3. Қазақ тілі_3 сынып_2_бөлім_Жақсыдан үйрен, жаманнан жирен_Фф дыбысы_Дидактикалық материал

Мәтін

Аман мен телефон

Асан ағайдың Аман деген баласы бесінші сыныпта оқиды.Оның бір жаман әдеті- мектептен үйге келген бойда телефонның құлағына тыныштық бермейді.Өзі секіріп ойнап тоздырған орынжайға жатып алып, Досан досымен ұзақ сөйлеседі. Міне, ол:

• Аллооо! Досан! Есебіңді шығардың ба? – деп, орынжайға шалқасынан жатып алып,таңқыш танауын аспанға көтереді.
• Есепті шығардым, оны сенің дәптеріңе көшіріп қойдым, - деп, Досан мақтанып, маңғаздана жауап берді.

Аманның ағасы Ақай інісінің кесірленіп жатқанын көріп қалып:

• Телефонмен жатып алып сөйлескенің – әдепсіздік қой, - деп кейіді.
• Көке, кедергі жасамаңыз!- деп, Аманның алакөзі шарасынан шығып кете жаздады.
• Үйге берілген тапсырманы Досанға орындатқаның – жалқаулық қой, балам деп, Анар ана қабағын түйді.
• Мен жалқау емеспін!- деп, Аман қолын бір сілкіп, телефон тұтқасына жармаса түсті.
• Телефонның кесірінен оқудағы үлгерімің бір жақсармай қойды, - деп, Асан ағай кейіп жүр.

Ал Аман кейімейді. Өйткені онда әдеп пен намыс жоқ.

Әдібай Табылды.