Ақтамберді Сарыұлы «Күлдір-күлдір кісінетіп» толғауы. Қазақ әдебиеті, 8 сынып, сабақ жоспары. 15-сабақ.

Сабақ : № 15

Мектеп:

Пән: қазақ әдебиеті

Күні :

Мұғалім:

Сынып: 8Т1

Қатысқан оқушылар саны:

Қатыспағандар:

Дананың сөзі - ақылдың көзі

Ақтамберді Сарыұлы «Күлдір-күлдір кісінетіп»

А/И3. Көркем шығарманың тілі

Шығармадағы көркемдегіш құралдардың (психологиялық параллелизм, перифраз, сатира, ирония, гротеск, эллипсис) қолданысын талдай отырып, автор стилін анықтау;

А/И4. Шығармашылық жұмыс

Шығармадан алған үзінділерді қайта өңдеп креативті жазу.

Көркемдегіш құралдардың қолданысын талдап, автор стилін анықтайды;

Үзінділерді қайта өңдеп креативті жазады.

«Мәңгілік ел» жалпы қоғамдық құндылығы:

• Тіл мен мәдениет

НЗМ құндылығы:

• Өзіне және айналадағы адамдарға құрмет;
• Ынтымақтастық;
• Жауапты азаматтық позиция;

Аталған құндылықтар сабақ тақырыбы арқылы оқушылардың топтаса және жеке отырып жұмыс жасаулары, сын тұрғысынан ойлай білу, ақпаратты өңдей білу,өзіндік көзқарасын дәлелдей алу дағдылары негізінде жүзеге асады.

Тарих пәнінен алған білімдерін еркін қолданады.

Слайд, бейнеклип

• шығармадағы көркемдегіш құралдардың қолданысын талдай отырып, автор стилін анықтайды;
• шығармадан алған үзінділерді қайта өңдеп, креативті жазады.

• шығармадағы көркемдегіш құрал түрлеріне мысалдар келтіреді;
• көркемдегіш құрал түрлерін ажыратады;
• көркем сөз қолданысын анықтайды, оның мәнін, автордың айтпақ болған ойын түсіндіреді.
• шығармадан алған үзіндіні қайта өңдеп, креативті жазу жазады.

Оқушылардың барлығы: үзіндімен жұмыс жасайды;

Оқушылардың көбісі: көркемдегіш құралдардың қолданысын талдайды;

Оқушылардың кейбірі: креативті жазады;

Жоспар

Жоспар бойынша орындалуы тиіс іс-әрекеттер

Қызығушылықты ояту

Психологиялық ахуал орнату

Оқушылар шеңбер болып тұрады, бір-бірінен үйренген жақсы қасиеттерді айтады. «Мен сенен ... үйрендім»

Топқа бөлу

«Кемедегінің жаны бір» әдісі бойынша әр топтан 1капитаннан шығады:

- екі ескек

- бір желкен

-бір матрос таңдап алады.

Үй жұмысын сұрау.

Мағынаны тану

Сабақтың тақырыбы, мақсаты, бағалау критерийлерімен таныстыру.

1-тапсырма ЖЖ/Т.

«Дойбы» әдісі

Негізгі әрекеттер:

• Мұғалім алдын ала дойбы тасын дайындап қояды. Топтарға дойбы шаршысы таратылады.
• Ойынның шарты:
• Мұғалім топтарға бірін-бірі қайталамайтындай етіп толғау мәтінін бөліп береді. Әр топ жұптарға бөлініп, көркемдегіш құралдың атауын айта отырып ойнайды.
• Алдымен әр жұп өз мәтіндеріндегі көркемдегіш құралдарды табады. Дайындалуға берілген уақыт аяқталған соң, топтар ойынға кіріседі. Мысалы, жүрісті бастаған жұп «эпитет» десе, қарсылас жұп өз мәтіндеріінен эпитетке мысал келтіреді. Жауап дұрыс болса, дойбы тасын алға жылжытады. Қате болса, дойбы тасы шаршыдан алынып тасталады.
• Ескерту: егер қарсылас жұп талап еткен көркемдегіш құралдар түрі мәтінде болмаса, басқасын атау керек.

