Ерлан Жүніс (Ностальгия)

 Ерлан Жүніс (Ностальгия)

Дүрбілі ай күлше ме екен дөңгеленген,
Сүт пе əлде, тостақтағы жеңге берген,

Жоқ, бəлкім, қошақанның көзіндей ме,
Тезек пе тамызыққа көмбеленген,

Көл ме екен күміс кесе алтын жиек,
Жағалай мені өсірген ел бөленген,

Шілденің сарбөпесі - əңгелек пе,
Нағашым терін салған жерден өнген,

Қалалық қалқатайдың ерні ме əлде,
Қыдырып ертеректе елге келген,

Борсықтың сары шыны майы ма ол,
Ақ Жəкем өткен қыста емге берген,

Бөкеннің доғал біткен мүйізі ме,
Өндір шақ орғығанын өрде көрген,

Дүрбілі ай, айтшы маған, дөңгеленген,
Өзге бір теңеу таппай сенделер ме ем,

Мен осы ауылымды сағындым ба,
Неліктен сені көрсем ел көрем мен?!.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі