Жануарлар әлемі. Қазақ тілі, 5 сынып, қалыптастырушы бағалау. 1 сабақ

Қалыптастырушы бағалау жұмысы

Тапсырма. Суреттерде берілген жануарлар мен аңдар, құстар туралы зерттеу кестесін толтырыңыздар. Берілген тірек сөздерді пайдаланыңыздар: үй жануарлары, түз тағысы, жыртқыш, төл атаулары - абылай, алан, бөлтірік, марғау, көгілдір, баршын, құралай, еңлік.

Бағалау критерийі

Сөйлемдер құруда зат есімдерді түрлендіре қолданады.

Зерттеу кестесі

1-топ

Тыңдалым тапсырмасы

«Жануарлар мен аңдардың төл атаулары» видеомәтінін тыңдай отырып, зерттеу кестесіне өзгеріс енгізіңіздер. Жұмыс барысында екі түсті қалам қолданыңыздар.

Тыңдалымнан кейінгі тапсырма

Құстардың біріне төлқұжат дайындаңыздар. Таңдаған аң мен жануарға немесе құсқа ат қойып, шағын сипаттама беріңіздер.

Үлгі:

Грамматикалық тапсырма

1. Тыңдалымнан кейінгі тапсырмаға сүйеніп, тірек кестелердің көмегімен зат есімнің мағыналық түрлері және олардың жалғаулар арқылы түрленуіне түсінік беріңіздер.

2. Тыңдалған мәтіннен заттардың атауы болатын зат есім сөздерді табыңыздар.

3. Заттарды жаппай атаудан бөліп, жеке атаулармен атаңыздар.

4. Әр төлге бір есім беріп, осыдан жалқы есім туралы ереже қорытып шығарыңыздар.

Жазылым тапсырмасы (жеке жұмыс)

Жануарлардың төлдеріне ат беріп, «Менің құралайым» немесе «Бөлтірік пен Аланның достығы» деген тақырыпта шағын мәтін құрастырып жазыңыз.

Бағалау критерийлері

1. Тәуелдік, септік жалғауларын дұрыс қолданады;

2. Жалпы және жалқы есімдерді ажыратады;

3. Сөйлемдер құруда зат есімдерді түрлендіреді.