10 миллион доллар тұратын start-up

Қазақстанда Start-up жобаларды қолдау қоры пайда болады. Қорды «Атамекен» ҚР Ұлттық кәсіпкерлер палатасы құрады. Бұл туралы «АЛМЭКС» Холдингілік тобы» АҚ Басқарма Төрағасы Мәжит Есенбаев баспасөз-конференциясы барысында хабарлады.

«Біз start-up жобаларды қолдау жөніндегі қор қалыптастырмақшымыз. Жиынтықтап алғанда бұл қор шамамен 10 миллион доллар болмақшы. Өздерінің арынды идея-тілектері бар, алайда оларды жүзеге асыратын қаражаты жоқ жастарды қолдағымыз келеді. Мұндай қаражат болады, және ол қаражатты жастарға беруге дайынбыз», – деп мәлімдеді Мәжит Есенбаев баспасөз-конференциясы барысында.

Start-up жобаларды қолдау жөніндегі қор биылғы жазда іске қосылуы мүмкін. Ісін бастаушы бизнесмендер ұсыныстарын іріктеуде өндірістік жобалар мен цехтерге басымдылық берілетін болады. Сонымен бірге жобалардың салалық бағыттары бойынша шектеулер болмайды.

«Әзірше лимит нақты белгіленген жоқ, алайда оны 3 млн теңге деңгейінде болжап отырмыз», - деп атады «Атамекен ҚР ҰКП Басқарма Төрағасының орынбасары Нұржан Әлтаев. Оның айтуынша, үстінен тағы да 10 млн доллар қосу жоспарлануда. ҰКП бұл қаражатты иневсторлар, ұлттық компаниялар мен түрлі қорлар тарапынан тарту мүмкіндігін қарауда. Ісін бастаушы кәсіпкерлерді қолдаудың басқа да нұсқалары баршылық. Бұл микрокредиттеу, сонымен қатар банктер алдында қарызға кепілдік беру.