М.Мақатаев «Аққулар ұйықтағанда» поэмасы. Қасиет пен қасірет. Қазақ әдебиеті, 8 сынып, қосымша материал. 25-сабақ.

Мұғалімге нұсқаулық

«1 минут» әдісі

• 1 минуттың ішінде М.Мақатаевтың «Аққулар ұйықтағанда» поэмасы туралы не білетіндігі және түсінетіндігі туралы тоқтамай айта бастайды. Ал екінші оқушы жұбының пікірлерін толығымен ұғыну үшін тек мұқият тыңдап отырады.
• Экрандағы таймер тоқтаған уақытта әңгімелесу аяқталады.
• Жұбының пікірін тыңдаушы оқушы келесі жұпқа естігенін айнытпай айтуға тиіс.
• Экранда таймер қосылып, аралас жұптар қайта бастайды.
• Осылайша 5 минут уақыттың ішінде 5 жұпта түрлі байланыс орнайды.
• Оқушылардың әңгімелесуіне байланысты «бақылаушы парағы» толтырылады.

«Пирамидалық талқылау» әдісі

• Сынып алдынала бірнеше топқа бөлінеді.
• Әр топқа пирамиданың суреті салынған қағаздар таратылады.
• Бұл тапсырмада екі сұраққа жауап беру көзделеді.
• Бірінші сұрақ екінші сұрақтың негізін құруы тиіс.
• Екінші сұрақ оқушыларды тереңірек ойлануға ынталандыруы тиіс.
• Топ мүшелері өз бөліктеріне сұрақтар жазады
• Содан оқушылар қағазды бұру арқылы бір-бірінің жауаптарымен танысады.
• Енді топ болып талқылап, екінші сұраққа жауап береді.
• Қағаздың ішіндегі кіші төртбұрышқа екінші сұрақтың жауабы жазылады.
• Жан-жағына бірінші сұраққа қатысты әр оқушының жауабы белгіленеді.

«Талдап білу» әдісі

• Оқушылар топ ішінде өзара атқаратын қызметтерін бөліп алады.
• «Аққулар ұйықтағанда» поэмасының экспозициясын бірінен соң бірі оқиды.

«Фишбоун» әдісі

• Талдау жасау үшін балық қаңқасы салынған қағаз таратылады.
• Басына поэма көтерген мәселені, үстіңгі сүйектерге поэманың негізгі түсініктерін,

астыңғы сүйектерге мәселенің шығу себептерін, құйрығына мәселенің шешімін жазады.

Оқушылар мәселенің шешімін өзіндік көзқарас тұрғысынан дамытып жазады.