Бірге демаламыз. Музыка, 3 сынып, қосымша материал. 1 – сабақ.

 Сабақты ұйымдатыруға арналған әдістемелік нұсқаулық

«Демалыс мәдениеті. Мерекелер» бөлімінің алғашқы тақырыбы «Бірге демаламыз» деп аталады. Сабақтың тақырыбын және мақсатын ашып алу үшін оқушыларға мерекелік іс-шаралар суреттелген карточкалар таратып беріңіз және олардан суретте көрсетілген мереке туралы әңгімелеп беруді сұраңыз. Ол үшін алдын ала суреттерді шығарып, оқушыларға жететіндей етіп каторчкалар дайындап алыңыз. Дидактикалық материалдар. 1-қосымша.

Сабақтың мақсатымен тақырыбымен таныстырыңыз.

1-тапсырмада оқушыларға «Отбасы» туралы әңгімелесуді ұсыныңыз. Сұрақтарды талқылап, отбасы күні туралы ақпарат беріңіз. Дидактикалық материалдар. 2-қосымша.

2-тапсырмада оқушыларға Қазақстан эстрада жұлдыздарының орындауында, әні мен сөзі Ғ.Өзбекбайқызының «Ағайынбыз бәріміз» әнін тыңдауды және сұрақтарды талқылауды тапсырыңыз.

https://www.youtube.com/watch?v=zumrqkN2kv0

Сұрақтарды талқылаңыз. Достық, халықтар бірлігі туралы әңгімелесіңіз. Қазақстанда тұратын 130 дан астам ұлт өкілдерінің бар екенін, олардың бір шаңырақ астында тату-тәтті өмір сүріп жатқаны туралы айтып кетіңіз. Дидактикалық материалдар. 3-қосымша.

3-тапсырмада оқушыларға жұппен жұмыс жасайтынын ескертіңіз. «Халықтар достығы» тақырыбына екі шумақ өлең құрастыруды және өлеңге әуен жазуды тапсырыңыз. Жазған өлеңдерін музыкалық аспаптармен сүйемелдеп орындауды ұсыныңыз. Оқушыларға алдын-ала музыкалық (домбыра, сентизатор, гитара) және шулы- музыкалық (маракасы, асатаяқ, тоқылдақ, кастанеттер және т.б) аспаптар дайындап алыңыз. Дайындыққа уақыт беріңіз.

4-тапсырмада оқушыларға шығарған композициясын сынып алдына таныстыруды және критерий бойынша бағалауды тапсырыңыз. Бағалау критерийін оқушылармен бірге дайындаңыз немесе өзіңіз ұсыныңыз. Мысалы,

Бағалау критерийлері:

• Өлең шығарады;
• Өлеңнің мазмұны тақырыпты ашады;
• Өлеңге әуен құрастырады;
• Әуен мәтінге сәйкес келеді;
• Музыкалық аспапта сүйемелдейді.

Осы бөлім тақырыптарын толық меңгергенде оқушылар:

• Отбасының маңызын айта алады;
• Қазақстанда тұратын халықтардың ынтымақтастығы және дотығы туралы айтады;
• «Халықтар достығы» тақырыбына өлең шығарады;
• Өлеңге әуен құрастырады және музыкалық аспаптардың сүйемелдеуімен орындайды;
• Өз жұмыстарын таныстырады және бағалайды.