👈 қаріп өлшемі 👉

Оразада әйелін сүюге, жақындасуға бола ма?

Оразада әйелін сүюге, жақындасуға бола ма?

Рамазан – адамның ішіп-жеуден, өзінің қалаулары мен нәпсіден тыйылатын кезі. Алайда кейбір ерлі-зайыптылар оразада әйелімді (күйеуімді) құшақтап, сүюіме, жақындасуыма бола ма деп сұрап жатады.

Ораза кезінде күйеуіне де, әйеліне де бір-бірін сүюге, құшақтасуға тыйым салынбаған, тек сезімге берілместен өзін-өзі тоқтата алатындай болуы керек. Бұл тұрғыда Айша (р.а) анамыз: «Ораза кезінде Пайғамбарымыз (с.ғ.с.) өз әйелдерін құшақтап, сүйетін еді, алайда ол сендердің кез-келгендеріңнен өзін-өзі мықты ұстай алатын» деген (Бұхари 1927, Муслим 1/65).

Сондай-ақ Айша (р.а.) анамыздың жиені Масруқ одан: «Ораза уақытында күйеуі мен әйеліне не рұқсат етіледі?», – деп сұрағанда ол: «Жыныстық қатынастан басқасының барлығы», – деп жауап береді (‘Абдур-Раззақ 4/190).

Ал ер адам мен әйелдің оразада жақындасуына келсек, ауыз ашқаннан ауыз бекіткенге дейін уақытта жыныстық қатынасқа түсуге рұқсат етіледі. Қасиетті Құранда: «Сендерге оразаның кешінде әйелдеріңе жақындасу халал етілді. (Өйткені бір-біріңді қорғауда) олар сендерге киім, сендер де оларға киім іспеттісіңдер» делінген («Бақара» сүресі, 187-аят).

Ал күндіз, ауыз берік уақытта жақындасуға болмайды.


Кейінірек оқу үшін сақтап қойыңыз:


Қарап көріңіз 👇



Жаңалықтар:
» «Елімізде ескі несиелер кешіріледі»: министрлік өзгерістерді түсіндірді. 27.07.2022
» Кәрім Мәсімовтың шетелдегі 3 млн доллары елге қайтарылды 19.07.2022
» Түркістандық өртеніп жатқан ғимараттың төбесінен туды алып шықты 19.07.2022

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы