👈 қаріп өлшемі 👉

Салт-дәстүр және фольклор. Көркем еңбек, 1 сынып, сабақ жоспары.

15.05.2023

Ұзақ мерзімді жоспар бөлімі:

5С-бөлім:Саяхат

Мектеп: Көкшетау қаласындағы физика-математикалық бағытындағы Назарбаев Зияткерлік мектебі

Сынып: 1 «А», «В»

Мұғалімнің аты-жөні: Шойынбекова Л.Н.

Күні: 23.02.2017

Қатысқан оқушылар саны:

Қатыспаған оқушылар саны саны:

Сабақ тақырыбы

Салт-дәстүр және фольклор

Осы сабақта қол жеткізілетін оқу мақсаттары (оқу бағдарламасына сілтеме)

1.1.5.1

формалар мен бұйымдардың жасалу жолын және олардың қалай жұмыс істейтінін түсіне бастау

Сабақ мақсаттары

қазақтың ұлттық музыкалық аспаптарын зерттеуді үйрету;
музыкалық аспаптардың түрлерін ажырата білуді үйрету;
өздерінің музыкалық аспабын жоспарлауды және оның нобайын салуды үйрету.

Бағалау критерийлері

оқушылар қазақтың ұлттық музыкалық аспаптарымен танысады;
музыкалық аспаптарды зерттеп және үйрену арқылы өз ойын шығармашылық түрде жетізе білу шеберлігін қалыптастырады;
музыкалық аспаптардың түрлерін ажырата білуді үйренеді;
өз ойларын бейнелей білу және сипаттай білу дағдыларын дамытады.

Тілдік мақсаттар

Түйін сөздер:

ішекті – струнные – rchis;

шулы – шумовые – noise;

ұрмалы – ударные – shok.

Құндылықтарды дарыту

Құрмет көрсету-жұмыс барысында бір-бірлеріне құрмет көрсетеді;

Еңбек және шығармашылық-шығармашылық жұмыс барысында еңбектенуге дағдыланады.

Пәнаралық байланыстар

Музыка. Халықтық музыканы тыңдау, музыкалық аспаптар мен олардың түрлері туралы мәлімет алу.

Дүниетану. Қайталама материалдарды қарастыру

АКТ қолдану дағдылары

–

Бастапқы білім

Аппликация техникасында жұмыс жасап, бояуды шашырату техникасымен танысты

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

2 минут

Сабақтың ортасы

33 минут

Оқушылармен амандасу, қалдары мен көңіл-күйлерін сұрау.

Оқушылардың назарын сабаққа аудару.

Сабаққа қатысты деректі материлдар (3 минут):

Дәстүр – бұл халықтың мәдени және әлеуметтік тұрмыс саласында қалыптасқан және ұрпақтан ұрпаққа жалғасып келе жатқан әдет-ғұрыптары мен салттары.

Қазақтың музыкалық аспаптары

Асатаяқ − шулы саз аспабы. Бас жағына түрлі темір сақиналардан сылдырмақтар тағылып, өрнектермен әшекейленеді. Асатаяқты ырғап, шайқап ойнағанда шулы дыбыс шығады.

Дауылпаз − жаугершілікте, аңға шыққан кезде дабыл қағып, белгі беру үшін пайдаланған аспап.

1934 жылы дауылпаз жаңартылып, қазақтың халық аспаптар оркестріне енгізілді.

Қобыз − екі ішекті ысқышпен ойналатын саз аспабы.

Домбыра − қос ішекті шертіп ойнайтын музыкалық аспап. Домбыра қазақтың ұлттық саз аспабы болып саналады. Ішекті саз аспаптарының ішектерін шерткенде дыбыстары шығады.

Маракас − ежелгі латынамерикандық шулы саз аспабы.

Сабақ бойынша ескертпелер

Оқушыларды сыныпқа халықтық музыка әуенімен кіргізіп, отырғызуға болады. Әуенді өшірген соң, оларға бүгінгі сабақта қазақ халқының ұлттық аспаптарымен танысатындарын айту қажет.

Оқушыларды топқа бөліп, музыкалық аспаптар таратып беріңіз.

Зерттеу жұмысы(2 минут):

Оқушыларға аспаптарды қарап шығуды ұсыныңыз. Олардан қазақ халқының қандай музыкалық аспаптарын білетінін, аспаптардың қандай материалдан жасалғанын сұраңыз.

Мүмкін жауаптары: Бұл аспаптар ағаштан жасалған. Бұл жерде теріні пайдаланған.

Қазақ халқының ұлттық музыкалық аспаптарына: дауылпаз, асатаяқ, қобыз жататынын айтып, баса назар аудартыңыз.

Жаңа материалмен таныстыру (2 минут):

(музыкалық аспаптардың шығу тарихы туралы білімдерін кеңейтеді) Дауылпаз туралы әңгімелеп беру.

Ізденіс жұмысы (3 минут): Дауылпаз, асатаяқ, қобыздың үні шығу үшін не істеу керек екенін сұраңыз. Оқушылар аспаптардың дыбысы қалай шығатынын анықтау үшін оларды зерттеп көрсін. Содан кейін осы аспаптардың дыбысы жазылған бейнематериал көрсетіңіз. Музыкалық аспаптар туралы қызықты ақпараттар беріңіз. (Қажетті ақпарат сабаққа қатысты деректі материал айдарында берілген)

Қауіпсіздік шаралары: аспаптарды қалай пайдалануға болатынын көрсетіңіз. Аспаптарды күтіп ұстауды және мұқият болуды ескертіңіз.

Сергіту сәті (1 минут):

Оқушылардың білімін бекіту үшін сергіту сәтін өткізіңіз. Сабақта айтылған аспаптардың суреттерін таратып беріңіз. Ойын ережесі бойынша, сіз аспаптардың түрін айтасыз (ішекті, ұрмалы, шулы), оқушылар аспаптардың аталған түріне сай орындарынан тұру керек.

Оқушылар өздеріне ұнаған аспаптарды қолдан жасай алатынын ескертіңіз. Ол үшін оқушыларға сол аспаптың неден жасалғанын, дыбысы қалай шығатынын зерттеп білу керек.

Практикалық жұмыс (2 минут):

Оқушылардың алдына қайталама материалдарды қойыңыз. Бұл заттардың не үшін берілгені туралы сұрап, оқушылардың қызығушылығын арттырыңыз. Осы материалдардан музыкалық аспап жасауға бола ма? Оқушыларға берілген материалдарды анықтап қарап шығуды тапсырыңыз.

Мүмкін жауаптары: Үрмебұршақты бөтелкеге салуға болады. Тақтайға жіпті бекітсе домбыра шығады. Қораптан дауылпаз жасауға болады.

Оқушыларға қайталама материалдардан жасалған музыкалық аспаптарды және олардың қалай дыбысталатынын көрсетіңіз.

Шығармашылық жұмыс (20 минут):

Музыкалық аспаптарды жасамас бұрын, оқушыларға нақты қандай аспапты қалай жасау керектігін ойлануды, сосын шешім қабылдау керек екенін түсіндіріңіз. Содан кейін өздері жасайтын аспаптың нобайын альбомға салғызыңыз. Өзіңіздің нобайлар салынған альбомыңызды көрсетіңіз. Суреттің бірден салына қоймайтынын ескертіңіз. Кейде сурет дұрыс шығу үшін бір затты бірнеше қырынан салуға тура келетінін айтыңыз. Өздерінің болашақ аспабын сипаттап беруді сұраңыз.

Сабақта берілген тапсырмаларды бекіту үшін оқушылардан қандай аспапты таңдағандарын, оның қай аспап түріне жататынын сұраңыз. Мысалы: «Кім ішекті аспап жасайды? (шулы, ұрмалы)

Тілдік құзыреттілікті қалыптастыру.

Сабақ барысында аспаптардың түрлерін үш тілде айтады. Сергіту сәтін өткізгенде өзіңіз аспаптарды үш тілде айтыңыз.

Ресурстар

Қазақтың музыкалық аспаптары немесе музыкалық аспаптардың фотосуреттері. Халық әнінің аудиожазбасы. Қайталама материалдар: пластикалық бөтелкелер, жарма түрлері, картон қораптар, таяқша, тақта, жібек жіп, скотч. Қайталама материалдармен жасалған музыкалық аспаптардың суреттері салынған мұғалім альбомы. Оқушылардың нобайлар салуға арналған альбомдары мен қарындаштары.

Сабақтың соңы

5 минут

Бағалау

Бұл сабақта оқушылардың нақты атқарған жұмыстарын, яғни салған нобайлары мен құрған жоспарларын бағалау керек. Оқушылармен бірге нобайларын қарап шығып, оның қандай аспапқа ұқсайтынын анықтауға болады. Қажет болған жағдайда оқушыларға болашақ аспаптарын салу туралы бағыт беруге болады.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

қабілеті төмендеу оқушыларға жұппен беруге болады.

Өзара бағалау.

Шығармашылық жұмыс барысында оқушылар қауіпсіздік ережелерін сақтайды. Яғни бір-бірлерінің және өздерінің киімдерін бояу жағып алмауы үшін өте ұқыпты жұмыс істеу керек кендіктерін ескеру.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Бұл бөлімді сабақ туралы өз пікіріңізді білдіру үшін пайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

Сабақты жақсартуға не ықпал ете алады (оқыту туралы да, оқу туралы да ойланыңыз)?

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?

Эстетикалық бағытындағы әдістемелік бірлесігінің жетекшісі:__________________Дюсенова Г.Г.

Құрметті оқырман! Файлдарды күтпестен жүктеу үшін біздің сайтта тіркелуге кеңес береміз! Тіркелгеннен кейін сіз біздің сайттан файлдарды жүктеп қана қоймай, сайтқа ақпарат қоса аласыз! Сайтқа қосылыңыз, өкінбейсіз! Тіркелу

Толық нұсқасын 30 секундтан кейін жүктей аласыз!!!

Кейінірек оқу үшін сақтап қойыңыз: