Қозғалысты дене қыздыру элементтері. Дене шынықтыру, 6 сынып, сабақ жоспары. 101 сабақ.

Ұзақ мерзімді жоспар бөлімі:

8 бөлім: Жүгіру секіру лақтыру дағдыларын жақсарту

Күні:

Сынып: 6

Қозғалысты дене қыздыру элементтері.

6.1.3.1. Арнайы спорттық техникаларды орындау кезіндегі дағдылар мен реттілікті таңдай білу

Арнайы спорттық техникаларды орындау кезіндегі дағдылар мен реттілікті таңдай білуге үйрету

Жаттығуларды орындау кезіндегі дағдылар мен реттілікті таңдай біледі.

Жеңіл атлетикадағы қызметінің және қозғалыс түсінігін талқылап көрсете алады.

Мыналарды қамтиды:

• қауіпсіздік ережесі, жарақат, қауіптің алдын алу
• екпін алу, итерілу, ұшу, қону

Талқылауға арналған сұрақтар:

• Қауіпсіздік ережелерін сақтаудың маңыздылығы қандай?
• Жаттығуларды орындау кезінде қандай қауіпсіздік ережелерін сақтауымыз қажет?
• Өздеріңіздің практикалық білімдеріңізді және дағдыларыңызды күнделікті өмірде қалай қолданасыздар?
• Бұл тапсырмада қандай арнайы спорттық қозғалыс әрекеттері қолданылды?

Жеке жауапкершілік, көшбасшылық қасиеттері, өмір бойы оқу, бір-біріне көмектесу.

Ғылыммен байланыс – денсаулық және тән, қауіпсіздік, салмақ динамикасы. Информатикамен (ғаламтордан ақпарат іздеу және өңдеу), математикамен (айналу осі, кеңістік, бағыт пен бұрыштар), психологиямен (кіші топта жұмыс жасау дағдылары), биологиямен (ағзадағы биохимиялық өзгерістер), физикамен ( жылдамдық, салмақ, энергия) байланысы.

Шағын құрылғылармен сабақты түсіру, ғаламтордан қажетті ақпаратты іздеу үшін ноутбукты қолдану.

Білім алушылар алдыңғы сыныптарда, сабақтан тыс уақытта жеңіл атлетика және денсаулық түсініктері жөнінде дағдылары бар.

 Сабақтағы жоспарланған іс-әрекет

Сабақтың басында өтетін тақырыппен таныстырып, білім алушылармен бірге оқу мақсаты және сабақтың соңында күтілетін нәтиже анықталады. Осыдан кейін білім алушылар сабақтағы бағалау критерийлері және дескрипторлармен танысады.

(С, ҚБ) Білім алушылар жеңіл атлетикамен айналысу кезінде қауіпсіздік ережесі бойынша жалпы талаптармен таныстырылады.

Осыдан кейін жүгіру жаттығуларын орындап, демдерін қалпына келтіріп, дененің барлық бұлшық еттеріне арналған ЖДДЖ орындайды.

(Т, Ж, ҚБ) Оқушылар «Ақ аюлар» ойынын ойнайды. Бос алаңда кішігірім орын – «мұз кесегі» – белгіленеді. Оның үстінде «қуалаушы» – «ақ аю» – тұрады. Қалған «қонжықтар» алаң ішінде шашырап орналасады. «Аю»: «Аулауға шығамын!» - дейді де, қонжықтарды ұстауға жүгіре жөнеледі. Басында бір «қонжықты», одан кейін келесісін ұстап, мұз кесегіне тұрғызып қояды. Бұдан кейін ұсталып қалған екі «қонжық» қол ұстасып, қалған ойыншыларды ұстай бастайды. «Аю» «мұз кесегіне» қарай қайтады. Екі «қонжық» біреуді ұстап алғаннан кейін бос қолдарын ұсталған ойыншы құрсауда қалып қоятындай біріктіріп, «Аю, көмектес!» - деп, айғайлайды. «Аю» жүгіріп келіп, ұсталған ойыншыны «мұз кесегіне» апарады. Ұсталған келесі екі ойыншы да солай қол ұстасып, қалған «қонжықтарды» аулай бастайды. Ойын барлық «қонжықтар» ұсталғанша жалғаса береді. Соңғы ұсталған ойыншы «ақ аю» болады. Соңғы ұсталған ойыншы жеңіске жетеді.

«Қонжыққа» «аю» келіп алып кетпегенше қоршап тұрған жұптың қол астынан өтіп кетуге болмайды. «Қонжықтарды» «аулау» кезінде олардың киімдерінен ұстауға, ал «қонжықтарға» алаң шегінен шығуға болмайды.

Осы тапсырманың дескрипторлары:

• Ойын кезінде болуы мүмкін қауіпті жағдайлар мен жарақаттар туралы біледі;
• Болуы мүмкін қауіпті жағдайлар мен жарақаттардың алдын алу жолдарын біледі;
• Жаттығуларды орындау кезіндегі дағдылар мен реттілікті таңдай біледі.

Сұраңыз: Денені қыздыру ағзаға қалай әсер етеді?

Жеңіл атлетикамен айналысқан кезде жарақат алмау үшін қандай қауіпсіздік ережелерін сақтауымыз қажет? Сыныптастарыңызбен қандай білім, дағдылармен бөлісе аласыз?

(С, Ж, ҚБ) Сабақтың келесі бөлігінде секірудің орындалу техникасы көрсетіліп, түсіндіріледі. Осыдан кейін білім алушылар топтарға бөлініп, «Аттап басу» әдісі арқылы кіші топтарда биіктікке секіруді үйренеді. «Аттап басу» әдісі арқылы 5-7 адым жасап, 50-70 см биіктікте орналасқан белгітаяқшасынан (планка) секіреді. Екпін алудан итерілуге өткенде және белгітаяқшасынан өткен кезде жеке элементтеріне көңіл бөлінеді. Үйренген әдіс бойынша оқушылар тапсырманы 5-7 рет қайталайды. Тапсырманы аяқтағаннан кейін кіші топтарда өткізілген жұмыс бойынша рефлексия жүргізіледі.

Осы тапсырманың дескрипторлары:

• 5-7 адымнан тұратын қашықтықтан екпін алады. Екпін алған кезде соңғы адым жылдамдырақ орындалады;
• Секіру кезінде қауіпсіздік ережелерін сақтайды;
• Жаттығуларды орындау кезіндегі дағдылар мен реттілікті таңдай біледі.

Сұраңыз: Бұл тапсырмада қандай арнайы спорттық қозғалыс әрекеттері қолданылды? Денені қыздыру ағзаға қалай әсер етеді? Жеңіл атлетикамен айналысқан кезде жарақат алмау үшін қандай қауіпсіздік ережелерін сақтауымыз қажет? Сыныптастарыңызбен қандай білім, дағдылармен бөлісе аласыз?

Сабақ соңында білім алушылар демді қалыпқа келтіру жаттығуларын орындап, рефлексия жүргізеді:

 - нені білдім, нені үйрендім?

 - нені толық түсінбедім?

 - немен жұмысты жалғастыру қажет?- деген сұрақтары бар парақшаға жауап береді.

Сабақ уақытында орындаған жұмыстарын бағалау үшін білім алушыларға дескрипторлар арқылы бірін-бірі бағалау ұсынылады.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Арнайы спорттық техникаларды орындау кезіндегі дағдылар мен реттілікті барлық білім алушылар таңдай біледі деп жоспарлап отырмын.

Қабілеті жоғары оқушыларға арнайы спорттық техникаларды орындау кезіндегі дағдылар мен реттілікті таңдауда сыныптастарына ақыл-кеңес беруді ұсынамын.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

 Жалпы баға

 Сабақтың жақсы өткен екі аспектісі (оқыту туралы да, оқу туралы да ойланыңыз)?

 1:

 2:

 Сабақты жақсартуға не ықпал ете алады (оқыту туралы да, оқу туралы да ойланыңыз)?

 1:

 2:

 Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?