» » » Жұмбақтар жауабымен: Спорт бұйымдары (ойын, доп, футбол, шахмат, велосипед, шаңғы, асық, тоғыз құмалақ, карта)

Жұмбақтар жауабымен: Спорт бұйымдары (ойын, доп, футбол, шахмат, велосипед, шаңғы, асық, тоғыз құмалақ, карта)

Жұмбақтар жауабымен: Спорт бұйымдары (ойын, доп, футбол, шахмат, велосипед, шаңғы, асық, тоғыз құмалақ, карта) казакша Жұмбақтар жауабымен: Спорт бұйымдары (ойын, доп, футбол, шахмат, велосипед, шаңғы, асық, тоғыз құмалақ, карта) на казахском языке
Тебесің сен бір,
Тебемін мен бір.
Түсі теңбіл,
Көнбіс зат ең бір.
Футбол добы

Алпыс төрт тең бөлмеде
Отыз екі тұрғын бар:
Ақ, қара ғып бөлгенде
Бірін бірі қуғындар.
Ханы үшін де, жаны үшін
Бермейді олар намысын.
Шахмат

Қозғамасаң — құлайды,
Сүйемесең — сұлайды.
Құйымшақта ері бар,
Бұл не деген жануар?
Велосипед

Мініп алып ылғи да,
Тыңнан жол табамын,
Жоғарыдан ылдиға,
Жұлдыз болып ағамын.
Шана

Жылға дер ем — ақпайды,
Жылан дер ем — шақпайды.
Арқан

Табаныма байладым,
Қос таяқпен айдадым.
Шаңғы

Жазда қайрандайды,
Қыста сайрандайды.
Шана

Ойға қарай зулайды,
Сенсіз өрге бармайды,
Жетелесең қалмайды.
Қол шана

Шіркіннің өзіне обал-ақ,
Жүреді аяқта домалап.
Доп

Қыстай жегіп қос атты,
Көктем шыға босаттым.
Шаңғы

Әуеде
Дәу қарынды үрдім де,
Аузын байлап бүрдім де,
Төмен қарай сүйредім,
Ауада еркін биледім.
Парашют

Біздің үйде бір қыз бар,
Көзі бар, көрмейді,
Аузы бар, жемейді,
Қолы бар, ұстамайды,
Аяғы бар, жүрмейді.
Қуыршақ

Ақ шатыр,
Ақ шатырдың ішінде
Ақ ала көйлек қыз жатыр.
Қуыршақ

Жазда жатса тынысып,
Дейді қыста жұмыс тап,
Тауға шықсаң - жетекте,
Қашады алып етекке.
Шана

Қос аяқ жүрген қуып,
Жел шықтан үрген қуық,
Бірде жөн, бірде лағып,
Қашады зыр-зыр қағып.
Футбол

Ұрсаң қатты зырлайды,
Жерге қарғып тұрмайды.
Тиіп кетсе басыңа,
Еш бір зиян қылмайды.
Доп

Өзі кішкене дөп-дөңгелек,
Тапшы, қане біле алсаң.
Өзіңнен де биікке асады,
Мықтап жерге ұра алсаң.
Доп

Нәзік белі бұралған,
Ұшы біздей қадалған.
Қар үстінде жорғалап,
Басқан ізін бояған.
Коньки

Орай бұты, бөкен сырты,
Іші бар, ішегі жоқ.
Асық

Екі атасы бар,
Он сегіз анасы бар.
Он сегіз анасының әр қайсысында
Тоғыз-тоғыздан баласы бар.
Тоғыз құмалақ ойыны

Мен көрдім өзі жансыз сегіз еркек,
Келгенде аларманға адам тентек.
Ішінде сол қосынның төрт әйел бар,
Жүреді елу екі қол жетелеп.
Және де екі патша басында отыр,
Үкімі сол шіркіннің тым-ақ тентек.
Ойын картасы

Дүниеде бір нәрсе бар төрт бұрышты,
Топ кісі жиылып-ап келді, тұрысты.
Әр қайсысының төрт жүзден әскері бар,
Жиылды барлығы, қатты ұрысты.
Карта ойнау

Екі жүз он алты екен қара солдат,
Төсектен отыз алты өреді аңдап,
Балталы батыр бағлан қойған атын.
Олардан басым шыққан сегіз қатын,
Қолына дүние түрлі гүлдерді ұстап,
Түзетіп отырады екен салтанатын.
Бар екен сегізінің сегіз байы,
Төрт текше болады екен оның жайы
Қорқытқан ол сегізі төрт батыры
Олардың батырлықтан жоқты жайы
Бұл сөзім емеурінсіз емес жалған,
Әр жерде болмай ма екен осындайы.
Карта ойыны

Жайлаған бір аралда бір топ киік,
Жүрерге аяғы жоқ жерге тиіп,
Бәрінің қатар жүрсе бойы бірдей,
Біреуінен біреуінің көңілі биік.
Еш адам ол киікті жаратпайды,
Ішінде жалғыз мүйіз еркегі бар,
Бетіне еш біреуді қаратпайды.
Ойын картасы

Бір патша бар екен төрт көзі бар,
Атылас, шайы киген төрт қызы бар,
Қисабы бәрі өзінің отыз алты,
Сегіз ұлы бар жау жарақты.
Ойын картасы

Өз еркі ұшсын-қонсын мекеніне,
Алты ұра үйректерге тұр лайық.
Бүйірден бидайық кеп тиген кезде,
Табуы ұяны үйрек болар ғайып.
Биллиард

Таусыз жерде,
Сусыз шөлде,
Жансыз жаунгерлер,
Қарусыз соғысады.
Шахмат, дойбы

Ғажайып жамбыл көрдім төрт бұрышты,
Жиылып патша, солдат көп ұрысты.
Қолында қару-жарақ сайманы жоқ,
Ары-бері ұрысты да жай болысты.
Дойбы, шахмат

Дария үсті тақтай, асты тақтай,
Ұшады жиырма төрт үйрек қанат қақпай.
Жем сұрайды он екісі бөлініп ап,
Жайылмас өз бетімен адам бақпай.
Дойбы

Бір дөңде жиырма төрт жан төбелескен,
Қызығы төбелессе, қалмайды естен,
Жері бар отыз екі майдан ашқан,
Білмейді басқа кәсіп төбелестен.
Дойбы

Бір шаһар жаратылды бітеу қақпа,
Жүргізіп патша отыр алтын тақта.
Уәзірі он екіден -жиырма төрт,
Әр уәзір алыс жерде әр уақытта.
Дойбы

Жүруші ем жігітімде атты жайлап,
Осы күнде отырмын жұмбақ ойлап.
Қолымда жиырма төрт үйрегім бар,
Отыз екі жүреді көлді жайлап.
Дойбы

Бір топ құс ұшып қонды балағанға,
Үйірі жиырма төрт санағанға.
Ісіне құдіреттің қарап тұрсаң,
Қонады екі бөлініп қарағанға.
Дойбы

Үңгіген ішіне,
Қорғасын құйылған.
Әдемі түсі де,
Әрі тигіш қиырдан.
Сақа

Үрлесең жеп-жеңіл,
Елпілдеп кетеді.
Ұшырсаң,
Көк-теңбіл,
Бұлтқа да жетеді.
Шар

Жіңішке жіп,
Жүрген сүйретіп.
Бір басы — темір ілгек,
Бір басы — құрық имек.
Қармақ

Жердің ирек құртына,
Құмар асау ұртына.
Ілгек іліп шығарды,
Судың жаға сыртына.
Қармақ

Балалар суға салған жіп,
Тереңнен іліп алар жүк.
Қармақ

Табанға қанжар байладым,
Бетінде айна ойнадым.
Коньки

Даңғыл жол етемін,
Тілгілеп ақ қарды.
Шарықтап кетемін.
Қапталды, Шатқалды.
Шаңғы

Қайқы тұмсық қос табан,
Қос таяқпен ұштаған.
Итерсең алға заулайды,
Шойын жолдан аумайды.
Шаңғы

Аяғымда
Басы қайқы қос сырық.
Таяғым да
Қуады оны састырып.
Шаңғы

Тепсең-ақ секіріп,
Ұстатпай қашады.
Бір жерге бекініп,
Тұра алмай сасады.
Доп

Қампитып үрлеп қарынын,
Қуалап басты арынын.
Доп

Бала біткен соғады,
Жеңіл шарды домалақ.
Ұрсаң
Ұшып жоғары,
Жерге түсер домалап.
Доп

Қос әйнектен қарасаң,
Көз алдыңда тұрады,
Алыстағы орасан.
Дүрбі

Таба алмай оң менен солыңды,
Адассаң қапылыста.
Дәл сілтер көрсетіп жолыңды,
Шығысқа,
Батысқа.
Компас

Қыс айында мұз айдында,
Жүгіріп зыр қағады.
Бір адамды екеу ара,
Көтеріп ап барады.
Коньки

Кішкене ғана доп,
Өзінде дамыл жоқ.
Тақтайларға үнемі,
Ұрғылайды маңдайын.
Бар кәсібі бәкене бой,
Торды қарғу әрдайым.
Тордан кетсе ойнақтап,
Ойыншыны ойлантпақ.
Теннис

Өзіне соғылған тор үйді,
Өзінен барша адам қориды.
Осынша тауқымет жүктелсе,
Қайтсін-ау, жағдайы қиын-ды.
Бір саңылау табылып зып берсе,
Дүр сілкіп тастайды жиынды.
Доп

Автор: nurgul95 | 163 |


Комментарии для сайта Cackle

Загрузка...
Рекомендуем:
Өлең: Абдрахман Асылбек (Шана)
Өлеңдер жинағы
Өлең: Абдрахман Асылбек (Шана)
Қазақ тілінен сабақ жоспары: Футбол ойыны (6 сынып, III тоқсан )
Қысқа мерзімді сабақ жоспары [ҚМЖ] жинағы
Қазақ тілінен сабақ жоспары: Футбол ойыны (6 сынып, III тоқсан )
Қазақ тілінен сабақ жоспары: Теледидардан спорт хабарларын тамашалаймын Сөз құрамы (2 сынып, III тоқсан )
Қысқа мерзімді сабақ жоспары [ҚМЖ] жинағы
Қазақ тілінен сабақ жоспары: Теледидардан спорт хабарларын тамашалаймын Сөз құрамы (2 сынып, III тоқсан )
Қазақ тілінен сабақ жоспары: Қысқы демалыс (3 сынып, II тоқсан, 3 бөлім)
Қысқа мерзімді сабақ жоспары [ҚМЖ] жинағы
Қазақ тілінен сабақ жоспары: Қысқы демалыс (3 сынып, II тоқсан, 3 бөлім)
Өлең: Дәуітәлі Стамбекұлы (Астыңда – ат шана...)
Өлеңдер жинағы
Өлең: Дәуітәлі Стамбекұлы (Астыңда – ат шана...)
Мектепалды дайындық сабақ жоспары: Ш дыбысы мен әрпі
Мектепалды дайындық сабақ жоспары жинағы
Мектепалды дайындық сабақ жоспары: Ш дыбысы мен әрпі
Мектепалды дайындық сабақ жоспары: Ш дыбысы мен әрпі
Мектепалды дайындық сабақ жоспары жинағы
Мектепалды дайындық сабақ жоспары: Ш дыбысы мен әрпі
Мектепалды дайындық сабақ жоспары: Шана. Қыс қызығы
Мектепалды дайындық сабақ жоспары жинағы
Мектепалды дайындық сабақ жоспары: Шана. Қыс қызығы
Тақпақ: Мезгілдер
Тақпақтар жинағы
Тақпақ: Мезгілдер
Тақпақ: Қыс
Тақпақтар жинағы
Тақпақ: Қыс
Шығарма: Спорт-денсаулық кепілі
Шығармалар жинағы
Шығарма: Спорт-денсаулық кепілі
Шығарма: Спорт денсаулық кепілі
Шығармалар жинағы
Шығарма: Спорт денсаулық кепілі
Қазақша шығарма: Спорт - денсаулық кепілі
Шығармалар жинағы
Қазақша шығарма: Спорт - денсаулық кепілі
Қазақша өлең: Мағжан Жұмабаев (Немере мен әжесі)
Өлеңдер жинағы
Қазақша өлең: Мағжан Жұмабаев (Немере мен әжесі)
Қазақша шығарма: Спорт - денсаулық кепілі
Шығармалар жинағы
Қазақша шығарма: Спорт - денсаулық кепілі
Қазақша Жұмбақ: Ойын - сауық, Музыкалық аспап
Жұмбақтар жауабымен жинағы
Қазақша Жұмбақ: Ойын - сауық, Музыкалық аспап

KZ / Жұмбақтар жауабымен жинағы, жұмбақ Спорт бұйымдары ойын туралы жұмбақтар жауабымен, жумбактар Спорт буйымдары ойын туралы казакша жумбак жауабымен казакша, жұмбақтар жауаптарымен балаларға арналған, балаларга казакша жумбактар жауаптарымен, Спорт бұйымдары ойын, ойын, доп, футбол, шахмат, велосипед, шаңғы, асық, тоғыз құмалақ, карта, жұмбақ Спорт бұйымдары ойын туралы жұмбақтар жауабымен жумбактар Спорт буйымдары ойын туралы казакша жумбак жауабымен казакша жұмбақтар жауаптарымен балаларға арналған балаларга казакша жумбактар жауаптарымен Спорт бұйымдары ойын ойын доп футб, Жұмбақтар жауабымен: Спорт бұйымдары (ойын, доп, футбол, шахмат, велосипед, шаңғы, асық, тоғыз құмалақ, карта) жұмбақтар жауабымен қазақша балаларға жумбактар киын жауабымен логикалық жұмбақтар жауабымен Қазақша Жұмбақтар жинағы