Қазақша жұмбақ: Күн, ай, жұлдыз, аспан » ZHARAR © 2016 | Загадки на казахском языке небо солнце луна звезды Қазақша Жұмбақ Дін, Күн Ай Жұлдыз Аспан туралы жұмбақтар, Күн Ай Жұлдыз Аспан туралы жұмбақтар, Күн Ай Жұлдыз Аспан туралы жұмбақ, Загадки на казахском языке небо солнце луна звезды, кун жулдыз аспан ай туралы казакша жумбак




  • »

Қазақша жұмбақ: Күн, ай, жұлдыз, аспан

Қазақша жұмбақ: Күн, ай, жұлдыз, аспан казакша Қазақша жұмбақ: Күн, ай, жұлдыз, аспан на казахском языке

Тең,тең тең киіз,
Екі ортасы кең киіз.
Аспан, жер

Бір қоян қайың тауды арқалаған,
Ертерек қоян еді марқалаған.
Жолында алтын гауһар толып жатыр,
Еш адам ала алмайды балталаған.
Күн мен сағым

Бір үйде қос сұлу қыз ағайынды,
Екеуі қызықтырған талайыңды.
Жүдемес төрт маусымда мұңаймаса,
Тұрады нұрға малып маңдайыңды.
Ай, күн

Су ішінде екі жайын,
Бірі кетсе, бірі дайын.
Ай, күн

Төңірегі тең көрініп,
Теген жатыр төңкеріліп,
Жас та сиған, кәрі сиған,
Астына оның бәрі сиған.
Аспан

Дүниеде бір қарбыз бар солмайтұғын ,
Жаз шіріп, қыста үсіп тоңбайтұғын.
Жаһанның жерін,суын, жәндіктерін,
Іші кең бәрін салса толмайтұғын.
Көк, аспан

Бір түкті кілем,
Бірі түксіз кілем.
Аспан,жер

Түбі көк дария,
Іші мұнара,
Отыз шешегі.
Аспан, отыз күн

Екі тері,
Екеуі де кең тері.
Аспан, жер

Айтайын мен жұмбақ сексен сегіз,
Шешуі қиын емес ескерсеңіз.
Болады бірі өткір, бірі өтпес,
Ақылы мұны тапқан ұшан-теңіз.
Ай,күн

Ай далада ақ шатыр,
Ақ шатырдың ішінде
Қызыл көзді шал жатыр.
Аспан, күн

Жалғанда бір нәрсе бар аяқ қапты,
Ұшады кешке дейін дамыл таппай.
Күн

Табан, табан, табан ақ,
Табаны жалпақ қоян ақ.
Күлген көзі күмістен,
Келе жатыр қоян ақ.
Күн

Ар жағында орманның,
Ар жағында таулардың,
Алтын кеспек домалар.
Күн

Етегім толы сөк,
Ерте тұрсам жоқ.
Жұлдыз

Тақиям толған сөк,
Ерте тұрсам дым да жоқ.
Жұлдыз

Шым-шытыр,
Шиедей қотыр.
Жұлдыз

Біз, біз, біз едік,
Отыз арба қыз едік,
Бір тақтайға жиналдық,
Таң атқанда жоқ болдық.
Жұлдыз

Дүниеде бір алыпты көрдім күшті,
Бар салмақ дүниедегі соған түсті,
Құнарлы қуатынан тояттанып,
Әр түрлі жер бетінде жеміс пісті.
Күн

Қызыл күлше тау асады,
Ыстық нұрын шашады.
Күн

Аспанда бір айна бар,
Әлемді көріп айналар.
Күн

Ұзын-ұзын сырғанақ ,
Ұшығына кім жетер?
Асыл бесік күйкентай,
Жұмыртқасын кім табар?
Күннің батуы, шығуы

Ақ сандығым ашылды,
Ішінен дүрлер шашылды.
Күннің көзі

Ақ сандығым ашылды,
Қызарып жалын шашылды.
Күн

Жабық астында жарты күлше.
Ай


Назад Вперед
Санат: KZ портал » Қазақша Жұмбақтар жинағы | | 44 712
Рейтинг:
(голосов: 94)

.

MixAdvert

MarketGid

Соңғы пікірлер:
. .