алу
👈 қаріп өлшемі 👉
қосу

Көктемді еске алу

 Көктемді еске алу

Есте қалар бұл көктем несіменен,
Бар мұңымды келеді кешіп ӨЛЕҢ!.
Сол жағында кеудемнің бір уыс ет,
Тулайды кеп үміт қып несібеден.

Жалғызсырап жабықса жетім желік,
Жүдетеді ауыр ой етімді еміп.
Күдік, Үміт санамда теңеліпті,
Көктемдегі күн мен түн секілденіп.

Сезім сыйлап төбемде күн күледі,
Осы көктем өзгертер мүмкін мені.
Бой тазартар жаңбырдың жауары анық,
Көңіл бұлты кеудемде күркіреді.

Таңғажайып тәтті өмір басталарда,
Кез қылмасын тағдырым тас қамалға.
Қоймаса екен бұл көктем мен ұнатқан,
Аруларды ғашық қып басқа жанға.

Білегіне тағатын білезік ен,
Бақыт табар жан бар ма бір өзінен.
Толған айдай табынтар талай ару,
Тоңы жібіп мұз қатқан мінезінен.

Тағы көнбей ырқыма қыңыр ұл – мұң,
Теңселтті кеп тірегін тұғырымның.
Келер, кетер көктемі жылдарымның,
Қалай өтер көктемі ғұмырымның...

Кейінірек оқу үшін сақтап қойыңыз:


Қарап көріңіз 👇



Жаңалықтар:
» Оқушылардың соңғы қоңырау мерекесі 1 маусымда өтеді 05.02.2023
» Ультракүлгін лак кептіргіштер қатерлі ісік ауруын тудыруы мүмкін 02.02.2023
» Қазақстанға 5G қашан келеді? 28.01.2023

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы