Қазақша өлең: Түлектер қанат қақты » ZHARAR © 2017 | түлектер туралы өлеңдер, түлектер туралы тақпақтар,түлектер туралы өлең жолдары, тулектерге олендер , тулектерге арналган олендер, жас тулектерге арналган олендер




  • »

Қазақша өлең: Түлектер қанат қақты

Қазақша өлең: Түлектер қанат қақты казакша Қазақша өлең: Түлектер қанат қақты на казахском языке

Үмітпен сенеді елі,
Арманы - жастығында.
Шат күлкі әуеледі
Тілектер тасқынында.

Құжатын қолға ұстады,
Мақсаты - сенімінде.
Шәкірттік болмыстары -
Ұстаздың көңілінде.

Сынақтан сүрінбеді,
Қала алды биігінде.
Балалық пейілдері -
Ананың мейірінде.

Бәрі де жарасады,
Мақтаныш - жүрегінде.
Бақытты болашағы -
Әкелер тілегінде.

Қиялы көз ілмеді,
Қимастық - жырларында.
Толқыған сезімдері -
Вальстің ырғағында.

Өмірдің жаңа күні
Ұшырды, самғасын да.
Қоштасты балалығы
Мектептің ауласында.

Арманға қадам басты,
Келешек тосқан бәрін.
Басып тұр ең алғашқы
Үлкендік баспалдағын.

Бірге ұшты достар бәрі,
Күтеді алғашқы сын.
Жауапты басқандары
Өмірдің әр басқышын.

Келешек көктемінен
Табады олар бағын.
Тілеп тұр мектебі де
Кірпіш боп қаланғанын.

Авторы: Ғабиден ҚОЖАХМЕТ, Қызылорда қаласы


Санат: KZ портал » Қазақша Өлеңдер жинағы | | 1 494
Рейтинг:
(голосов: 0)

.

MixAdvert

MarketGid

Соңғы пікірлер:

. .