Алгоритм трассировкасы. Информатика, 8 сынып, сабақ жоспары.

Ұзақ мерзімді жоспар бөлімі: 8.3А бөлім - Программаларды әзірлеудің кіріктірілген орталары

Мектеп:

Күні:

Мұғалімнің аты-жөні:

Сынып: 8

Алгоритм трассировкасы

8.3.2.1 алгоритм трассировкасын жүзеге асыру

Оқушыларда блок-схема құру және алгоритмді трассировкалау дағдыларын қалыптастыру

• есепті шешу үшін түрлі блок-схемаларды құрастыра алу

• трассировка кестелерін толтыра алу

Пәндік терминология:

• Блок-схема, алгоритм, трассировкалау кестесі

Оқу және жазуға арналған пайдалы сөз тіркестері

• Блок-схема … үшін пайдаланылады
• Трассировкалау … үшін қолданылады

1. Құрметтеу: топтық жұмыс кезінде жұптық қарым-қатынастарды дамытуды қамтиды

2. Академиялық адалдық: академиялық адалдық принциптерін сақтауға негізделген басқа адамдардың идеялары мен ойларын құрметтеу.

3. Өмір бойы білім алу

Математикамен байланысты есептер шығару

Алгоритм тұжырымдамасы, алгоритмді жазу түрлері, блок-схема.

Сабақта орындалатын іс-әрекеттер

• Миға шабуыл

Оқушыларға сұрақ:

• Алгоритмді программалау тілінде жазып, компьютерде тексермес бұрын алгоритмнің дұрыстығын тексеруге бола ма? Қалай ойлайсыңдар?

Оқушылардың ойларын тыңдау.

Мұғалім сабақтың тақырыбы мен мақсаттарын таныстырады

• Сыныппен жұмыс: Жаңа тақырыпты түсіндіру
• Трассировка анықтамасын беру
• Жаңа сабақты есепті шығару арқылы түсіндіру:

Тізбектелген 4 сан берілген. Олардың қосындысын табуды трассировка кестесі арқылы тексеру

Бастапқы берілгендер: А, В, С, D айнымалылары. Олардың мәні программа орындалу барысында енгізіледі. Қосындысы S.

Осы есептің блок-схемасы:

Компьютерде тексермес бұрын алгоритмнің дұрыс орындалуын трассировка кестесін толтыру арқылы тексеруге болады. А = 5, В = 8, С = 17, D = -3 болғандағы алгоритм үшін трассировка кестесі төмендегідей.

• Жұппен жұмыс істеу (қалыптастырушы бағалау): Жұпта келесі мәндердің нұсқалары үшін трассировка кестесін толтырыңыз
• Берілген үш санның кішісін табу (тармақталу құрылымын қолдану). Мысалы: А=8 В=43 С=-16

• Х мәні 1-ден 5-ке дейін артқандағы Y=Y+X функциясының нәтижесін есептеу (қайталану құрылымын қолдану)

Есептердің нәтижесін талдау

• Жеке жұмыс: Есептің шығарылуын блок-схема түрінде көрсетіңіз және трассировка кестесі арқылы тексеруін көрсетіңіз:

Тапсырма 1: Санды енгізу. Егер ол теріс болмаса, одан 50, әйтпесе оған 100 қосыңыз.

Тапсырма 2: Адам денесінің температурасын енгізуді сұралады және ол сау немесе ауырып тұрғанынын анықтайтын алгоритм (сау 36 < t < 37)

Тапсырма 3: 1-ден 7-ге дейінгі сандардың көбейтіндісін табатын алгоритм құрастыру

• Рефлексия.

Білім мен мақсатқа жетудің "дамуын" бағалау үшін келесі сөз тіркестерін жалғастыру

• Мен білмеген едім...
• Енді мен білемін...

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Пәнаралық байланыс. Қауіпсіздік ережелері. АКТ-мен байланыс. Құндылықтармен байланыс (тәрбиелік элемент)

Блок-схемаларын талқылау арқылы өз білімдерін көрсете алады, қабілеті жоғары оқушылар топтық/ жұптық жұмыстар барысында өздерін кеңесші ретінде көрсете алады.

Қауіпсіздік техникасы ережелерін талқылау, оның ішінде компьютерде жұмыс істеу барысында дұрыс демалуы жолдарын қайталау.