Модельдің жеке бөлшектерін дайындау. Көркем еңбек (ұлдар), 6 сынып, қосымша материал.

Әдістемелік нұсқаулық

3 бөлім: Дизайн және технология

Сабақ тақырыбы: Модельдің жеке бөлшектерін дайындау

Сабақ мақсаты:

6.2.3.1

орындалған өлшем мен белгілеу негізінде бұйым дайындау үшін материалдарды электрлік қол құралдарымен өңдеу

6.2.3.2

ажырайтын және ажырамайтын біріктіру әдістерін қолданып, бірнеше бөлшектерден тұратын бұйым жасау

Сабақ барысы

Ұйымдастыру кезеңі:

• Өткен сабақты қайталау.

Сабақтың тақырыбы, сабақ мақсаты мен бағалау керитерийлерін анықтау.

Сабақ мақсаты мен бағалау критерийлерін оқушылармен бірге анықтаңыз.

Сыныппен талқылау.

Сұрақтарға жауап бер:

• Қауіпсіздің техникасының ережелері не үшін қажет?
• Егер де қауіпсіздік техникасын сақтамаса, қол электрлік құралдармен жұмыс істеу барысында қандай қауіпті жағдайлар туындауы мүмкін?
• Қол аспаптарымен жұмыс істеудегі электроқауіпсіздік шаралары жайында айтып өтіңізші.

Практикалық жұмыс.

1 кезең. Жұқа арамен аралау үшін дайындаманы дайындау.

Дайындамаға суретті көшіргіш сурет арқылы салып көріңіз. Қарындаш арқылы белгілеуге болады. Содан кейін бұйым бөлшектерін аралауға кіріседі.

2 кезең. Жұқа араны жұмыс істеуге дайындау.

Алдымен егеуді араға орналастыру қажет. Ол үшін астыңғы қысқышты винтті шешу қажет. Егеудің тістері араның тұтқасына қарай тұрған күйі бекіту қажет.

Мақсат: фанерден қол/электрлік арамен контур бойынша бұйымды аралау.

Жұмысты орындау кезеңі.

• Қажетті өлшемдегі дайындаманы дайындаңыз.
• Суретті дайындамаға желімнің көмегімен түсіреміз.
• Таңдалған құралдың көмегімен көлік құралы моделінің бөлшегін кесіп алыңыз.

Аралап болған соң, қағаз суретті алады, желімді губка немесе ветоштың көмегімен алып тастайды.

Суретті сондай-ақ, желім қарындаштың көмегімен де желімдеуге болады.

• Сыртқы және ішкі контурларды белгілеп, біз арқылы тесік жасаңыз.
• Араны жұмысқа дайындаңыз.
• Контурдан 1 мм арақашықта арамен бұйымды аралауды бастаңыз.
• Бұйымның контурын тазалаңыз.
• Жұмыстың сапасын бақылаудан өткізіңіз.

Қауіпсіздік техникасын сақтау жөніндегі инструктаж.

• Аралауға арналған үстел верстакта немесе үстелде мықты бекітілуі қажет.
• Аралауды отырып жасайды. Түзу отырыңыз, аралау орнына жақын отырмаңыз.
• Саусақтарды егеуге жақын орнатпаңыз.
• Жұмыс уақытында алаңдамыз, өзге сыныптастарыңызға кедергі жасамаңыз.
• Дайындамадан жоңқаны қолмен емес, арнайы щеткамен сыпырыңыз. Үрлемеңіз, қолмен сыпырмаңыз.

Сабақ соңында оқушылар сұрақтарға жауап беріп, рефлексия өткізеді.

Кері байланысқа қажетті сөйлемдер тақтаға жазылады.

• Мен бүгін білдім...
• Қиын болды....
• Қызықты болды....
• Менің түсінгенім...
• Мен енді жасай аламын....
• Мен үйрендім...
• Мен жасай алдым..

Мені таңқалдырғаны....