Ж.Сахиев «Дабыл» фантастикалық әңгімесі. Қазақ әдебиеті, 8 сынып, дидактикалық материал. 12-сабақ.

ДЖИКСО

Ж.Сахиевтің «Дабыл» фантастикалық әңгімесінен берілген үзінділерді топта оқып, топ мүшелеріне, одан соң өзге топтарға таныстырыңыз.

1-қадам. 4 топқа бөлініп отыру.

2-қадам. «Дабыл» фантастикалық әңгімесінен бірдей үзіндіні алған оқушылар енді эксперт немесе жанұя топтарын құрып, мәтін бөліктеріне сай топ мүшелері:

• №1. әңгіменің 1-бөлімі;
• №2. әңгіменің 2-бөлімі;
• №3. әңгіменің 3-бөлімі;
• №4. әңгіменің 4-бөлімі;
• №5. әңгіменің 5-бөлімі.

3-қадам. Сараптау топтарына қайта бөлінеді (1-бөлікпен жұмыс жасағандар бір топқа, 2- бөлікпен жұмыс жасағандар екінші топқа, т.с.с.).

4-қадам. Сараптау тобында өздері оқып шыққан үзіндіге талқылау жасайды, топ мүшелеріне түсінікті етіп жеткізудің жолдарын белгілейді.

5-қадам. Өз топтарына барып, сараптау тобында үйреніп келген бөліктерінің мазмұнын ортаға салып, сөздік жұмысын жүргізіп, негізгі ойды, сюжеттік желіні анықтайды.

«Сын тұрғысынан ойлауды дамыту сұрақтары» (Б.Блум бойынша)

1.Оқылған шығарма мазмұнын еске түсіру:

Шығарма кім туралы? Қашан, қалай болды?

2. Оқиғалар, идеялар, деректер, құндылықтар арасындағы байланысты анықтау және ойын түсіндіру: Шығарманың ең қызық жері? Неліктен?

Қолдану: Сіз Жасағанның орнында болсаңыз қайтер едіңіз?

Талдау: Шығарма кейіпкерлері: Төлен, Таңатар, Қазыкен, Жасағандарға тән қасиеттерді атаңыз.

Жинақтау: Алынған ақпаратқа толық логикалық қорытынды жасау, оқиғаның себебі мен салдарының байланысын толық түсіну.

Бағалау: Алынған ақпаратқа пікірталас жасай отырып, жеке өзіндік көзқарастарын қалыптастыру. Шығарма мазмұны бойынша сұрақтарға жауап береді, талдайды, қорытады, бағалайды.

Сұрақ үлгілері:

• Созылыңқы тамшы пішінді үлкен тас не болуы мүмкін?
• Қара жерге жантая қадалды деп автор нені меңзеп отыр?
• Қазіргі кезде каметалар ғарыштан жерге ненің әсерінен түсіп жатыр?
• Әңгіменің атауы неге «Дабыл» деп аталған?

Әңгіме кестесі

Жұппен шығарма бойынша жүргізілген жұмыстар негізінде «Әңгіме кестесін» толтырыңыз.