Снарядтағы жаттығулар кезіндегі өзін-өзі реттеу. Дене шынықтыру, 6 сынып, сабақ жоспары. 31 сабақ.

Ұзақ мерзімді жоспар бөлімі:

3 бөлім: Құрал жабдықтар арқылы гимнастика дағдыларын арттыру

Күні:

Сынып: 6

Снарядтағы жаттығулар кезіндегі өзін-өзі реттеу

6.1.5.1. Бірқатар дене жаттығуларының тактикаларын, стратегияларын және композициялық идеяларын түсіну және қолдана білу

Бірқатар дене жаттығуларының тактикаларын, стратегияларын және композициялық идеяларын қолдануға үйрету

Бірқатар дене жаттығуларының тактикаларын, стратегияларын және композициялық идеяларын түсінеді және қолдана біледі.

Композициялық дайындық кезінде жеке, жұптық және топтық гимнастикалық тапсырмаларын көрсете және сипаттай алады.

Мыналарды қамтиды:

• гимнастикалық снаряд, көтеру орнына қою;
• мақсат, тәуекел, қауіпсіздік.

Талқылауға арналған сұрақтар:

• Снарядтарда жаттығулар орындау кезінде қауіпсіздік ережелерін бұзушылықты болдырмау үшін не істеу керек?
• Егер сіз сабақ кезінде өзіңізді нашар сезінсеңіз, қолыңыздың терісі немесе жаралардың қызаруы, пайда болса қандай әрекет жасайсыз?

Жеке жауапкершілік, көшбасшылық қасиеттері, өмір бойы оқу, бір-біріне көмектесу.

Ғылыммен байланыс – денсаулық және тән, қауіпсіздік, салмақ динамикасы. Информатикамен (ғаламтордан ақпарат іздеу және өңдеу), математикамен (айналу осі, кеңістік, бағыт пен бұрыштар), психологиямен (кіші топта жұмыс жасау дағдылары), биологиямен (ағзадағы биохимиялық өзгерістер), физикамен ( жылдамдық, салмақ, энергия) байланысы.

Шағын құрылғылармен сабақты түсіру, ғаламтордан қажетті ақпаратты іздеу үшін ноутбукты қолдану.

Білім алушылар алдыңғы сабақтардан және сабақтан тыс уақыттан алған гимнастика бойныша білімдері мен дағдылары бар.

 Сабақтағы жоспарланған іс-әрекет

Сабақтың басында өтетін тақырыппен таныстырып, білім алушылармен бірге оқу мақсаты және сабақтың соңында күтілетін нәтиже анықталады. Осыдан кейін білім алушылар сабақтағы бағалау критерийлері және дескрипторлармен танысады.

Білім алушылар гимнастикалық қондырғыларда жаттығу жасау кезіндегі қауіпсіздік ережелері бойынша жалпы талаптармен таныстырылады. Білім алушылар жүру, жүгіру кезіндегі жаттығуларын орындағаннан кейін, демдерін қалпына келтіріп, дененің барлық бұлшық еттеріне дене қыздыру жаттығуларын орындайды.

(Т, Ж, ҚБ) Сынып екі командаға бөлінеді, бір-бірінен 4-5 м. арақашықтықта командалар екі тізбекке сөре сызығына келіп орналасады. Мұғалімнің белгісі бойынша тізбекте бірінші тұрған оқушы қолына секіртпені алып, алдын-ала белгіленген жерге дейін жүгіріп барып, оны айналып кері сөре сызығына оралады. Тізбектегі екінші ойыншы секірпені екінші жағынан ұсатайды да өздерінің тізбегін бойлай, секіртпе жіппен тізбекте секіріп тұрған ойыншылардың аяғының астынан сүйретіп шығады. Тізбектің соңына жеткен соң бірінші ойыншы соңғы тұрған ойыншыдан кейін орналасады, ал екінші ойыншы секіртпе жіпті ұстап белгіленген жерді жүгіріп айналып келіп осы әрекетті келесі ойыншымен бірге қайталайды.

Эстафетаны бірінші болып аяқтаған және азырақ қателіктер жіберген команда жеңіске жетеді.

Осы тапсырманың дескрипторлары:

• Жаттығуларды орындау кезіндегі қауіпсіздік ережелерін біледі және сақтайды;
• бірқатар дене жаттығуларының тактикалары мен стратегияларын қолданады.

Сұраңыз: Жаттығуларды орындау кезінде қандай қауіпсіздік ережелерін сақтауымыз қажет? Тапсырманы орындау кезінде қандай тактика, стратегияларды қолдандыңыздар?

(С, Ж, ҚБ) Гимнастикалық   қабырғада орындалатын жаттығулар:

Білім алушыларды гимнастикалық қабырғаның алдына бір қатарға сапқа тұрғызу. Белгі бойынша келесі жаттығуларды орындайды:

- гимнастикалық қабырғаның баспалдақтарымен жоғарыға шығып, қолды ең жоғарғы таяқшасына тигізіп төмен қарай түсу;

-    гимнастикалық қабырғада қолмен асылып тұрып, аяқты тізеде бүге кеудеге дейін жеткізу;

-   гимнастикалық қабырғада қолмен асылып тұрып, аяқтың ұштарын қосып аяқты 45 градусқа көтеру.

Осы тапсырманың дескрипторлары:

• Гимнастика сабақтарында болуы мүмкін қауіпті жағдайлар мен жарақаттар және олардың алдын алу жолдарын біледі;
• бірқатар дене жаттығуларының стратегияларын қолданады.

Сұраңыз: Қауіпсіздік ережелерін сақтаудың маңыздылығы қандай? Гимнастикамен айналысқан кезде жарақат алмау үшін қандай қауіпсіздік ережелерін сақтауымыз қажет? Өздеріңіздің практикалық білімдеріңізді және дағдыларыңызды күнделікті өмірде қалай қолданасыздар? Тапсырманы орындау барысында қандай қиындықтар болды?

Сабақ соңында білім алушылар демді қалыпқа келтіру жаттығуларын орындап, рефлексия жүргізеді:

 - нені білдім, нені үйрендім?

 - нені толық түсінбедім?

 - немен жұмысты жалғастыру қажет?- деген сұрақтары бар парақшаға жауап береді.

Сабақ уақытында орындаған жұмыстарын бағалау үшін білім алушыларға дескрипторлар арқылы бірін-бірі бағалау ұсынылады.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бірқатар дене жаттығуларының тактикаларын, стратегияларын және композициялық идеяларын барлық білім алушылар түсінеді және қолдана біледі деп жоспарлап отырмын.

Қабілеті жоғары оқушыларға бірқатар дене жаттығуларының тактикаларын, стратегияларын және композициялық идеяларын қолдану кезінде сыныптастарына ақыл-кеңес беруді ұсынамын.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

 Жалпы баға

 Сабақтың жақсы өткен екі аспектісі (оқыту туралы да, оқу туралы да ойланыңыз)?

 1:

 2:

 Сабақты жақсартуға не ықпал ете алады (оқыту туралы да, оқу туралы да ойланыңыз)?

 1:

 2:

 Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?