Киіну. Сән. Талғам. Оқшау сөздер. Қазақ тілі, 5 сынып, сабақ жоспары. 1 сабақ

Пәні: Қазақ тілі Т1

Мектеп атауы: Қызылорда қаласы химия-биологиялық бағыттағы Назарбаев Зияткерлік мектебі

Бөлім атауы

2-бөлім: Киіну. Сән. Талғам.

Сабақ тақырыбы

Киіну. Сән. Талғам. Оқшау сөздер. 1-сабақ

Уақыты:

Мұғалімнің аты – жөні: Өксікбаева Күлжақан Жолдасқызы

Сынып: 5

Қатыспағандар:

Сабақтың оқу мақсаттары

Т/А6 Сөйлеу мәдениетін дамыту. Коммуникативтік жағдаятқа сай эмоционалды сөздерді, дауыс ырғақтары арқылы қыстырма, қаратпа, одағай сөздерді еркін қолданып, диалогке даярлықсыз қатысу, өз пікірін білдіру

 Сабақтың мақсаттары

Оқушылардың барлығы:

Эмоционалды сөздерді қосып, диалогке қатыса алады;

Оқушылардың көпшілігі:

Оқшау сөздерді еркін қолданып, диалогке дайындықсыз қатысады;

Оқушылардың кейбірі:

Эмоционалды-экспрессивті сөздерді еркін қолданып, диалогке дайындықсыз қатысады;

Оқшау сөздерді орынды қолданып, дербес ой білдіреді.

 Тілдік мақсаттар

Пәндік лексика мен терминология: Қыстырма сөздер, қарапта сөздер, одағай сөздер, орфоэпиялық норма, сингармонизм, ықпал

Диалог және жазылымға пайдалы тіркестер:

Менің байқағаным,... Менің ойымша,... Мен... ойлаймын, себебі... Қорытындылай келе,...

Бағалау критерийлері

• Таңдауы, талғамы көрінеді;
• Сән үлгілері туралы баяндайды;
• Оқшау сөздерді қолданады;
• Айтылымға қатысады, құрылымдалған мәтін жазады.

 Пәнаралық байланыс

АКТ, өзін-өзі тану, өнер, әдебиет, тіл

АКТ-ны қолдану дағдылары

Таныстырылым, бейнефильм

 Құндылықтарды игерту

 Сабақтың түрі

Жаңа білімді меңгерту сабағы

 Алдыңғы білім

Мәдениет: тіл және қарым-қатынас

Жоспар

Жоспарланған жаттығулар

Оқушылармен амандасу.

«Атомдар мен молекулалар» әдісімен 4 топқа бөлінеді. Шарты: әуен қойылып, оқушылар оған билейді, әр тоқтатқан сайын «Атомдар мен молекулалар1» деп әр түрлі сан айтылып, топтасады, қайта жалғасады. Мұғалім «4» деген санды айтқан кезде, бөлінген құрамы ұнаса, солай бөлуді ұсынады болмаса қалауынша жалғастырып барып, топқа бөледі.

«Бес қадам» ойынының шарты:

Ортаға табан іздері тасталады.Сыныптан 5 оқушы ойынға шығады. Әр оқушыға лексикалық тақырып бойынша бір сұрақ қойылады. Оқушы берілген табан іздерін баса отырып, жылдам жауап береді.

Сұрақ үлгілері:

– Ұлттық киімнің 1 түрін ата.

– Қысқы киімдердің 1 атауын айт

– Киім түрлеріне қатысты 1 мақал айт.

– Киімге қатысты 2 сын есім айт.

– Қыздардың 2 киімінің атауын ата.

Ал енді мына суреттерге қарап, бүгінгі сабақ тақырыбын болжап көріңіздер.

Сабақтың тақырыбы мен оқу мақсаты таныстырылады.

Киіну. Сән. Талғам. Оқшау сөздер

Тыңдалым алды тапсырма

– Қалай киіну керек? Қалай ойлайсыздар?

– Кейбір адамдардың «Сәннен қалу – қатарыңнан қалу» деген сөзіне қалай қарайсыздар? Пікірлері тыңдалады.

– Бүгінде кішкентай балалардың киім үлгісі үлкендердің  сән үлгісінен кем түспейді. Балақай, егер сен ең сәнді болғың келсе, «Таңшолпанның»  кішкентай көрермендеріне арналған кеңесін ескер.

http://kaztrk.kz:8888/ru/node/4241 тыңдалымы тыңдалынады.

Ж/Ж. Тапсырма

– Қыздарға арналған қандай киім түрлерін кездестірдіңіздер?

– Қандай ер балаларға арналған киім үлгілерін байқадыңыздар?

– Қандай әшекей түрлері сөз болады?

Төмендегі кестені толтыру тапсырылады.

Бағалау критерийі:

Әр түрінен кемінде 3 киім атауын жаза алады.

Топтық жұмыс. «Сәнбике немесе сәнгер болғың келе ме?» тақырыбында пікірталас ұйымдастыру. Әр топтан 1 сарапшы тағайындалады.

Сарапшылық бағалау.

Бағалау критерийі:

Дайындықсыз диалогке түсу;

Ойын дәлелді көркем (2 теңеу, 2 эпитет қолдану) жеткізу

С. Грамматикалық тақырып түсіндіріледі.

Оқшау сөздер

Тапсырма. Оқшау сөздерді пайдалана отырып, 3 сөйлемді ауызша құрастыру тапсырылады.

Бағалау критерийі:

• 3 ықпал түрін, 3 оқшау сөзді қолданып, 3 сөйлемді дұрыс құрастыра алады.

Бағалау «Екі жұлдыз, 1 тілек» түрінде ұйымдастырылады.

Тыңдалымнан кейінгі тапсырма

Жұпқа бөлінеді.

Жұптық жұмыс. Бейнефильм материалын пайдалана отырып, сөйлемдегі көп нүктенің орнына тиісті сөздерді қойып шығады.

Мәтін

... бай Алдардың тоңудың орнына өлең айтып келе жатқанына таң қалып, сөзге тартты. Сондықтан да Алдар көсе байға ... солай жауап берген шығар. ... бай мақтанқұмарлығының себебінен аты мен тонынан айрылды. ... Алдар өлең айтып, байдың назарын өзіне аударды. ... тоңбау себебін қызықтыра түсіндірді. ... байдың шешінуіне себепкер болды. ... байдың бәйбішесі оны «тоналған» деп шошып кетті. Бай болса – өміріне риза.

Тапсырма. Мәтінді оқып, көп нүктенің орнына қажетті сөздерді қою.

Керекті сөздер: Алдымен, біріншіден, ал, меніңше, ақырында, мүмкін, екіншіден.

Оқушылар жаттығуды орындап болған соң, топпен бірге талдайды. Керекті сөздердің қыстырма сөздер екендігіне назар аударып, тыныс белгісін еске түсіреді.

Бағалау критерийлері:

Қыстырма сөздерді орнымен қолданады;

Екі сөзден қателесуі мүмкін.

С. Оқушыларға қыстырма сөздерге байланысты ереже түсіндіріледі.

Қыстырма сөз – сөйлемдегі ойға айтушының көзқарасын білдіретін оқшау сөздің бір түрі.

Сынып оқушылары қыстырма сөздерді қатыстырып, дайындықсыз ауызша диалог құрастырады.

С. «Қазіргі жастардың сән киімі қандай?» деген тақырыпта дөңгелек үстелде пікір алмасады. Олардың қыстырма сөздерді қолданып сөйлеуіне басты назар аударылады.

Рефлексия

Мен сабақтан қандай әсер алдым?

Маған не қиын болды, не оңай болды?

Маған қандай ақпарат жаңалық болды?

Маған әлі де нені жетілдіру керек?

«Сән әлемі» туралы ақпарат жинап келу (кемінде 2 ақпарат)

Оқшау сөздерді қайталау

Қосымша мәлімет

Рефлексия

Сабақ / оқыту мақсаты қолжетімді болды ма? Оқушылар нені білді? Сыныпта қандай ахуал қалыптасты? Уақыт бойынша үлгердім бе? Сабақ жоспарынан ауытқушылық болды ма? Болса неге?

Қорытынды бағалау.

Сабақтың қандай екі аспектісі жақсы өтті (сабақ беру және оқыту жайлы ойланыңыз)?

Қандай екі жағдай сабақты жақсырақ өткізуге мүмкіндік берер еді (сабақ беру және оқыту жайлы ойланыңыз)?

Жалпы сынып немесе жеке оқушылар жайлы мен не білдім? Келесі сабақтарға дайындалу барысында бұл мәлімет қандай көмегін бере алады?