Жай, бинарлы және күрделі бейорганикалық заттардың қатысуымен жүретін тотығу-тотықсыздану реакциялары. Химя, 10 сынып, сабақ жоспары, 1 сабақ.

«Келісілді»

ӘБ жетекшісі_________________

Мектеп:

Мұғалім: Муханбетиярова К.К.

КДМ

Химия пәні бойынша ҚЫСҚА МЕРЗІМДІ САБАҚ ЖОСПАРЫ

Күні:

Сынып: 10 Сабақтың реті:1

Бөлім 10.2A Химиялық реакциялардың заңдылықтары (9 с)

Сабақтың тақырыбы

Жай, бинарлы және күрделі бейорганикалық заттардың қатысуымен жүретін тотығу-тотықсыздану реакциялары.

Оқыту мақсаттары

10.2.3.1 заттардың формулалары арқылы элементтердің тотығу дәрежесін анықтау;

Сабақтың мақсаты

• қосылыс құрамындағы элементтердің немесе иондардың тотығу дәрежелерін анықтау;
• химиялық реакция теңдеуінен тотығу дәрежесі өзгере жүретін және өзгеріссіз қалатын иондарды анықтау;

Бағалау критерийлері

• қосылыс құрамындағы элементтердің немесе иондардың тотығу дәрежелерін анықтайды;
• химиялық реакция теңдеуінен тотығу дәрежесі өзгере жүретін және өзгеріссіз қалатын иондарды анықтап, жазады;

Мектеп құндылықтары

Сабақ барысында мектеп құндылықтары жүйелі түрде енгізіліп барылады. Ол сабақтың ажырамас бөлігі болып саналады. Мысалы:

• Ашықтық
• Ынтымақтастық
• Өмір бойы білім алу
• Құрмет
• Бұл құндылықтар сабақтың нақты бір бөлігінде емес, сабақ барысында қажет кезінде қолданылып барылады.

 Тілдік мақсаттар

Пәнге қатысты лексика мен терминология

Тотығады/тотығу, тотықсыздану, тотықсызданады, процесс, жоғалту, арттыру, кері, орын алатын

Арасындағы айырмашылық неде...?

Тотығу бұл ..., мұнда тотықсыздану бұл...

Тотығу\тотықсыздану орын алады, егер ...?

Тотығу\ тотықсыздануүрдісінде ...?

X/Y бірігеді (қосылады) \ азаяды (жоғалады),егер…

 Пәнаралық байланыс

Биология-антиоксиданттар, адам ағзасын ауруға ұшыраудан қорғайтын заттар.

 Алдыңғы білім

Алдыңғы бөлімдердің барлығы дерлік бір-бірімен байланысты.

Ауадағы жану-тотығу (7.4 А)

Металдар белсенділігінің салыстырмалы сипаттамасы (8.1 А)

Металдар белсенділігінің салыстырмалы сипаттамасы (8.1B)

Атомдардағы электрондардың қозғалысы (8.2 А)

Сутегі және оттегі (8.2 В)

Химиялық реакциялардың мысалдары (9.1 С)

Сабақ барысы

Сабақтағы жоспарланған іс-шаралар:

Оқушылармен сәлемдесіп, сабаққа дайындығы тексеріледі және позитивті атмосфера қалыптастырылады.

Үйге берілген тапсырмалар сұралып, өткен сабақты қайталау мақсатында сұрақ-жауап қойылады.

• Химиялық реакцияның неше типі бар?
• Әрбір реакцияға мысалдар сұралады?

А.С. Пушкин жазғандай: «Өмірде Ия және Жоқ. Қасқағым сәт және мәңгілік, жастық және кәрілік, даналық және ақымақтық» мұның бәрі біздің өмірдегі қарама-қайшылықтар. Математикада екі бір-біріне қарама-қарсы сандар бар (мысал үшін:10 және -10). Оқушыларға төмендегідей проблемалық сұрақтар қойылады:

Өмірде қандай қарама- қарсылықтармен кездесеміз?