2- тапсырма ТЖ.

«Қақпа» ойыны

Орындалу барысы:

- тақтада қақпаның суреті тұрады;

- қақпа алдына көркемдегіш құралдардың аты жазылған

қалташалар орналастырылады.

- мұғалім оқушыларға бір көркемдегіш сөзді айтады;

- сол сөздің қандай көркемдегіш құрал түріне жататынын

тапқан оқушы қол көтеріп, қалташаға гол (мұғалім алдын

ала таратқан өз тобының аты жазылған жетон) салады.

Соңынан ең көп гол соққан команда (топ) анықталып,

марапатталады.

Оқушыларға 2 түрлі тапсырма ұсынылады:

топтық тапсырма және жеке орындауға арналған креативті жазу. Оқушылар қалағанын орындайды.

Сергіту сәті: Оқушылар Қазақстан жұлдыздарының орындауындағы «Елім менің» әнін қосылып орындайды.

3-тапсырма ТЖ.

• Толғаудан алынған үзіндіден көркем сөз қолданыстарын тауып, астын сызыңыздар.
• Тұсына қандай көркемдегіш құрал түрі екенін жазып қойыңыздар.
• Көркем сөз қолданыстарының мәнін, автордың айтпақ болған ойын түсіндіріп .жазыңыздар.

1-топ

2-топ

3-топ

4-топ

Оқушылар өз жауаптарын топтарда талқылайды, автор стилінің ерекшелігін анықтай отырып, шығарманың көркем тілі турасында тұжырым жасайды.

5-шығармашылық бағыттағы тапсырма Ж.

«Креативті жазу»

Мұғалім өлеңнен бірнеше үзінділер ұсынады. Оқушы өз таңдауы бойынша ұнаған үзіндіні бөліп алып, қайта өңдеп, көркемдегіш құралдарды жиі және тиімді қолданып, креативті жазу жазады.

Ұсынылатын үзінділер:

• ... Сол шұбарға мінген соң,

Қоңыраулы найза қолға алып,

Қоңыр салқын төске алып,

Қол төңкерер ме екеміз?!

Тұмар мойын ат мініп,

Қоныс та қарар ма екеміз!

Ел жазылып жайлауда,

Жақсылар кеңес құрғанда,

Мұртымыз өрге шаншылып,

Бұрын да сөйлер ме екеміз?! 

• Кеуде бір жерді жол қылсам,

Шөлең бір жерді көл қылсам,

Құрап жанды көп жиып,

Өз алдына ел қылсам!

• Бала берсе тезінен, -

Пірлердің бітсе демінен,

Шілтеннің тиіп шылауы,

Артылып туса өзімнен!

Осындай берген дәулетті

Көтеріп тұра алар ма екеміз?!

Оқушылар өз жұмыстарын қорғайды.

Қалыптастырушы бағалау

Мұғалім әр оқушыны жасаған жұмысына қарай бағалап жүреді. Үлгермей жатқан оқушыға көмектеседі.

Кері байланыс

Үйге тапсырма.

Басқа жанрдағы шығармалармен салыстырып келу.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – Оқушылардың ақпаратты қаншалықты меңгергенін қалай тексересіз?

Пәнаралық байланыс

Қауіпсіздік ережелері

АКТ-мен байланыс Құндылықтармен байланыс (тәрбиелік элемент)

Сабақ оқушылардың жеке қабілеттерін дамытуға арналған. Олар ойнай отырып, ойлай білуге дағдыланады. Топтық тапсырма және жеке орындауға арналған креативті жазу тапсырмалары дараланғысы келген оқушыны құлшындырады.

Оқушылар өз білімдерін бағалау критерийі, дескрипторға сүйене отырып бағалайды.

Берілген тапсырмалардың қайсыбірі оқушылардың қауіпсіздігіне немесе денсаулығына қауіп төндірмейді. Осы сабақ барысында НЗМ құндылықтарын дамытады:

• Өзіне және айналадағы адамдарға құрмет;
• Ынтымақтастық;
• Жауапты азаматтық позиция.