы.

Бойжеткен үндемей, гүлдерді көзбен аялады.

Жігіт тек тұрмастан:

− Мен саған бір аңыз айтайыншы, − деді қыздан өтініп. Қыз тыңдауға ықылас танытты…

Мәтіннің жанры

Мәтіннің стилі

Мәтіндердің ұқсастығы

1-мәтін

2-мәтін