Жылдам және баяу жиырылытын бұлшықет талшықтарының ортақ қасиеттері, орналасуы мен олардың құрылымдық байланысы. Актинге байланысты қаңқа бұлшықет ұлпасының типтері 2-сабақ (Биология, 10 сынып, IV тоқсан)

Пән: Биология
Ұзақ мерзімді жоспар бөлімі: Қозғалыс
Сабақ тақырыбы: • Жылдам және баяу жиырылытын бұлшықет талшықтарының ортақ қасиеттері, орналасуы мен олардың құрылымдық байланысы. Актинге байланысты қаңқа бұлшықет ұлпасының типтері 2-сабақ
Осы сабақ арқылы жүзеге асырылатын оқу мақсаттары:• жылдам және баяу жиырылатын бұлшықет талшықтарының ортақ қасиеттерін және олардың орналасуы мен құрылысының байланысын анықтау
Сабақ мақсаттары:• Жылдам және баяу жұмыс істейтін бұлшықет талшықтарының құрылысымен танысу
• Осы бұлшықет талшықтарының ерекшеліктеріне кесте толтыру арқылы сипаттама беру
• Бұлшықет талшықтарының жиырылу механизмін анықтау.
Ұйымдастыру кезеңі. Сәлемдесу
Оқушылардың назарын сабаққа аудару.
(Т) Білу, түсіну дағдылары негізінде бүгінгі сабақтың тақырыбы мен мақсатын анықтау үшін тақтада тауықтың суреті көрсетіледі. Тауықтың ұшпайтыны белгілі, сондықтан тауықтың екі күйдегі (қалыпты күйдегі және қанат қаққан) суреті беріліп оқушылардың осы тауық бұлшықеттерінің қозғалысына қатысты пікірлері сұралады. Олардың пікірлері тыңдалып, ортақ түсінік қалыптасқан соң жаңа сабақ тақырыбы мен мақсаты жазылады.
(Ж) Оқушылардың тақырыпты аша түсуі әрі тілдік дағдыларын дамыту үшін термин сөздермен жұмыс жасау тапсырылады. Салыстырмалы кестедегі ағылшын тіліндегі кілт сөздердің жанына кестенің бос ұяшықтарын толтырады (қосымшада). Жұмыс соңында дайын жауап үлгісімен жасыл сия арқылы өзара бағалау жүргізіліп бағаланады.
(М) Жаңа сабақ тақырыбына қатысты оқушыларға презентация көмегімен қысқаша ақпарат беріледі.

Жаңа сабақты игеру
(Д) (Ұ) Оқушылардың қолдану және зерттеушілік жасау дағдыларын дамыту мақсатында оларға тауықтың бұлшықет талшықтарының ақшыл және күңгірт жолақтарын салыстыру және айырмашылықтарын түсіндіру тапсырылады.
Ол үшін сабақтан бірнеше сағат бұрын тауықтың төс және сан бұлшықеттері препарацияланып салыстыруға әзірленіп қойылуы қажет.
(Ж) Соңынан оқушыларға өздері зерттеген бұлшықет талшықтарының екі түрін салыстырып деректерді кестеге толтыру сұралады. Салыстыру кестесін толтыру үшін оқушыларға критерийлер ұсынылады. Бұлшықет талшықтарын салыстыру белгілері:
- түсі;
- ағзада орналасуы;
- энергия көзі;
- майдың болуы;
- жиырылу жылдамдығы.
(Ө, Қ) Дескриптор бойынша оқушылар өзара бағалау жүргізеді. *Қажет болып жатса мұғалім тарапынан толықтырулар мен түзетулер енгізуге болады.
Дескриптор:
Нұсқалары +/-
Тауықтың бұлшықет талшықтарының ақшыл және күңгірт жолақтарын салыстыру арқылы айырмашылықтарын анықтайды
Бұлшықет талшықтарының құрылысы мен жұмысы арысындағы байланысты сипаттайды....