ҰБТ-да 132 балл жинаған атыраулық түлек Оңтүстік Корея университетіне оқуға түсті


АТЫРАУ. ҚазАқпарат – Атыраулық түлек Оңтүстік Корея университетіне оқуға түсті, деп хабарлайды ҚазАқпарат тілшісі.

Өңірлік коммуникациялар қызметінің ақпаратына сүйенсек, Атырау қаласындағы Білім-инновация лицей-интернатының түлегі Ризабек Алпамыс биыл ҰБТ-дан ең жоғары 132 балл жинаған. Ол Оңтүстік Кореядағы Ulsan National Institute of Science and Technology (UNIST) университетіне оқуға түсті.

Оған Оңтүстік Кореяның екі алдыңғы қатарлы ғылыми-зерттеу және технология университеті мен Гонконгтағы ғылым және технологиялар университетінен оқуға шақырту келген.

Былтыр Ризабек Алпамыс Еуропалық физика олимпиадасынан күміс, биыл Азия олимпиадасынан қола медаль алған. Ал, 2021-2022 жылдары халықаралық физика олимпиадасынан екі мәрте күміс медаль, биыл О. Жәутіков атындағы халықаралық олимпиададан да алтын медаль иемденген.

 
«Мақсатым – жаңа технологияларды ойлап табуға өз үлесімді қосу. Қазақстандағы ғылым мен техника саласын дамытуға атсалыссам деген ойым бар. Бос уақытымда бағдарламалар құрастырғанды, футбол ойнағанды жақсы көремін. Бірақ уақытымның көбін ғылыммен айналысуға арнаймын», - дейді ол.

Ulsan National Institute of Science and Technology оқу ордасы білім деңгейі бойынша әлемдегі ең мықты 200 университеттің қатарына кіреді. Енді бұл университетте Ризабек Алпамыспен бірге халықаралық додаларда оза шауып жүрген Нұрдаулет Хаженов, Әділ Султанов, Әділет Зауытхан есімді атыраулық түлектер де білім алады. Дүниежүзі бойынша небары 15 түлекке берілетін гранттың төртеуін атыраулықтар иеленіп отыр.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады
Пікір жазу