Оқушылар: ақ және қара,

жақсылық пен жамандық,

оң және теріс,

тақ және жұп,

тартылу және тебілу.

Ал химияда қандай қарама – қарсылықтарды кездестіреміз?

Оқушылар: катион және анион,

қышқыл және негіз,

металл және бейметалл

Біз бүгін сіздермен өмірдегі қарама-қарсы химиялық үдерістерге тотығу және тотықсыздану үдерісіне тоқталамыз, бірігіп тотығу-тотықсыздану реакциялары деп аталады. Сабақтың мақсатымен таныстырылып өтіледі.

«Bilimland» сайтынан төмендегідей видеоларды көру ұсынылады:

• Тотығу-тотықсыздану реакциялары;

Видео көрсетілмес бұрын оқушыларға алдын ала төмендегідей сұрақтар таратылады:

• Тотығу дегеніміз не?
• Тотықсыздандырғыш дегеніміз не?
• Тотығу-тотықсыздану реакциялары дегеніміз не?
• Күнделікті өмірде қандай ТТР білеміз?
• Оқушылар видеодан қажетті жерлерін дәптерлеріне түртіп алады.
• Видео көрсетіліп болғаннан кейін сұрақтар бойынша талқыланады;
• Интерактивті тақтадан мысалдар келтіре отырып, түсіндірме жұмыстар жүргізіледі;
• Сабаққа қатысты терминдер үш тілде айтылып, қайталанып өтіледі.

Есте сақта!!! Тотығу процесі кезінде тотығу дәрежесі артады, ал тотықсыздану процесі кезінде тотығу дәрежесі төмендейді. Тотықтырғыштар алатын электрондар саны, тотықсыздандырғыщтар беретін электрондар санына тең болады.

Жеке жұмыс. Тапсырма

• Оқушылар тотығу дәрежесін анықтауға арналған тапсырманы орындайды;
• Оқушыларға жай заттардың тотығу дәрежесі үнемі 0 болатындығы ескертіледі;
• Мұғалім оқушылар тапсырмаларды орындап жатқанда бақылап жүреді, қажет жерінде бағыт-бағдар беріп отырады.

Н₂, О₂, СО₂, Na₂O, KMnO_4, K₂SO₄, Al(NO₃)₂, K₂Cr₂O_7, BaО, P₂O_5, HNO₃ HNO_2, H₃PO₄, NH₄OH

Жұптық жұмыс

• Әрбір жұпқа тапсырмалар таратылып беріледі;
• Кестедегі тапсырмаларға қарай отырып жауаптарын жазады;
• Әрбір жұп өз деңгейлерінде тапсырмаларды орындайды;
• Оқушылар тапсырмаларды орындап жатқанда, мұғалім бақылап, қажет жерде көмек көрсетеді;
• Тапсырмаларды орындап болғаннан кейін қателік кеткен тапсырманы оқушылар тақтаға орындап, қалған оқушылар орындарында отырып жазып алады;

Тапсырмаларын қатесіз орындаған оқушыларға қосымша мысалдар беріледі.

Сұрақтар оқылады, оқушылар «Иә», «Жоқ» карточкаларын көтеру арқылы жауап береді. Сұраққа дұрыс жауап бере алмаған оқушылар болса, сыныппен талқыланады. Әрбір сұраққа мұғалім кері байланыс беріп отырады.

Сабақты қорытындылау. Мақсатқа оралу.

Сабақтың соңында оқушыларға белсенді қатысқаны үшін рақмет айтылып, олардан кері байланыс қағаздарын толтырып берулері сұралады. Оның алдағы сабақтарда ескерілетіні айтылады.

- Маған ой салды........

- Сабақта сіз қандай жаңалықпен таныстыңыз?

- Сіз сабақта нені есте сақтау қажет деп ойлайсыз?

- Немен жұмысты жалғастыру қажет...

Тотығу тотықсыздану реакцияларын қайталау.

Сабақ бойынша рефлексия