Ақберен Елгезек (Тілек)

 Ақберен Елгезек (Тілек)

Көктем болып тынысташы,
Күлімдеші көктем боп.
Жүрегімді құлыпташы,
Жұлып таста, өкпем жоқ!

Аспанымды биіктетші,
Шуақ шашшы болып Күн.
Мына әлемді сүйікті етші,
Сүйікті етші, сүйіктім!

Сирень болып аңқып тұршы,
Балқып тұршы болып түн.
Әрбір таңда шалқып тұршы,
Шалқып жүрші, сүйіктім!

Орман болып тербетілші,
Мен тербейін болып жел.
Жұлдыз болып жерге күлші,
Мен жылайын болып жер!

Арманым боп орындалшы,
Түсім болшы баянды.
Керек болса, жанымды алшы,
Барымды алшы, аяулым!

Жаңғырық боп қайтып тұрсын,
Сенің сыршыл сөздерің.
Құпиямды айтып тұрсын,
Менің тылсым көздерім...

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады