Квадрат үшмүше. Алгебра, 8 сынып, қосымша материал. 2 сабақ.

Сабақты өткізуге әдістемелік нұсқаулар

Сабақ тақырыбы: Квадрат үшмүше

Сабақ түрі: Бекіту сабағы

Оқу мақсаты:

8.2.1.2 үшмүшеден екімүшенің толық квадратын бөлу;

Сабақ мақсаттары: Квадрат үшмүшеден екімүшенің толық квадратын бөліп алуды меңгереді.

Сабақ құрылымы:

• Ұйымдастыру кезеңі
• Бұрынғы білімдерін белсендіру
• Топтық жұмыс
• Тақырыпты жалпылау
• Бекіту
• Сабақты қорытындылау. Рефлексия

Сабаққа қажетті теориялық материал, анықтамалар және т.б.

Анықтама. ax² + bx + c квадрат үшмүшесін екі мүшенің қосындысы немесе айырмасының квадраты түрінде жазу квадрат үшмүшеден толық квадратты бөліп алу деп аталады.

ax² + bx + c = (kx + l)² + m немесе ax² + bx + c = (kx – l)² + m.

Қысқаша көбейту формуласын пайдаланып, ax² + bx + c квадрат үшмүшесін төмендегідей түрде жазамыз:

немесе

Олай болса, үшмүшеден толық квадратты келесідей бөліп алынады:

ax² + bx + c = (kx + l)² + m 

мұндағы:

Көрсетілім мен қауіпсіздік техникасына қойылатын нұсқаулар

Материалдың сабақ барысындағы көрсетілімі Power Point бағдарламасы көмегімен жүзеге асады. Слайдтарды мұғалімге сабақтың алдында қарап шығып, оларды бір-бірден көрсетіп отырған жөн. Жауабы бар слайдтарды тек оқушылар өздерінің жауаптарын тексеру үшін ғана қолданыңыз.

Жеке қосымша құжат түрінде жазылған тапсырмалар слайдта болғанымен, оларды параққа басып, әрбір оқушыға жеке ұсынған жөн. Сонымен, олардың сабақ үстінде интерактивті тақтамен жұмыс жасау уақыты азаяды.

 Сабақты ұйымдастыру бойынша қосымша әдістемелік нұсқаулықтар

Бұл сабақ белсенді оқыту әдісі негізінде құрылған, өйткені кез келген жаңа ұғым берілер алдында оқушыларға қандай да бір сұрақтар/тапсырмалар беріледі. Содан кейін оқушылардың жауаптары негізінде мұғалім олардың жауаптарын толықтырып, жаңа ұғымның анықтамасын оқушылармен бірге қорытады/жетелейді. Сондықтан, оқушылардың жұптағы/топтағы/бүкіл сыныппен ойларымен бөлісуін қолдаңыз, сұрақ қойылғаннан кейін ойлануға уақыт беріңіз (1-2 мин).

Саралауға арналған қосымша деңгейлік тапсырмалар

Базалық деңгей

Күрделі деңгей

 Формативті бағалау бойынша ұсыныстар.

 Формативті бағалау сабақтың әр кезеңінде өткізіледі (өзара бағалау, өзін-өзі бағалау, мұғалімнің бағалауы). Оқушылардың сабақ үстіндегі талқылауларға қатысуы мұғалімнің бақылауы бойынша ауызша кері байланыс арқылы бағаланады. Оқушыларға сабақ бойы берілетін жеке, топтық немесе бүкіл сыныптық кері байланыс олардың қателерін айқындап, алдағы уақытта болдырмауына себеп болады.

 Жауаптар, тапсырмаларға қойылатын бағалау критерийлері, сабаққа қосымша материалдар.

 Тапсырмаларға берілетін жауаптар презентация слайдтарында бар. Олар өзін-өзі, өзара бағалауды ұйымдастыруда пайдалы болады.

 Әрбір тапсырманың бағалау критерийлері сабаққа қосымшаларда және қысқа мерзімді жоспарда жазылған.

Қосымша 1 жауаптары:

№1. -0,5 және 1,5;

№2. Түбірі жоқ; 1 мен -3;

 Қажетті интернет-сілтемелер мен әдебиеттер.

Алгебра. 8-сынып: Жалпы білім беретін мектептің 8-сыныбына арналған оқулық/ Шыныбеков Ә.Н. – 3-басылымы. – Алматы: «Атамұра», 2012. 14-бет.

Алгебра. 8 класс : учеб. для учащихся общеобразоват. учреждений / Ю. Н. Макарычев, Н. Г. Миндюк, К. И. Нешков, И. Е. Феоктистов. — 10-е изд., испр. — М. : Мнемозина,

2010. — 384 с. : ил.

https://bilimland.kz/kk/subject/algebra/8-synyp/tolyq-kvadratty-bolip-alu-tsili