Қорқыт Ата

 Қорқыт Ата

Қара есек жүгендеумен тұлпар болмас.

Инабатты болса – әйел көрікті,
Ақ сақал жарасса – шал көрікті,
Сүйікті болса – ағайын көрікті.

Ажал жетпей - өлмек жоқ.

Бос ыдыстың түбі мықты болмас.

Қызы анадан үйренбей өнеге алмас,
Ұл атадан үйренбей сапар шекпес.

Ұл ақылды хош көрмес – ата үлгісін көрмесе,
Қыз жарытып ас бермес – ана үлгісін көрмесе.

Сауыттың қасиеті – қылышпен ұрғанда,
Аттың қасиеті – жаудан алып шыққанда көрінер.

Ат жемейтін ащы шөптің шыққанынан шықпағаны игі,
Адам ішпес ащы судың аққанынан ақпағаны игі,
Атасының атын шығармаған жігерсіз ұлдың – туғанынан тумағаны игі.

Тебегеннің таңын сүзеген айырады.

Ұлдың күні күн емес – атадан мал қалмаса,
Ата малы пұл емес – баста ақыл болмаса.

Құстың қонар жерін су білер, Малдың барар жерін ну білер.

Дәулетті ұл – ошақтың қоры,
Дәулетсіз ұл – атаның соры.

Саз орайын бөкен білер.

Көк шүйгінін киік білер.

Іннің аузын түлкі білер.

Керуеннің түнгі жүрісін торғай білер.

Ананың хақы – Құдайдың хақы.

Қолыңа күміс қонса - алтын өзі келер.

Бар - бақыр, жоқ - алтын.

Қанша тасып-тулағанмен, су теңізді толтыра алмайды.

Дүние-мал шашылмай, «мырза» деген атақ жоқ.

Пасыққа дәулет бітпес.

Қара есектің басына жүген таққанмен-тұлпар болмас.
Күңге сары пәй шапан жапқанмен-бәйбіше болмас.

Қанша қалың жауғанмен,
Қар көктемде қалмайды.
Гүл жайнаған қалың да,
Қара күзге қалмайды.

Қанша байлық жисаң да – бұйырғаннан артық жей алмайсың.

Өлгендер қайтып келмейді,
Шыққан жан қайтып енбейді.

Ата даңқын шығарып, өзінің тегін қуған балаға ешкім жетпейді.

Өтірік сөз - өрге баспайды

Өнегелі болса — бала көрікті.

Қыз ақылды ескермес - ана үлгісін көрмесе,
Ұл жарлықап ас бермес - әке үлгісін көрмесе

Адам өмірі - қамшының сабындай ғана қысқа екен, досы көп, ұрпақ тәрбилеген ұтады екен.

Түбі жат бала туғандай болмас: ішер, жер, киер де кетер, бірақ «көрдім» демес.

Адам баласы керуен сияқты: тоқтады, көшті де кетті.

Топырақ тау болмайды.

Ескі киімнің биті ащы,
Жетім баланың тілі ащы.

Бас аман болса бөрік табылады.

Анадан өнеге көрмеген қыз жаман.
Атадан өнеге алмаған ұл жаман.

0 + 0 -

Іздеп көріңіз:

Қарап көріңіз:

Пікір жазу

Келесі мақала ашылудa...