Шымкент тұрғыны МС Сайлаубекке “Шымкенттің құрметті азаматы” атағын беруді ұсынды

Шымкент тұрғыны МС Сайлаубекке “Шымкенттің құрметті азаматы” атағын беруді ұсынды

Шымкент қаласының тұрғыны түсініксіз тілде рэп оқитын атыраулық МС Сайлаубекке жаңа атақ беруді ұсынды деп жазады Замана басылымы.

Құрметті редакция! Сіздерді көзіқарақты көп адам оқиды ғой, сол себепті билік басындағы ағалардың құлағына жетсе екен деп арнайы хат жолдап отырмын.Мен өзім соңғы кездері өте танымал «жұлдызға» айналған МС Сайлаубектің фанаты боламын. Оның «Фомэнэ клэп» әнін жатқа білемін. Оны Алматыда бір кісілер «Жыл адамы» деп жариялапты. Бұл туралы естіп қуанып қалдым. МС Сайлаубек Шымкентке де бірнеше рет келіп, концерт берді. Оған арнайы барып, риза болдым. Шымкенттіктердің көңілін көтергені үшін оған көп рахмет.Міне, менің осы орайда бір ұсынысым бар. Дәл осы МС Сайлаубекке «Шымкент қаласының құрметті азаматы» атағы берілсе екен”, – деп жазады Асанбай Кенжеев есімді тұрғын.

Осы орайда, ол неліктен Сайлаубекке құрметті азамат атағын беру керектігін түсіндіріп өткен.

“Біріншіден, қалаға оның еңбегі сіңді деп ойлаймын. Екіншіден, естуімше, соңғы жылдары Шымкент қаласында мұндай атақ осындай өзгеше адамдарға беріліп жүр деседі ғой. Сол себепті менің осы ұсынысым сөзсіз ескерілсе екен деймін. Биылғы Маймыл жылында бұл мәселе де өзінің оң шешімін табарына сенемін”, – дейді Шымкент қаласының тұрғыны.


Мақала ұнаса, бөлісіңіз:


Қарап көріңіз 👇



Жаңалықтар:
» Құрбан айт 2021: қашан, құрбандық шалу шарттары, дұғасы, құрбан малының жасы, жарамды мал 18.07.2021, 0
» Асқар Мамин: 600 мың педагогтің жалақысы 25 пайызға артады 13.07.2021, 0
» Space X осы жылдың қыркүйегіне дейін бүкіл әлемді интернетпен қамтамасыз еткісі келеді 12.07.2021, 0

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы