алу
👈 қаріп өлшемі 👉
қосу

Шығарманың композициясын анықтау. Әдебиеттік оқу, 4 сынып, нұсқаулық.


Пән: Әдебиеттік оқу

Бөлім: Табиғат құбылыстары

Сынып: 4

Сабақ тақырыбы:2.5 Шығарманың композициясын анықтау

Оқу мақсаттары:

4.2.5.1 көркем шығармадағы оқиғаның басталуын, дамуын және аяқталуын анықтау;

4.2.6.1 кейіпкерлердің іс-әрекеті, мінез-құлқының өзгеру себептерін мәтіннен дәлелдер келтіріп бағалау.

Сабақ мақсаттары:

Барлық оқушылар: мәтіннің мазмұнын түсінеді, құрылымдық бөліктерін (басы, ортасы, соңы) ажыратады;

Көпшілік оқушылар: мәтіндегі негізгі ойды білдіріп тұрған сөйлемді анықтайды, кейіпкерлерге мінездеме бере алады;

Кейбір оқушылар: кейіпкердің іс- әрекетінің, мінез-құлқының өзгеру себептерін анықтайды, дәлелдер келтіріп бағалайды, өз ойын айтып, қорытынды жасайды.

Бағалау критерийлері:

мәтінді түсініп оқиды;

мәтіннің құрылымдық бөліктерін (басы, ортасы, соңы) ажыратады;

мәтіннен негізгі ойды білдіретін бөлікті анықтайды;

кейіпкердің іс-әрекетіне, мінез-құлқына баға береді.

Тірек сөздер: Теріскей жақ, сансыз меруерт, үшкіл жапырақтар, шық тамшылары, тамшылар домалап, шыбынды айлар, қарлы жота.

Сабақ барысы

І. Сабақтың басы

Ширату

Жаздыгүн шілде болғанда,

Көкорай шалғын, бәйшешек.

Топқа бөлу: «Түс таңдау» әдісі

Сары, көк, жасыл, қызыл - 4 топ құру

Сурет бойынша болжам жаса

Тақырыпқа болжам жасайды.

Мәтінмен жұмыс - Тірек сөздер құру 3 мин

Мәтінді орындамас бұрын сурет бойынша өтетін сабаққа болжам жасайды. Суретке қарап өз ойларын айтады

Сабақтың тақырыбын анықтайды. Оқу мақсаттары, бағалау критерийімен таныстыру.

ІІ.Сабақтың ортасы

1-тапсырма

(Т,Ұ) «Әдеби шеңбер» әдісі

1-топ Белгілеуші

Мәтінге көз жүгіртіп, әңгіменің жалпы тақырыбы мен маңызына қатысты 3 немесе 4 маңызды бөліктерін белгілейді. Олар қызықты, ой тудырарлық болуы мүмкін. Бөліктерді өз топтарында дауыстап оқиды және олардың маңыздылығын талқылайды. Мәтіндегі негізгі ойды анықтайды

Оқиғаның басталуы:

Жалғасуы:

Аяқталуы:

2-топ Байланыстырушы

Мәтін мен шынайы өмір арасындағы 2 немесе 3 байланысты анықтайды. Бұл оқиғаларға өзінің жеке өмірінен, мектепте болып жатқан іс-шаралардан, басқа адамдар өмірінен, күнделікті жаңалық тақырыптарынан немесе тіпті теледидар бағдарламаларынан алынған оқиғалар жатуы мүмкін. Оларды тізіп жазады, тобымен пікір алмасады және сынып алдында жұмысын қорғайды.

3-топ Қорытындылаушы

Мәтіннің мазмұнын қорытындылайды, шығарма композициясына тоқталады және шығарманың маңызды жерлерін атап өтеді.

4-топ Суреттеуші

Мәтінге қатысты нақты немесе абстрактілі сурет салады. Сурет салу қабілеті бұл жерде басты емес; мәтіннің басты оқиғасын немесе кейіпкерін суреттеп жеткізе алуы маңызды. Мультфильм бейнелерін, диаграмма,сызбанұсқа, кесте арқылы беруге де болады.

Саралау: Топта ой бөлісіп, ойларын ортаға салып, ортақ шешімге келеді. Көмек қажет ететін оқушыларға қосымша уақыт беріледі

Б: «Бір- бірін бағалау»

Топтар бір -бірінің жұмысын бағалау арқылы әр топ жұмысында нені жақсарту керектігін анықтайды

2-тапсырма

(Т,ЖЖ) Ой қозғау” әдiсi:

Топтарға:

1. Шық дегеніміз не?

2. «Шыбынсыз жаз» дегенді қалай түсіндің?

3. Шықты қай кезде көруге болады?

4. Шыбынды айларды атап бер

Саралау:Баланың тәжiрибесiне сүйене отырып, жеке, топтық және ұжымдық талқылау арқылы берiлген тақырып мазмұнымен өз бетiнше жұмыс жасауына бағыттап, қызығушылықты ояту

Б: «Екі жұлдыз,бір тілек»

3-тапсырма

(Т,Ұ) “Вен диаграммасы” әдiсi

«Таңғы шық» пен «Шыбынсыз жаз» мәтіндегі жаз мезгілінің сипатын салыстыру

Б: «Бас бармақ»

Оқушылар мәтінді оқып болған соң, қаншалықты түсінгендерін бағалау.

4-тапсырма

(ЖЖ,Т) «Ойлан, Жұптас, Пікірлес» әдісі

Оқушыларға қандай да болмасын сұрақ, тапсырма берілгенен кейін оларды тыңғылықты орындауға бағытталған интербелсенді тәсіл. Тақтада сұрақ/тапсырма жазылғаннан кейін әрбір оқушы жекеше өз ойлары мен пікірін берілген уақыт ішінде (2-3 минут) қағазға түсіреді. Содан кейін оқушы жұбымен жазғанын 3-4 минут талқылайды, пікірлеседі.

-Суретті пайдаланып, дәл жазушыдай толғанып, көңіл-күйіңді сөзбен жеткіз. (мәтіндегі 2 азат жолды пайдалан)

Саралау: Сұрақтарға толық, нақты жауап беруіне көңіл бөлінеді. Кейбір оқушыларға жетекші сұрақтар қойылады.

Б: «Қол шапалақтау» әдісі

ІІІ. Сабақтың соңы

“Пайымдау сұрақтары” әдісі:

Сабақ соңында мұғалім оқушыларды ой-толғаныс жасауға итермелейтін сұрақтар қояды: Сабақта не маңызды болды, не қызық болды, жаңадан не білдіңдер, не үйрендіңдер т.с.с. Бір сұраққа бірнеше оқушы жауап беруі мүмкін.


Құрметті оқырман! Файлдарды күтпестен жүктеу үшін біздің сайтта тіркелуге кеңес береміз! Тіркелгеннен кейін сіз біздің сайттан файлдарды жүктеп қана қоймай, сайтқа ақпарат қоса аласыз! Сайтқа қосылыңыз, өкінбейсіз! Тіркелу
Толық нұсқасын 30 секундтан кейін жүктей аласыз!!!


Кейінірек оқу үшін сақтап қойыңыз:


Қарап көріңіз 👇



Жаңалықтар:
» Қазақстанға 5G қашан келеді? 28.01.2023
» Әскерде өзіне қол салған сарбаз туралы тың дерек шықты 23.01.2023
» Әр қазақстандық қанша гектар жер иемдене алады? 23.01.2023

Пікір жазу



Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы