Рационал санды шектеусіз периодты ондық бөлшек түрінде көрсету. Математика, 6 сынып, сабақ жоспары.

Ұзақ мерзімді жоспар тарауы: 6.2А Рационал сандарға амалдар қолдану

Мектеп: Көкшетау қаласындағы физика-математика бағытындағы Назарбаев Зияткерлік мектебі

Күні:

Мұғалімнің аты-жөні: Тикшекеева Р.А.

Сынып: 6

Қатысқандар саны:

Қатысқандар саны:

Сабақ тақырыбы

Рационал санды шектеусіз периодты ондық бөлшек түрінде көрсету.

Сабақ түрі

Жаңа сабақ

Осы сабақта қол жеткізілетін оқу мақсаттары (оқу бағдарламасына сілтеме)

6.1.2.19

рационал санды шектеусіз периодты ондық бөлшек түрінде көрсету

Сабақ мақсаттары

Оқушы:

• Рационал санды шектеусіз периодты ондық бөлшек түрге келтіреді;
• Рационал санды шектеусіз периодты ондық бөлшек түрінде жазады;
• Шектеусіз периодты ондық бөлшекті оқиды.

Бағалау критерийлері

Білім алушы төмендегі критерийлерді орындаса, оқу мақсаттарына жетеді:

- Период ұғымын түсінеді;

- Периодты ондық бөлшектерді ажыратады, жазады, оқиды;

- Рационал санды шектеусіз периодты ондық бөлшек түріне келтіреді;

- Өз жауабын негіздейді.

Тілдік мақсаттар

Оқушы:

• берілген сабақтың математикалық терминологиясын қолданады;
• рационал сандарды көбейтуді/бөлуді ауызша айқындайды;
• жай бөлшекті ондық бөлшекке және ондық бөлшекті жай бөлшекке айналдыруды түсіндіреді;
• шексіз периодты ондық бөлшектің периодын табуды түсіндіреді.

Пәнге қатысты лексика мен терминология:

• шектеулі ондық бөлшек;
• шектеусіз периодты ондық бөлшек;
• шектеусіз периодсыз ондық бөлшек;
• қысқартылмайтын жай бөлшек;
• периодты ондық бөлшек;
• таза периодты ондық бөлшек;
• таза периодты ондық бөлшек;
• бөлшектің периоды.

Диалогқа/жазылымға қажетті тіркестер:

• рационал санды жай бөлшек/ондық бөлшек түрінде жазуға болады;
• жай бөлшекті ондық бөлшекке айналдыру үшін ... қажет;
• егер сан периодты/шектеулі ондық бөлшек түрінде жазылатын болса, онда ол рационал сан болып табылады;
• 0,(6) санын «нөл бүтін периодта алты» деп оқимыз;
• 3,1(4) санын «үш бүтін оннан бір периодта төрт» деп оқимыз.

Құндылықтарды дарыту

Оқи білу, өздік мәлімет жинақтау, жағдайды талдау, жаңа жағдайға бейімделу, проблеманы қою және оны шешу, өз жұмысына және өз тобының сапалы нәтижесіне жауап беру, өз уақытын ұйымдастыра білу, сабақтағы ұсыныстарға және көпмәдениеттілікке құрмет көрсету.

Құндылықтардыдарыту сабақтағыіс-әрекеттердіңбарлық кезендері барысында енгізіледі.

Оқушылар өз сыныптастарымен диалогқа қатысуы керек, сол сияқты сыныппен талқылауға коммуникативтік дағдыларын дамытып, қатысуы керек.

Оқушылар алға қойылған талаптытүсінуі қажет, жұппен жұмыстақолдау көрсетіп,идеяларымен бөлісіп және талқылауға қатысып, жауапты болуға үйренеді.

Пәнаралық байланыстар

Жай бөлшектерді ондық бөлшектерге және керісінше айналдыру физикада, химияда және басқа да пәндерде сандық есептеулер жүргізуге көмектеседі.

Бастапқы білім

Оқушылар жай бөлшек, бүтін сан, рационал сан ұғымдарын біледі; рационал сандарды қосу мен азайту амалдарын орындай алады.

Сабақ барысы

Сабақтың жоспарланған кезеңдері

І. Cәлемдесу. Ұйымдастыру кезеңі.

Сабақтың басында мұғалім жасайтын акценттер:

-Оқушылардың зейініңконцентрациялау:

ІІ. Оқушылардың жетекші білімдері мен дағдыларын өзектендіру.

Мұғалім: Бүгінгі мақсатқа жету үшін, өткен білімдерімізді жүйелейік.

Сыныппен ауызша жұмыс: Осы кезенде оқушыларда келесі дағдылар: өмір бойы үздіксіз білім алу, сондай-ақ өз жұмысының сапасы үшін жауап беру, өз уақытын ұйымдастыра білу дамиды.

Бағалау критерийлері: қандай жай бөлшектерді шектеулі ондық бөлшектер түрінде жазуға болатыны жайлы білімдерін жинақтайды.

-Өткен сабақта қандай мақсатты алдымызға қойып едік, не игердік? (қандай жай бөлшектерді шектеулі ондық бөлшектер түрінде жазуға болатынын анықтадық);

- Жай бөлшектерді шектеулі ондық бөлшектер түрінде жазу үшін қандай шарт орындалу қажет? (қысқартылмайтын жай болшектің бөлімінің жіктелуінде 2 мен 5-тен өзге жай көбейткіштері болмауы қажет);

- Қысқартылмайтын жай бөлшектерді шектеулі ондық бөлшектер түрінде жазу тәсілін ата. Қай тәсіл тиімді? (бөлшек бөлімін 10 санының дәрежесіне келтіру және бұрыштап бөлу)

Тапсырма: бөлшектері берілген. (слайдта және оқушыларға үлестірім парағын тарату)

1.1.Қай бөлшектер шектеулі ондық бөлшек болып табылады?(жауабынды негізде).Жауабы:

1.2.Осы сандарды шектеулі ондық бөлшек түрінде жазыңдар.

(оқушылар тақташада орындап, жауабын орындарынан көтеріп отырады; слайд бойынша өзін-өзі тексеру жүргізеді). Жауабы:

-Оқушылармен бірлесіп сабақ мақсатын анықтау:

Мұғалім: Өткен сабақта біз жай бөлшектерді шектеулі ондық бөлшек түрінде жазуды көздеген едік. Неліктен шектеулі деген сөзге көңіл бөліп тұрмыз?Жай бөлшек десек болмас педі? (оқушының назарын шектеусіз бөлшек болатынына аударады)

Нәтижесінде оқушылармен бірлесіп бүгінгі сабақ мақсатын қорыту.

-Сабақ аяғында күтілетін нәтижемен танысу (слайдтар № 1- 4)

IIІ. Жаңа материал. Проблемалық жағдай туғызу, материалды игеру.

Жұппен жұмыс.

Осы кезенде оқушыларда келесі дағдылар: өмір бойы үздіксіз білім алу, сондай-ақ өз жасаған жұмысының нәтижесінде жаңа мәлімет ашу, өз уақытын ұйымдастыра білу дамиды.

Бағалау критерийлері: қандай жай бөлшектерді шектеулі ондық бөлшектер түрінде жазуға болатыны жайлы білімдерін жинақтайды.

Оқушылар жұпта жұмыс жасайды.

Тапсырма: бөлшектері берілген.

• • бөлімінің жіктелуінде 2 мен 5-тен өзге де жай көбейткіштері болатын бөлшектерді теріп жаз;

1.2.бөлімінің жіктелуінде 2 саны да, 5 саны да болмайтын жай

бөлшектерді жаз.

Тақта алдында; бұрыштап бөлуді орындау қажет. (Мұғалім)

санын түрлендіру жұмысының бақылайды және көру барысында талдау жүргізіледі: https://www.youtube.com/watch?v=SGM_g1-Sjdo

2.1.рационал сандарды периодты ондық бөлшек түрінде жазыңдар: 1 жұп; 2 жұп;

2.2. рационал сандарды периодты ондық бөлшек түрінде жазыңдар: 3жұп; 4 жұп.

3.2.Бөлшектерде не ортақ? Айырмашылығы неде? Қандай зандылық көріп тұрсындар? Қорытынды жасаңдар.

Өзін-өзі тексеруді слайд бойынша жүргізеді (сыныппен талдау жұмысы барысында).

ІV. Тақырыпты бекіту.

Жеке жұмыс.Осы кезенде оқушыларда келесі дағдылар: өмір бойы үздіксіз білім алу, сондай-ақ өз жұмысының сапасы үшін жауап беру, өз уақытын ұйымдастыра білу дамиды.

Бағалау критерийлері: Натурал санды периодында тек 0 цифры болатын таза периодты ондық бөлшек түрінде жазады .

Дескрипторлар:

- Таза периодты ондық бөлшектерді дұрыс жазады – 1 ұпай.

№ 604, бет 139. 1, 3, 7, 16, 49, 60, 100 натурал сандарын периодында тек 0 цифры болатын таза периодты ондық бөлшек түрінде жазыңдар.

Жұпта бірін– бірі тексеру жүргізеді.

1=1,000…=1,(0); 3=3,000…=3,(0); 7=7,000…=7,(0);

16=16,000…=16,(0); 49=49,000…=49,(0); 60=60,000…=60,(0); 100=100,000…=100,(0);

Кері байланыс: натурал санды периодында тек 0 цифры болатын таза периодты ондық бөлшек түріне келтіру үшін не жасадық?

Бағалау критерийлері: рационал санды периодты ондық бөлшек түріне келтіреді.

Дескрипторлар:

- бұрыштап бөлуді дұрыс орындайды– 1 ұпай.

-рационал санды периодты ондық бөлшек түріне келтіреді - 1 ұпай.

- нәтижені дұрыс жазады - 1 ұпай.

Үлестірім парағы

Тапсырма: Мына рационал сандарды периодты ондық бөлшек түрінде жазыңдар.

Жауабы:

Мұғалімнің бағалауы:

- Есеп шығару барысында мұғалім оқушылардың жұмысын бақылап жүріп қажет кезде әр оқушыға көмек береді.

V. Жұптық жұмыс.

Тапсырма орындау барысында оқушы мақсатқа жету, еңбексүйгіштік, акамемиялық адалдық дағдыларын қалыптастырады

Бағалау критерийлері: рационал санды периодты ондық бөлшек түрінде көрсетеді.

Дескрипторлар:

- бөлуді дұрыс орындайды– 1 ұпай.

- рационал санды периодты ондық бөлшек түріне келтіреді - 1 ұпай.

- нәтижені дұрыс жазады - 1 ұпай.

- таза периодты ондық бөлшекті анықтайды- 1 ұпай.

- аралас периодты ондық бөлшекті анықтайды- 1 ұпай.

Тапсырма: Рационал сандарды периодты ондық бөлшек түрінде жазыңыздар. Таза және аралас периодты ондық бөлшекті анықта.

1 нұсқа: 2 нұсқа:

Жауабы:

1 нұсқа:

- таза аралас периодты ондық бөлшек;

- аралас периодты ондық бөлшек;

- шектеулі ондық бөлшек.

2 нұсқа:

- таза аралас периодты ондық бөлшек;

-аралас периодты ондық бөлшек;

-аралас периодты ондық бөлшек.

Мұғалімнің бағалауы:

• Есеп шығару барысында мұғалім оқушылардың жұмысын бақылап жүріп қажет кезде әр оқушыға көмек береді;
• Тақтада берілген шешуі бойынша оқушы өзін-өзі бағалау жүргізеді;
• Жасаған жұмыс нәтижелері негізінде кері байланыс жасау;
• Келесі сабақты жоспарлау кезінде, оқушылардың тапсырманы орындау барысында, жасаған кемшіліктерін ескеріп отыру.

IV. Үй тапсырмасы. Оқулық Математика 6 сынып. Алдамұратова Т.А., Байшоланов Т.С. Алматы: Атамұра, 2011.

§ 3.6., 3 тарау; № 607 бет 139

Сабақ соңында оқушылар рефлексия жүргізеді:

- нені білдім, нені үйрендім

- нені толық түсінбедім

- немен жұмысты жалғастыру қажет

Саралау– Сіз қалай көп қолдау көрсетуді жоспарлап отырсыз? Қабілеттері мол оқушыларға қандай мәселелер қою жоспарлап отырсыз?

Бағалау – Оқушылардың материалды игеру деңгейін қалай тексеруды жоспарлап отырсыз?

Оқушылар сабақ бойы жеке және жұпта жұмыс жасайды. Сабақта әр түрлі деңгейдегі тапсырмалар беру арқылы саралау қарастырылған. Қабілеті жоғары оқушыларға қосымша тапсырмалар дайындалған.

Әрбір оқушы өзін өзі бағалайды және бір-бірін жұпта бағалайды.