ҰБТ...

 ҰБТ...

ҰБТ!
Тітіркентті жүректі!
ҰБТ!
Көңіл байғұс дір етті…
ҰБТ!
Келеді ойға қайдағы…
Кім жеңер?
Білімді, әлде білекті?

ҰБТ
Бәлкім жақсы зат болар?
ҰБТ
Мүмкін үміт ақталар?
ҰБТ
Алып алтын белгіні,
Қуанып, пәк көңілім шаттанар?
Автор: Әйгерім Кеулімжай

Сынақ емес, жұрт оны тұзақ санап
Сеніміне серпеу мен сызат салад.
Болашағын баланың білімі емес,
Шындығында шешеді 3-ақ сағат.

Жалауыңды құлатпа жылап, бала,
ҰБТ бір жасанды сынақ қана.
Бірақ әттең болжайтын болашақты
Қойылған 125 сұрақ қана.

Көңіліңді, ардақтым, аудар маған,
Сыбырына сайтанның алданбағын.
Жаттанды білімдінің бағын жағар,
Жасанды сынақ қана ол жалғандағы.

Кей тағдырлар еңкулі, еңіс келер,
Ал біреуі еңіссіз тегіс келер,
Бір ҰБТ өшірмес пешенеңді,
Күні-түні қашаған періштелер.

P/S
Елдің зарын елемей отырады,
Неге билік саңырау, соқыр әлі?
ҰБТ - бұл ұлтымның мақтаны емес,
Ұрпағының Бірыңғай Тоқырауы.
(с) Ернар Қыдырбаев


Іздеп көріңіз:

Қарап көріңіз:

Пікір жазу

Келесі мақала жүктелуде...