Қазақша Жұмбақ: Кәсіп » ZHARAR © 2017 | Загадки на казахском языке профессия Қазақша Жұмбақ Кәсіп, Кәсіп туралы жұмбақтар, Кәсіп туралы жұмбақтар, Кәсіп туралы жұмбақ, Загадки на казахском языке профессия, касип профессия туралы казакша жумбак




  • »

Қазақша Жұмбақ: Кәсіп

Қазақша Жұмбақ: Кәсіп казакша Қазақша Жұмбақ: Кәсіп на казахском языке

Өрнектеп, сәндеп,
Тігістерін бүгетін.
Солпысын жөндеп,
Кім көйлек тігетін?
Тігінші

Қалпағы ақ қарасаң,
Дәрігер емес, бірақ ол.
Дәм мәзірін қаласаң,
Алға ұсынып тұрады ол.
Аспаз

Өнерге тән жаратқан,
Көкірегі кең аспан.
Барша жұртты қаратқан,
Бейнегер кім тым асқан?
Қылқалам шебері

Айдында жүзеді,
Тірі күміс сүзеді.
Балықшы

Алатаяқ ұстаған,
Жол тәртібін нұсқаған.
Өміріңді күзеткен,
Ысқырығы күшті адам.
Полиция

Маңдайға жағып шырақты,
Лавалардан тұрақты.
Ағызып отын өзенін,
Жылытқан кім өз елін?
Шахтер

Адамның жүзін,
Басы мен көзін.
Айнытпай келбетін,
Салатын кім суретін?
Бейнегер

Жасыл желек көгалда,
Бірде артқа,
Бірде алға,
Желаяқ көп бала,
Таласып жүр бір шарға.
Футболшылар

Өңкей сығай екі топта,
Таласып жүр бір допқа.
Футболшы

Жолының көп азабы,
Сондадағы тынбайды.
Жаңалықты жазады,
Көпшілікті тыңдайды.
Журналист

Кең байтақ туған жеріме,
Кетпесін деп жат із өтіп.
Тыныштық тілеп еліме.
Отанды кім тұр күзетіп?
Жауынгер

Арқан байлап беліне,
Шымырлықпен бекіне.
Өрмелейтін қай өрен,
Шыңның шырқау шегіне?
Альпинист

Шың басына өрмелеп,
Күнге ұмтылар дөңгелек.
Альпинист

Айлар бойы жүзеді,
Жерді көрмей жүреді.
Ақ жал таумен алысқан,
Адамды кім біледі?
Теңізші

Төл өсіріп момақан,
Уыз ішкен қоймалжың,
Білсең айтшы, балақан,
Еңбегі зейнет қай малшы?
Қойшы

Оның тіккен бұйымы,
Аяғыңды қаптайды,
Шыға қалса жұлымы,
Әдемілеп баптайды.
Етікші

Ортасында сан халық,
Белдескенде жан салып.
Жерге тимей жотасы,
Атанған күш атасы,
Айбаттыны кім дейді,
Қайраттыны кім дейді?
Балуан

Көкке ұшқан шарықтап,
Шаңырақтың бауынан,
Ұстап дәйім қалықтап.
Парашютист

Дабылға тез жететін,
Жалынға сүңгіп кететін.
Қақалса да түтінге,
Тайсалмайтын батыл кім,
Жасқанбайтын батыр кім?
Өрт сөндіруші

Тұлғалы кең иығы,
Мұнара оның тұрағы.
Маң далада бұйығы,
Сөнбей жанса шырағы,
Жер астының сұйығы
Фонтан болып шығады.
Мұнайшы

Ол жетсе ауылға,
Самсар жұлдыз торабы,
Нұр шашып тұрады.
Электрші

Күміс қанат, сұңқары,
Көкке еркін сүңгиді.
Бұлттан да тым әрі,
Кеткен жанды кім дейді?
Ұшқыш

Топырақтың құнарын,
Дәл тауып құрамын,
Қай жерде қай дақыл,
Өнім берер бай дақыл,
Зерттеп дәйім жүретін,
Кім бәрін білетін?
Агроном

Көрінбейді өзі,
Естіледі сөзі.
Радио дикторы

Жалтылдап қалағы,
Салатын кім қаланы?
Кірпіш қалаушы

Қараңғыны қақ жарып,
Жүрген кім шам жағып?
Монтер

Бал татыған мәзір,
Ол бар жерде әзір.
Аспаз

Өскен шашты жаратпайтын,
Қайшысы бар жалақтайтын.
Шаштараз

Рояльда ойнайды,
Бірақ та ән салмайды.
Әріп теруші

Құрып қойып өрмегін,
Ұршықтарын ойнатып.
Сәнді мата өрнегін,
Жасайтын кім жайнатып?
Тоқымашы

Ұзын-ұзын жолдар бар.
Үйрек қонар көлдер бар.
Ат үстінде шоқиып,
Отыратын күндер бар.
Өрмек тоқушы

Отан үшін жан беріп,
Жоғалтқанмен ол атын.
Жүрегі бар мәңгілік,
Халықпен бірге соғатын.
Белгісіз солдат

Екі шекпен күмбірлеп,
Көңіл сазын сапырады,
Тұлпар шабыс дүмбірлеп,
Желпіндіріп отырады.
Күйші


Санат: KZ портал » Қазақша Жұмбақтар жинағы | | 33 982
Рейтинг:
(голосов: 88)

.

MixAdvert

MarketGid

Соңғы пікірлер:
. .