А.Кемелбаева «Шашты» әңгімесіндегі ұлттық құндылықтар. Қазақ әдебиеті, 10 сынып, презентация.

Шын/жалған ақпараттар арқылы өткен сабақты еске түсіру.

Бұл әңгіме кейіпкері шашы ұзын қыз бала;

Мұнда қазақ халқының қиын-қыстау кезеңінің бір көрінісі суреттелген;

Әңгіменің авторы ХІХ ғасырда өмір сүрген;

Әңгіменің оқиғасы Өзбек даласында болған;

Басты кейіпкер жылқышы түрікпен шал;

Түрікпендерден зардап шеккен екі тұтқын: бірі-қаңлы, бірі-қыпшақ.

Ұзақ мерзімді жоспар бөлімі:

Сабақ тақырыбы:

А.Кемелбаева «Шашты» әңгімесіндегі ұлттық құндылықтар

Оқу мақсаты:

Т/Ж 10.1.5.1 - ұлттық құндылықтардың маңыздылығын контекстермен үндестіру.

Сабақ мақсаты:

Шығармадан алынған үзінділер арқылы ұлттық құндылықтардың көрінісін талдау.

Бағалау критерийлері:

Шығарма контекстерімен мазмұнды жұмыс істей алады;

Ұлттық құндылықтардың көріністеріне талдау жасай алады;

Шығармаға құндылықтар жүйесі тұрғысынан баға бере алады.

1-тапсырма. «Дастарқан стратегиясы» Топтық жұмыс.

Мұғалім аталған кестедегі үлгі бойынша берілген үзіндідегі мәліметтер мен түсініктерді анықтауға тапсырма береді. Тақтаға құндылықтар спектрі сызылған флип-чартты іледі. Әр топ стикерге жазылған кейіпкерлер құндылығын апарып жапсырады. Әрбір топ өз құндылығын ауызша айтып, берілген үзіндінің ортақ құндылығын анықтайды.

Дескрипторлар:

Шығарманы түсінеді;

Үзіндідегі кейіпкерлерге баға бере алады;

Шығарма үзіндісіндегі құндылықтар жүйесін ажырата алады;

Жұппен/сыныппен ынтымақтастықта бірлесе жұмыс істейді.

Бағалау: жұптар бір-біріне дескрипторларға сүйене отырып, «Мадақтау сэндвичі» арқылы ауызша комментарий береді.

Кері байланыс.

Шығармадағы ұлттық құндылықтарды бір сөзбен атаңыз. Мысалы:

Мен үшін шығармадағы ұлттық құндылық - туған жерге деген сағыныш.

Мен үшін ең басты ұлттық құндылық - шын жүйрік тұлпарды тану.

Үйге тапсырма: Әңгіменің көркемдік тіліне талдау жасау.