Қазақша өлең: Қасым Аманжолов (Ақша) » ZHARAR © 2017 | қасым аманжолов Ақша өлең стихи на казахском касым аманжолов казакша олен, қасым аманжолов өлеңдері, стихи на казахском языке касым аманжолов, касым аманжолов олендери, Ақша, Ақша туралы өлең, акша туралы олен казакша, стихи на казахском языке о деньги




  • »

Қазақша өлең: Қасым Аманжолов (Ақша)

Қазақша өлең: Қасым Аманжолов (Ақша) казакша Қазақша өлең: Қасым Аманжолов (Ақша) на казахском языке

Шіркін, ақша,
Жолда жатса,
Бұрмас па едің мойныңды!
Төніп барып,
Уыстап салып
Толтырмас па ең қойныңды!
Жүрек ойнап, лүпілдеп,
Жетсең үйге бүлкілдеп!

Келсең үйге…
Бассаң биге-
Тасып көңлің шаттанып,
«Таптым ақша!!! –
Деп жолдасқа-
Қойныңды ашып ақтарып,
Күлім қағып қарасаң,
Жата қалып санасаң!

«Бар, тез бар!» деп,
«Мол ғып ал» деп,
Жіберсең-ау тамаққа:
Ет пен майға,
Сүт пен шайға,
Папиросқа, араққа,-
Шашсаң еркін ақшаны,
Сонда көңлің тасқаны!…

Бірақ… ол жоқ…
Тек көңлің тоқ,-
«Ақша» деген қиялға.
(Сыртта мін жоқ),
Іште дым жоқ,
Сүйенесің құр нанға.
Ет те, май да, шай да жоқ,
Құр қиялдан пайда жоқ.

Ермек етер,
Ой тербетер
Папирос жоқ тартуға,
Елден сұрап,
Махорка орап,
Не насыбай атуға
Бере бермес ел-дағы,
Ұяларсың сен –дағы.

Болды бес күн,
Болдың «мүскін»,
Бұрынғыдай іс те жоқ,
Басың қатып,
Өзек тартып,
Іс істеуге күш те жоқ,
Жапалақтай қобиып,
Отырғаның мөлиіп.

Бар білгенің-
Күңіренгенің,
Ызыңдап ән айтқаның,
Не сызылтып,
Не құбылтып,
Тек музыка тартқаның,
Мән шыға ма ойыннан,
Тамақ кетпес ойыңнан.

Ойнасаң да,
Ойласаң да,
Шіркін ақша келер ме?!
Бостан-босқа,
«Мә» деп «ақша»
Біреу әкеп берер ме?!
Онан- дағы жолын тап,
Ақша шығар орнын тап.

Ертең бар да,
Ақша ал да,
Оны жұмсау жөнін біл.
Жоқта сасып
Қалмауыңның шегін біл.
Жұмсасаңыз жоспарсыз,
Әлі талай қақсарсыз!

Еттен, майдан,
Сүт пен шайдан
Аямай-ақ ақшаны.
Мола йт нанды…
Тыңайт әлді,
Қоя тұрып басқаны.
Болса денең – бойың сау,
Ақылың сау, ойың сау.

Папиросты,
«Тентек досты»
Сиреткенің жөн болар-
Бос жүрісің,
Қыдырысың
Азар болса кем болар…
Сән болмайды көк түтін,
Әл болмайды «бір жұтым»…

Мұным шыным,
Таза сырым
Айтқаныма ұрыспа!
Істе де іс,
Аяма күш,
Тұрмысыңды дұрыста.
Тұрмыс түзер бойыңды,
Бойың түзер ойыңды.


Санат: KZ портал » Қазақша Өлеңдер жинағы | | 408
Рейтинг:
(голосов: 0)

.

MixAdvert

MarketGid

Соңғы пікірлер:
. .