Астана – отанымыздың жүрегі. Қазақ тілі, 6 сынып, сабақ жоспары. 10 сабақ.

Пән: қазақ тілі

Ұзақ мерзімді жоспар бөлімі: Астана – мәдениет пен өнер ордасы

Мектеп:

Күні:

Мұғалімнің аты-жөні:

Сынып: 6 Т1

Қатысқан оқушылар

саны:

 Қатыспағандар:

Сабақтың тақырыбы

Астана – отанымыздың жүрегі

(1-нұсқа)

Осы сабақта қол жеткізілетін оқу мақсаттары (оқу бағдарламасына сілтеме)

6.3.6.1 - мәтіндегі орфографиялық және пунктуациялық қателерді сөздіктерге, емле ережелеріне сүйеніп, түзету, редакциялау;

6.4.3.1 - неологизм, термин, диалект сөз, кәсіби сөздердің қолданыс аясын түсіну және ажырата білу;

 Сабақтың мақсаттары

Мәтіндегі орфографиялық және пунктуациялық қателерді сөздіктерге, емле ережелеріне сүйеніп, түзетеді, редакциялайды;

Неологизм, термин, диалект сөз, кәсіби сөздердің қолданыс аясын түсінеді және ажырата біледі.

 Бағалау критерийі

• емле ережелеріне сүйеніп мәтіндегі орфографиялық қателерді түзете алады, редакциялайды;
• сөздіктерге, емле ережелеріне сүйеніп мәтіндегі пунктуациялық қателерді түзете алады, редакциялайды;

Тілдік мақсаттар

Пәнге тән лексика мен терминология:

мұнара, кешен, жеделсаты, жылжымалы шатыр, толеранттылық

Диалог пен жазу үшін пайдалы сөздер мен тіркестер:

Менің ойымша/пікірімше…, Менің көзқарасым тұрғысынан…., Менің көзқарасым бойымша…, Мен сенімдімін…, Мені таңқалдыратыны...

Құндылықтарды игерту

Ел астанасы туралы мәтіндер арқылы туған елге сүйіспеншілігін ояту

Пәнаралық байланыс

Тарих пәні

Бастапқы білім

Астана – әсем қала

Жоспар

Жоспар бойынша орындалуы тиіс іс-әрекеттер

Қызығушылығын ояту

Елорда

Киелі менің Елордам,

Арудай сұлу таранған.

Береке-бірлік, достықтың

Тұнығынан нәр алған.

Жайнай бер, жаңа Астанам,

Ертегідей ғажап бас қалам.

Ынтымақтың тербеп бесігін,

Тәуелсіз ел көшін бастаған.

Сәулеңді шаш еліңе,

Нұрыңды төк жеріңе.

Киелі менің Елордам,

Бақ болып қонған төріме.

Азамат ОРЫНБАСАРОВ

Тапсырма сыныппен орындалады. Мұғалім оқушыларға:

- Біз сабағымызды өлең жолдарымен бекер бастаған жоқпыз, өйткені бұл өлең жолдарында қазақстандықтардың туған Отанына деген сүйіспеншілігі бейнеленген. Әр адам өз отанын құрметтеуі керек. Ал қазір бәріміз бірігіп отан, ел, туған жер туралы мақал-мәтелдерді еске түсірейік. Кім қандай мақал-мәтел біледі?

 Мұғалім оқушыларды тыңдап болған соң жауаптарды қорытындылап, сабақтың тақырыбын хабарлайды. Сабақ мақсатымен таныстырады. Оқушылар мен мұғалім бірлесе отырып, сабақтың бағалау критерийлерін әзірлейді.

Жазылым алды тапсырма

«Кластер» әдісі бойынша келесі түсініктерді анықтау қажет:

«Отансүйгіш», «Отансүйгіштік», «Отан».

Топтағы жұмыс. Әр топ кластер жасайды. Тұжырымды ойларын қарталарға түсіріп, топтық жұмыс қорғалады.

1 топ – «Отансүйгіш» қандай қасиеттерге ие болуы тиіс?

2 топ –  «Отан» сөзі қандай ұғымдарға ие?

3 топ – «Отансүйгіштік»  сөзі қандай ұғымдарға ие?

Жазылым тапсырмасы

 Мұғалім оқушыларға тапсырма шартын түсіндіреді:

Оқушылар жұпта отырып, берілген мәтінді оқиды. Мәтінде берілген орфографиялық және пунктуациялық қателерді табады, түзетеді. Оқушылар сөздіктерге, емле ережелеріне сүйеніп, дәлелдейді.

  Тапсырманың шарты:

 Бағанда берілген сөйлемдері оқып, қателерін анықта. Егер сөйлемде қате болмаса «дұрыс(+)» бағанға, қате болса, «бұрыс(-)» бағынына тиісті белгіні қой. Неге ондай белгіні қойғаныңды ережеге сүйеніп дәлелдеп айт.

Оқушылар мәтіндегі жіберілген қателерді түзетіп, талдап болған соң, мұғалім тұпнұсқаны береді, оқушылар салыстырады. Ережені оқушылармен бірлесіп талдайды.

 Жазылымнан кейінгі тапсырма

 Мәтіннің ішінен неологизм, термин, диалект сөз, кәсіби сөздерді бар/жоқ деп анықтайды және сөздердің қолданыс аясын түсіндіреді, бір-бірінен ажыратады. Өз мысалдарын келтіреді.

Дескриптор:

• Мәтіндегі орфографиялық қателерді емле ережелеріне сүйеніп түзетеді, редакциялайды;
• Мәтіндегі пунктуациялық қателерді сөздіктерге, емле ережелеріне сүйеніп түзетеді, редакциялайды;
• Емле ережелеріне сүйеніп, жауаптарын дәлелдейді.

Бағалау

Мұғалім бағалау критерийлері бойынша не сәтті, не сәтсіз болғанына тоқталып, сындарлы кері байланыс береді.

Рефлексия

«Бағдаршам»

Әр оқушыға бағдаршам түстеріне сәйкес карточкалар таратылады. Мұғалім олардың сабақты меңгергендеріне байланысты карточкаларды көтеруін сұрайды.

Жасыл карточка көтерген оқушылар барлығын түсінді.

- Не түсіндің?

Сары және қызыл карточка көтергендер:

- Сендерге не түсініксіз?

Сабақты қорытындылау

 Мұғалім «Астана – отанымыздың жүрегі» тақырыбы бойынша сабақты қорытындылайды. Астананың ел астанасы болуы үшін жасаған Елбасы ұсынысы, ол идеяның шығу тарихы туралы айтып, сабақты қорытындылайды.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Денсаулық және қауіпсіздік ережелерін сақтау

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланған уақытымды ұстандым ба? Мен жоспарыма қандай өзгерістер енгіздім және неліктен?

Төменде берілген бөлімді осы сабақ туралы ойларыңызды жазу үшін пайдаланыңыз. Сол жақ бағанда берілген сабағыңызға қатысты ең маңызды сұрақтарға жауап беріңіз.