Өрнектерді салыстыру. Математика, 4 сынып, сабақ жоспары.

Пәндік терминология мен тірек сөздер:

салыстыру

Сабақта диалог/жазу үшін пайдаланатын тіл.

(Ж) Шығарып көр. а) Тапсырма мақсаты — бөлшек, аралас сандарды салыстыру арқылы заттың ең үлкен, ең кіші бөліктерін анықтау. Оқушы бұл тапсырма арқылы танымын кеңейтеді, бөлшектерді салыстыруға жаттығады. Тапсырманы орындауды жұпта жасау. Ал, жұптар өзара талқылау арқылы дұрыс жауапты анықтау.

.ә) Тапсырма мақсаты — бұрыс бөлшектерді аралас сан арқылы жазуға үйрету, оларды салыстыру арқылы өсу ретімен орналастыруға үйрету, киіз үйлер туралы ақпарат арқылы тарихты білуіне ықпал ету. Оқушылар бұл тапсырманы жеке орындаса, дұрыс болады. Өйткені, бөлшектерді салыстыруды алдыңғы сабақта да қарастырған. Дәптерлеріне орындаған жұмыс жазбасын мұқият қарап, бөлшектермен жұмыс жасау деңгейін анықтау. Ол ақпаратты өзіңізге жазып алу. Оқушыларға дайындаған киіз үйлер туралы ақпаратпен таныстыру. Киіз үй шаңырағының ұзындығы оның қанат немесе кереге санымен анықталатынын, киіз үйдің шеңбері ұзындығы одан үш есе үлкен болатынын, бірақ есік орнатуға екі метр артығымен алынатынын айтып өту.

б) Тапсырма бөлшектерді салыстыруды қолдануға арналған. Оны топпен орындауға болады. Оқушыларды шағын топтарға біріктіру. Өз ішінде топ мүшелерін сайласын. Орындау уақытын хабарлау. Орындап болған соң, топтар ауысып, ақпарат алмасады. Жауаптарды салыстыру арқылы дұрыс шешімге келеді. Топ жұмысын бағалау критерийін беру. Оқушылар өзара бағалауды орындайды.