Гравитациялық өрістегі дененің қозғалысы. Бүкіләлемдік тартылыс күші. Гравитациялық тұрақты. Гравитациялық өрістің кернеулігі. Физика, 9 сынып, дидактикалық материал.

Есептер шығару

Бүкіләлемдік тартылыс заңы

1.Массалары бірдей екі дене 1 м қашықтықта орналасқан. Бір-біріне 1 Н күшпен тартылу үшін олардың массаларының шамасы неге тең болу керек?

2.Айдың бетіне денелер қандай үдеумен түсетінін анықтаңдар, егер Айдың массасы 7,3 ∙ 10²² кг, ал радиусы 1760 км болса.

3.Жер мен Күн арасындағы тартылыс күшін анықтаңдар, егер олардың массалары сәйкесінше 6 ∙ 10²⁴ және 2∙10³⁰ кг, ал олардың арасындағы қашықтық 1,5 • 10¹¹ м болса.

4.Жер бетінен 600 км қашықтықта орналасқан дененің еркін түсу үдеуін анықтаңдар. Жердің радиусы 6400 км.

5.Денелер сфера пішіндес деп есептеп, массалары 60 кг және 50 кг екі дененің арасындағы тартылыс күшін есептеңдер, егер олардың массалар центрі арасындағы қашықтық 1м-ге тең болса.

6.Массалары 10000 т екі кеме қандай күшпен тартылады, егер олардың арасындағы қашықтық 1 км болса?

7.Ай мен Жер арасындағы тартылыс күшін анықтаңдар, егер Жердің массасы 6 ∙ 10²⁴ кг, Айдың массасы 7,3 ∙ 10²² кг және олардың центрлері арасындағы қашықтық 384 000 км болса.

8.100 м қашықтықта орналасқан массалары 100 кг екі дене бір-біріне қандай күшпен тартылады?

9.Массалары 2 кг екі бірдей шарлар, 0,1 м қашықтықта қандай күшпен тартылады?

Дескрипторлар:

• Барлық физикалық шамаларды есептің берілгеніне ХБЖ айналдырады;
• Бүкіләлемдік тартылыс заңын жазады;
• Белгісіз физикалық шаманы қорытады;
• Математикалық есептеулерді орындайды;
• Жауабын жазады.